📌 Key Points
- లిరిక్ రైటర్ మిట్టపల్లి సురేందర్ ఐటెం సాంగ్స్, బూతు పాటలు రాయనని స్పష్టీకరణ.
- పెద్ది సినిమా ప్రమోషన్స్కు రాని కారణం వెల్లడి.
- మారెమ్మ సినిమాలో సాంగ్స్ రాసిన సురేందర్ ఇంట్రెస్టింగ్ కామెంట్స్.
- నా పాటలు తల్లి, కూతురు, సోదరి అందరూ వినేలా ఉండాలన్న ఫీలింగ్.
ప్రముఖ లిరిక్ రైటర్ మిట్టపల్లి సురేందర్ సంచలన వ్యాఖ్యలు చేశారు. ఐటెం సాంగ్స్ మరియు బూతు పాటలు రాయనని స్పష్టం చేస్తూ, పెద్ది సినిమా ప్రమోషన్స్కు రాని కారణాన్ని వెల్లడించారు. ఆయన మాటలు సోషల్ మీడియాలో వైరల్ అవుతున్నాయి.
ఐటెం సాంగ్స్పై సురేందర్ సంచలన వ్యాఖ్యలు
Mittapalli Surender : పలు ప్రైవేట్ సాంగ్స్, తెలంగాణ ఉద్యమ గీతాలతో గుర్తింపు తెచ్చుకున్నారు లిరిక్ రైటర్ మిట్టపల్లి సురేందర్. గత కొంతకాలంగా ఆయన సినిమా సాంగ్స్ కూడా రాస్తూ బిజీగా ఉన్నారు. జార్జ్ రెడ్డి సినిమాలో బులెట్ సాంగ్ తో ఒక్కసారిగా గుర్తింపు తెచ్చుకున్నారు. రాజు వెడ్స్ రాంబాయి సినిమాలో రాంబాయి సాంగ్ తో మంచి ఫేమ్ తెచ్చుకున్నారు.
మిట్టపల్లి సురేందర్ ఇప్పుడు మారెమ్మ సినిమాలో సాంగ్స్ రాశారు. రవితేజ తమ్ముడు కొడుకు మాధవ్ హీరోగా వస్తున్న ఈ సినిమా త్వరలో రిలీజ్ కానుంది. ఈ సినిమా ప్రమోషన్స్ లో భాగంగా మిట్టపల్లి సురేందర్ నేడు మీడియాతో మాట్లాడారు. ఈ క్రమంలో ఆయన ఐటెం సాంగ్స్ రాయను అంటూ ఆసక్తికర వ్యాఖ్యలు చేసారు. అలాగే పెద్ది సినిమా గురించి మాట్లాడారు.
పెద్ది ప్రమోషన్స్కు రాని కారణం ఇదే!
మిట్టపల్లి సురేందర్ మాట్లాడుతూ.. నేను అన్ని రకాల పాటలు రాస్తాను. కమర్షియల్ సాంగ్స్ అవకాశం వస్తే రాస్తాను. కానీ ఐటెం సాంగ్స్, బూతు పాటలు మాత్రం రాయను. నా ఫ్రెండ్ ఒకతను దర్శకుడు అయ్యాడు. కమర్షియల్ సినిమా చేస్తూ నన్ను పిలిచి ఐటెం సాంగ్ రాయమన్నాడు. నేను పాట రాసాను కానీ ఇవ్వను అన్నాను. నేను రాసే పాటలు నా తల్లి, కూతురు, సోదరి అందరు వినేలా ఉండాలి. నేను రాసిన పాటని వాళ్ళు వినకుండా స్కిప్ చేసేలా ఉండకూడదు. అందుకే నేను ఐటెం సాంగ్స్ రాయను. నాకు ఐటెం సాంగ్ వల్ల సినిమా సింగిల్ కార్డు పేరు కూడా పోగొట్టుకున్నాను. అయినా నాకు పర్లేదు. చాలా ఐటెం సాంగ్స్ అవకాశాలు వచ్చినా రాయను అనే చెప్పాను అని తెలిపారు.
మారెమ్మ సినిమాలో సురేందర్ పాటల ప్రత్యేకత
పెద్ది సినిమా గురించి మాట్లాడుతూ.. నేను పెద్ది సినిమాలో రెండు పాటలు రాసాను. జగపతి బాబు పాత్ర చనిపోయినప్పుడు, క్లైమాక్స్ లో వచ్చే పాటల్ని నేనే రాసాను. కానీ ఆ సినిమా ప్రమోషన్స్ సమయంలో నేను వేరే సినిమా పాటలు సిట్టింగ్స్ కి గోవాలో ఉన్నాను. అందుకే పెద్ది సినిమా ప్రమోషన్స్ లో పాల్గొనడం కుదర్లేదు అని తెలిపారు.
మిట్టపల్లి సురేందర్ సంచలన వ్యాఖ్యలు సినీ ప్రియుల్లో చర్చకు దారితీశాయి. మారెమ్మ సినిమా పాటలపై అంచనాలు పెరిగాయి. మరిన్ని అప్డేట్స్ కోసం వేచి చూడండి!
