📌 Key Points
- ఆస్కార్ నామినీలకు రూ. 3.2 కోట్ల విలువైన గిఫ్ట్ బ్యాగ్ అందజేత!
- గిఫ్ట్ బ్యాగ్ను సిద్ధం చేస్తున్న అమెరికాకు చెందిన ‘డిస్టింక్టివ్ అసెట్స్’ సంస్థ.
- గిఫ్ట్ బ్యాగ్లో హోమ్ ఇంటీరియర్ డిజైన్ ప్యాకేజీ విలువ దాదాపు రూ. 90 లక్షలు!
- ఖరీదైన కాస్మెటిక్స్, ఆరోగ్యకరమైన స్నాక్స్, విలాసవంతమైన లైఫ్ స్టైల్ ఉత్పత్తులు కూడా ఉన్నాయి.
ఆస్కార్ వేడుక అంటేనే ఒక సంచలనం. అవార్డు గెలుచుకున్న వారికే కాదు, నామినేట్ అయిన వారికి కూడా భారీ బహుమతులు అందుతాయి. ఆ వివరాలు ఇప్పుడు తెలుసుకుందాం.
రూ. 3.2 కోట్ల గిఫ్ట్ బ్యాగ్ వివరాలు
Oscars Gift Bag: ఆస్కార్స్ లో అవార్డు గెలవకపోయినా నామినీలకు మాత్రం ఏకంగా రూ.3.2 కోట్ల విలువైన ఓ గిఫ్ట్ బ్యాగు ఇస్తారన్న విషయం తెలుసా? అవార్డు రాకపోయినా.. ఇంత ఖరీదైన గిఫ్ట్ బ్యాగు రావడం మాత్రం మామూలు విషయం కాదు.
సినిమా రంగంలో అత్యున్నత పురస్కారంగా భావించే ఆస్కార్ వేదికపై ‘అందరూ విజేతలే’ అనే మాట వినడానికి కాస్త పాతబడ్డ సామెతలా అనిపించవచ్చు. కానీ క్రియేటివ్ రంగంలో ఇది అక్షర సత్యం. ప్రతి ఏటా ఒకరు ఆస్కార్ గెలుచుకుంటే, మిగిలిన నామినీలు కూడా ఉత్తమ గుర్తింపుతో పాటు భారీ బహుమతులతో ఇంటికి వెళ్తారు.
ఆస్కార్ గిఫ్ట్ బ్యాగ్ను ఎవరు సిద్ధం చేస్తారు?
అమెరికాకు చెందిన ‘డిస్టింక్టివ్ అసెట్స్’ అనే మార్కెటింగ్ సంస్థ గత 24 ఏళ్లుగా ఆస్కార్లోని టాప్ యాక్టింగ్, డైరెక్షన్ కేటగిరీల నామినీలకు ఈ గిఫ్ట్ బ్యాగులను అందిస్తోంది. మార్కెటింగ్ నిపుణుడు లాష్ ఫారీ నేతృత్వంలో ఈ ప్రక్రియ జరుగుతుంది. అయితే దీనికి ఆస్కార్ అకాడమీకి నేరుగా ఎలాంటి సంబంధం లేదు. ఇది పూర్తిగా ఒక ప్రైవేట్ సంస్థ స్వతంత్రంగా చేసే కార్యక్రమం. కాలక్రమేణా ఇది ఆస్కార్ సంప్రదాయంలో ఒక భాగంగా మారిపోయింది.
గిఫ్ట్ బ్యాగ్ సిద్ధం చేసేది ఎవరు?
చిన్న బ్రాండ్లు, మహిళలు, మైనారిటీలు నడిపే కంపెనీలకు అంతర్జాతీయ స్థాయిలో గుర్తింపు తీసుకురావడమే తన లక్ష్యమని లాష్ ఫారీ చెబుతుంటారు. “అకాడమీతో సంబంధం లేకుండా మేము స్వతంత్రంగా ఈ పని చేస్తున్నాం. చిన్న వ్యాపారాలను ప్రోత్సహించడంతో పాటు, అవార్డు రాని వారికి ఆ బాధ తెలియకుండా సెలబ్రేట్ చేయడం మా ఉద్దేశం” అని ఆయన వివరించారు.
2026 ఆస్కార్ గిఫ్ట్ బ్యాగ్లో ఏముంది?
ఉదాహరణకు రెస్క్యూ స్పా వ్యవస్థాపకురాలు దనుటా మిలోచ్ ఈ ఏడాది ప్రతి బ్యాగ్లోనూ 450 డాలర్ల విలువైన ట్రీట్మెంట్స్, ఉత్పత్తులను ఉంచారు. “నేను 30 ఏళ్ల క్రితం పోలాండ్ నుంచి అమెరికా వచ్చాను. ఇప్పుడు నా బ్రాండ్ ఆస్కార్ వేదిక వరకు వెళ్లడం నాకు దక్కిన గౌరవం” అని ఆమె ఆనందం వ్యక్తం చేశారు.
బ్యాగ్లో ఉండే ఖరీదైన వస్తువులు
ఈ గిఫ్ట్ బ్యాగ్లోనే అత్యంత ఖరీదైనది ‘హోమ్ ఇంటీరియర్ డిజైన్’ ప్యాకేజీ. దీని విలువ దాదాపు ఒక లక్ష డాలర్లు (సుమారు రూ. 90 లక్షలు) పైమాటే. ఇంటిని పూర్తిగా కొత్తగా ముస్తాబు చేసే వెసులుబాటు ఇందులో ఉంటుంది.
ఇవే కాకుండా ఖరీదైన కాస్మెటిక్స్, ఆరోగ్యకరమైన స్నాక్స్, విలాసవంతమైన లైఫ్ స్టైల్ ఉత్పత్తులు ఈ సూట్కేస్లో ఉన్నాయి.
అకాడమీ ఆఫ్ మోషన్ పిక్చర్ ఆర్ట్స్ అండ్ సైన్సెస్ ఆధ్వర్యంలో 98వ ఆస్కార్ వేడుకలు మార్చి 15న లాస్ ఏంజెల్స్లోని డాల్బీ థియేటర్లో ఘనంగా జరగనున్నాయి.
ఆస్కార్ బహుమతుల గురించి ఈ విషయాలు వింటే షాక్ అవుతారు. ఇలాంటి మరిన్ని ఆసక్తికరమైన విషయాల కోసం చూస్తూ ఉండండి.
