లేడీ సూపర్ స్టార్ నయనతార పుట్టినరోజును కుటుంబంతో కలిసి జరుపుకున్నారు. భర్త విఘ్నేశ్ శివన్ ప్రతి ఏడాదిలాగే ఈసారి కూడా రూ.10 కోట్ల రోల్స్ రాయిస్ కారును బహుమతిగా ఇచ్చి సర్ ప్రైజ్ చేశారు. ఈ ఫోటోలు ఇప్పుడు వైరల్ అవుతున్నాయి.
Key Points
40 ఏళ్లు దాటినా నయనతార వరుస సినిమాలతో బిజీగా ఉంది.
భర్త విఘ్నేశ్ రూ.10 కోట్ల రోల్స్ రాయిస్ బ్లాక్ బ్యాడ్జ్ స్పెక్ట్ర్ కారును బహుమతిగా ఇచ్చారు.
2023 నుంచి ప్రతి ఏటా ఖరీదైన కార్లు బహుమతిగా ఇస్తున్న విఘ్నేశ్ శివన్.
ఈ ఖరీదైన కారు ఫోటోలు సోషల్ మీడియాలో వైరల్ అవుతున్నాయి.
నయనతార బిజీ షెడ్యూల్
40 ఏళ్లు దాటినా సరే హీరోయిన్ నయనతార.. ఇప్పటికీ వరస సినిమాలు చేస్తూ ఫుల్ బిజీగా ఉంది. ప్రస్తుతం ఈమె చేతిలో చిరంజీవి ‘మన శివశంకరవరప్రసాద్’, బాలకృష్ణ కొత్త సినిమా, యష్ ‘టాక్సిక్’తో పాటు తమిళ, మలయాళ చిత్రాలు చెరో రెండు ఉన్నాయి. అసలు విషయానికొస్తే ఈసారి నయన్ తన పుట్టినరోజుని సింపుల్గా ఫ్యామిలీతో కలిసి సెలబ్రేట్ చేసుకుంది. భర్త విఘ్నేశ్ నుంచి గిఫ్ట్ మాత్రం చాలా ఖరీదైనది వచ్చింది.
విఘ్నేశ్ శివన్ బహుమతుల సంప్రదాయం
గతంలో పలు రిలేషన్షిప్స్లో ఉన్న నయన్.. తర్వాత కాలంలో తమిళ దర్శకుడు విఘ్నేశ్ శివన్ని ప్రేమించింది. 2022లో వీళ్లు పెళ్లి చేసుకున్నారు. తర్వాత ఏడాది నుంచి ప్రతిసారి నయన్ పుట్టినరోజుకి విఘ్నేశ్ ఖరీదైన కార్లని బహుమతిగా ఇస్తూనే ఉన్నాడు.
రూ.10 కోట్ల రోల్స్ రాయిస్ గిఫ్ట్
2023లో రూ.3 కోట్లు ఖరీదు చేసే మెర్సిడెజ్ మేబాచ్, 2024 అంటే గతేడాది రూ.5 కోట్లు విలువ చేసే మెర్సిడెజ్ బెంజ్ మేబాచ్ జీఎల్ఎస్ 600 కారుని విఘ్నేశ్ బహుమతిగా నయనతారకు ఇచ్చాడు. ఇప్పుడు ఏకంగా రూ.10 కోట్ల ఖరీదైన రోల్స్ రాయిస్ బ్లాక్ బ్యాడ్జ్ స్పెక్ట్ర్ కారుని బహుమతిగా ఇచ్చాడు. ఆ ఫొటోలని విఘ్నేశ్ తన ఇన్ స్టాలో పోస్ట్ చేశాడు. ఇప్పుడీ ఫొటోలు వైరల్ అవుతున్నాయి.
నయనతారకు విఘ్నేశ్ శివన్ ఇచ్చిన ఈ ఖరీదైన బహుమతి వారి బంధాన్ని, ప్రేమను చాటి చెబుతోంది. ప్రతి ఏటా ఇలాంటి అపురూప బహుమతులతో సర్ ప్రైజ్ చేయడం సినీ వర్గాల్లో చర్చనీయాంశంగా మారింది.
