మెగా డాటర్ నిహారిక కోనీడెల తన స్నేహితురాలు వితికా చేసిన సర్ప్రైజ్తో ఎమోషనల్ అయింది. వితికా నిహారిక పాటరీ స్టూడియోను అందంగా మార్చింది. దీనికి సంబంధించి నిహారిక ఓ ఎమోషనల్ పోస్ట్ పెట్టింది.
Key Points
నిహారిక తన స్నేహితురాలు వితికా చేసిన సర్ప్రైజ్కు చలించిపోయింది.
వితికా నిహారిక పాటరీ స్టూడియో గోడను అందంగా మార్చింది.
నిహారిక తన స్నేహితురాలి ప్రేమను ఎప్పటికీ గుర్తుంచుకుంటానని పేర్కొంది.
నెటిజన్లు నిహారిక నిశ్చితార్థం గురించి ఊహించుకుంటున్నారు.
వితికా చేసిన సర్ప్రైజ్
మెగా డాటర్ నిహారిక(niharika) చేసింది తక్కువ సినిమాలే అయినప్పటికీ స్టార్ హీరోయిన్ అంత పాపులారిటీ దక్కించుకుంది. పలు షోలకు యాంకర్గానూ వ్యవహరించిన ఆమె జొన్నలగడ్డ చైతన్య(Jonnalagadda Chaitanya)ను పెళ్లి చేసుకుంది. కానీ ఎక్కువ కాలం భర్తతో కలిసి కాపురం చేయలేదు. కొద్ది రోజులకే మనస్పర్థలు ఏర్పడి విడాకులు తీసుకుని విడిపోయింది. ఆ బాధ నుంచి బయటపడేందుకు తన ఫ్రెండ్స్, ఫ్యామిలీతో వెకేషన్స్కు వెళ్లి ఫుల్ ఎంజాయ్ చేసింది. ఇక ఆ తర్వాత సినీ కెరీర్పై ఫోకస్ పెట్టిన నిహారిక పింక్ ఎలిఫెంట్ అనే నిర్మాణ సంస్థను పెట్టి నిర్మాతగా మారింది. ఆమె బ్యానర్లో వచ్చిన మొదటి మూవీ ‘కమిటీ కుర్రోళ్లు’ హిట్ కావడంతో మంచి గుర్తింపు వచ్చింది. ఇక హీరోయిన్గా నటించింది కానీ హిట్ అందుకోలేకపోయింది. దీంతో నిర్మాతగానే పలు చిత్రాలు తెరకెక్కిస్తూ ఫుల్ బిజీగా గడుపుతోంది.
నిహారిక ఎమోషనల్ పోస్ట్
తాజాగా, నిహారికకు తన స్నేహితురాలు వితికా షేరు బిగ్ సర్ప్రైజ్ ఇచ్చింది. తన పాటరీ స్టూడియోలోని గోడను అందంగా మేకోవర్ చేసింది. దీంతో అది చూసిన నిహారిక ఎమోషనల్ అయిపోయి ఆమెను ముద్దులతో ముంచెత్తింది. ఈ విషయాన్ని తెలుపుతూ ఇన్స్టాలో ఓ పోస్ట్ కూడా పెట్టింది. ‘‘నీకు, నీ ప్రేమకు ఏ దిష్టి తగలకూడదనుకుంటున్నా. తన ప్రేమను కాదనడం కష్టం అన్నంతగా ప్రేమిస్తుంది. నా జీవితాన్ని అందంగా మార్చినందుకు ధన్యవాదాలు. నేను ఇంటికి తిరిగి వచ్చినప్పుడు బాధలో ఉన్నాను. కానీ వితికా చేసిన పని చూశాక నాపై కురిపిస్తున్న ప్రేమకు మంత్రముగ్దురాలినైపోయాను.
నెటిజన్ల చర్చ
నువ్వెప్పుడూ నీ చుట్టూ ఉండే జనాల్ని స్పెషల్ ఫీల్ అయ్యేలా చేస్తావ్. చెప్పలేనంత ప్రేమను కురిపిస్తావు. దీన్ని నేను గ్రాంటెడ్గా తీసుకోను నా జీవితంలోకి వచ్చిన నిన్ను అనునిత్యం ప్రేమిస్తూనే ఉంటాను. ఐ లవ్ యూ మై బేబీ’’ అని రాసుకొచ్చింది. ఈ పోస్ట్తో పాటు నిహారిక గ్రీన్ కలర్ పట్టుచీర కట్టుకుని ఓడిలో పూలతో ఉన్న ఫొటోను కూడా షేర్ చేసింది. ఇక అది చూసిన నెటిజన్లు ఆమె నిశ్చితార్థం చేసుకుందని చర్చించుకుంటున్నారు. అందుకే పూర్తి ఫొటో పోస్ట్ చేయకుండా పూలు కనిపించేలా పెట్టడానికి కారణం శుభకార్యమే అని అంటున్నారు.
వితికా స్నేహం నిహారిక జీవితంలో ఒక ముఖ్యమైన అంశమని ఈ సంఘటన తెలియజేస్తుంది. ఆమె ప్రేమకు, స్నేహానికి నిదర్శనంగా ఈ పోస్ట్ నిలిచిపోతుంది.
