తేజ సజ్జ నటించిన ‘మిరాయ్’ సినిమా బాక్స్ ఆఫీస్ దగ్గర దుమ్ము రేపుతోంది. తక్కువ బడ్జెట్తో నిర్మించిన ఈ చిత్రం తొలిరోజు వసూళ్లతో సినీ ప్రేక్షకులను ఆశ్చర్యపరిచింది. హనుమాన్ సినిమా రికార్డును కూడా దాటింది.
Key Points
మిరాయ్ సినిమా తొలిరోజు దేశవ్యాప్తంగా రూ.12 కోట్లకు పైగా వసూలు చేసింది.
రూ.60 కోట్ల బడ్జెట్ తో తెరకెక్కిన ఈ చిత్రం హనుమాన్ సినిమా కంటే ఎక్కువ వసూళ్లు సాధించింది.
తేజ సజ్జ, రితికా నాయక్, మంచు మనోజ్ ప్రధాన పాత్రల్లో నటించారు.
నార్త్ అమెరికాలో 7 లక్షల డాలర్లకు పైగా వసూళ్లు సాధించింది.
మిరాయ్ సినిమా బాక్స్ ఆఫీస్ వసూళ్లు
ఈ మధ్య వస్తున్న చాలా సినిమాల్లో గ్రాఫిక్స్ ఉపయోగిస్తున్నారు. ఈ వీఎఫ్ఎక్స్ కోసం వందల కోట్లు గుమ్మరించేస్తున్నారు. దాంతో బడ్జెట్ తడిసిమోపెడవుతోంది. దానికి తగ్గట్లుగా కలెక్షన్స్ రాబట్టడం గగనమవుతోంది. కానీ మిరాయ్ ( Mirai Movie ) మాత్రం తక్కువ బడ్జెట్తోనే అద్భుతాలు సృష్టించింది. తేజ సజ్జ ప్రధాన పాత్రలో నటించిన లేటెస్ట్ మూవీ మిరాయ్. హీరోయిన్గా రితికా నాయక్, విలన్గా మంచు మనోజ్, హీరో తల్లిగా శ్రియ నటించారు. కేవలం రూ.60 కోట్ల బడ్జెట్తో తెరకెక్కిన ఈ చిత్రానికి కార్తీక్ ఘట్టమనేని దర్శకత్వం వహించాడు.
తక్కువ బడ్జెట్ తో భారీ విజయం
ఫస్ట్డే కలెక్షన్స్ సెప్టెంబర్ 12న ప్రేక్షకుల ముందుకు వచ్చిన ఈ మూవీకి పాజిటివ్ రెస్పాన్స్ వస్తోంది. తొలిరోజు ఈ సినిమా దేశవ్యాప్తంగా రూ.12 కోట్లకుపైగా నెట్ కలెక్షన్స్ వసూలు చేసినట్లు తెలుస్తోంది. ఇది హనుమాన్ కంటే కూడా ఎక్కువని తెలుస్తోంది! తేజ సజ్జ హీరోగా నటించిన హనుమాన్ మూవీ మొదటిరోజు దేశవ్యాప్తంగా దాదాపు రూ. 10 కోట్ల నెట్ వసూళ్లు రాబట్టింది. ఈ రికార్డును మిరాయ్ బద్ధలు కొట్టింది. మిరాయ్.. నార్త్ అమెరికాలో 7 లక్షల డాలర్లు (రూ.6 కోట్లపైనే) వసూలు చేసినట్లు చిత్రయూనిట్ అధికారికంగా ప్రకటించింది. వీకెండ్లో ఈ కలెక్షన్స్ మరింత పెరిగే అవకాశం ఉంది.
తేజ సజ్జ కెరీర్ లో మరో మైలురాయి
తక్కువ బడ్జెట్తో తెరకెక్కిన ‘మిరాయ్’ సినిమా అనూహ్యమైన విజయం సాధించింది. తొలిరోజు వసూళ్లు అంచనాలను దాటడంతో చిత్ర బృందం ఆనందంలో మునిగిపోయింది.
