📌 Key Points
- మిథిలా పాల్కర్, అక్షయ్ కుమార్ ‘భూత్ బంగ్లా’లో నటిస్తున్నారని అఫీషియల్ ప్రకటన వచ్చేసింది.
- అక్షయ్ కుమార్ హోస్ట్ చేస్తున్న ‘వీల్ ఆఫ్ ఫార్చ్యూన్’ షోలో ఈ విషయాన్ని వెల్లడించారు.
- ప్రియదర్శన్ దర్శకత్వంలో 14 ఏళ్ల తర్వాత అక్షయ్ కుమార్ నటిస్తున్న సినిమా ఇది.
- మే 15, 2026న ‘భూత్ బంగ్లా’ సినిమా గ్రాండ్ రిలీజ్ కానుంది, ఎదురుచూస్తూ ఉండండి.
మిథిలా పాల్కర్ ఇప్పుడు టాలీవుడ్ మరియు బాలీవుడ్ ప్రేక్షకులను తన నటనతో మెస్మరైజ్ చేయడానికి సిద్ధంగా ఉంది. అక్షయ్ కుమార్తో కలిసి ‘భూత్ బంగ్లా’లో నటించనుంది. ఈ సినిమాకు సంబంధించిన మరిన్ని వివరాలు ఇప్పుడు చూద్దాం!
అక్షయ్ కుమార్ షోలో మిథిల సందడి
మిథిలా పాల్కర్ (Mithila Palkar) ఇంటర్నెట్ సెన్సేషన్ నుండి బాలీవుడ్, సౌత్ సినిమాల వరకు తనకంటూ ఒక ప్రత్యేక గుర్తింపు తెచ్చుకున్నారు. సహజమైన నటన, కర్లీ హెయిర్తో డిజిటల్ క్వీన్గా పేరు సొంతం చేసుకున్నారు. తెలుగులో విశ్వక్ సేన్ ‘ఓరి దేవుడా’ సినిమాతో పరిచయం అయి ఫుల్ పాపులారిటీ దక్కించుకున్నారు. ఇక ఇప్పుడు ఏకంగా బాలీవుడ్ స్టార్ హీరో అక్షయ్ కుమార్తో ‘భూత్ బంగ్లా’లో నటించే చాన్స్ కొట్టేశారు. తాజాగా అక్షయ్ కుమార్ హోస్ట్ చేస్తున్న ‘వీల్ ఆఫ్ ఫార్చ్యూన్’ గేమ్ షోకి అతిథిగా వచ్చిన మిథిలా పాల్కర్, షూటింగ్ విశేషాలను పంచుకున్నారు. ఈ షోలో మిథిలను ప్రేక్షకులకు పరిచయం చేస్తూ అక్షయ్ కుమార్ ఆసక్తికరమైన విషయాన్ని బయటపెట్టారు. ‘‘మిథిల ఇంటర్నెట్ ద్వారా తన ప్రయాణాన్ని మొదలుపెట్టి, ఇప్పుడు ఎన్నో సినిమాల్లో నటిస్తోంది. త్వరలో ఆమె నాకు బాగా తెలిసిన ఒక నటుడితో కలిసి నటించబోతోంది.. ఆ నటుడు మరెవరో కాదు, నేనే. మిథిల అద్భుతంగా నటించింది. తన పాత్రను చాలా ప్రేమగా పోషించింది.!’’ అని సరదాగా చెప్పారు. అంతేకాకుండా, ‘భూత్ బంగ్లా’లో మిథిల దెయ్యం పాత్రలో కాకుండా, తన చెల్లెలి పాత్రలో కనిపిస్తుందని అక్షయ్ క్లారిటీ ఇచ్చారు.
ఈ క్రమంలో వీరిద్దరి మధ్య నడిచిన ఫన్నీ మూమెంట్ ప్రేక్షకులను నవ్వించింది. ‘‘సినిమా షూటింగ్ సమయంలో లూడో ఆడి నీ దగ్గర పోగొట్టుకున్న డబ్బునంతా ఈ గేమ్ షోలో గెలుచుకుని తిరిగి వసూలు చేసుకుంటాను’’ అని మిథిల అనగా.. ‘‘నువ్వు గెలిచి నా బాకీ తీర్చుకోవాల్సిందే, లేదంటే ఈసారి మనం లూడో కాదు.. జూడో ఆడదాం’’ అంటూ అక్షయ్ తనదైన శైలిలో కౌంటర్ ఇచ్చారు. ఆన్ స్క్రీన్ అన్నచెల్లెళ్లుగా నటిస్తున్న వీరిద్దరి మధ్య ఆఫ్ స్క్రీన్ బాండింగ్ కూడా అదిరిపోయిందని ఈ షో ద్వారా అర్థమైంది. కాగా.. దాదాపు 14 ఏళ్ల తర్వాత దర్శకుడు ప్రియదర్శన్, అక్షయ్ కుమార్ కాంబినేషన్లో రాబోతున్న సినిమా కావడంతో ప్రేక్షకుల్లో భారీ అంచనాలు నెలకొన్నాయి. ‘భూత్ బంగ్లా’లో అక్షయ్ కుమార్తో పాటు పరేష్ రావల్, రాజ్పాల్ యాదవ్ వంటి ఐకానిక్ త్రయం మళ్లీ కనిపించబోతోంది. వామీకా గబ్బి, టబు కూడా కీలక పాత్రల్లో నటిస్తున్నారు. ఏక్తా కపూర్, శోభా కపూర్ సంయుక్తంగా నిర్మిస్తున్న ఈ చిత్రం మే 15, 2026న థియేటర్లలో గ్రాండ్గా విడుదల కానుంది.
‘భూత్ బంగ్లా’లో చెల్లిగా మిథిల
14 ఏళ్ల తర్వాత ప్రియదర్శన్, అక్షయ్ కాంబో
‘భూత్ బంగ్లా’ సినిమా మే 15, 2026న విడుదల కానుంది. అక్షయ్ కుమార్, మిథిలా పాల్కర్ కాంబినేషన్ ఎలా ఉండబోతుందో చూడటానికి అందరూ ఆసక్తిగా ఉన్నారు. మరిన్ని అప్డేట్స్ కోసం చూస్తూ ఉండండి.
