2019లో విడుదలైన ‘పతి పత్నీ ఔర్ వో’ సినిమా భారీ విజయం సాధించింది. ఇప్పుడు దీనికి సీక్వెల్ తెరకెక్కనుందని వార్తలు వస్తున్నాయి. ఈ సీక్వెల్లో సారా అలీఖాన్ నటించే అవకాశం ఉందని తెలుస్తోంది.
Key Points
‘పతి పత్నీ ఔర్ వో’ సినిమా సీక్వెల్ త్వరలో వస్తుంది.
సారా అలీఖాన్ హీరోయిన్ గా నటించే అవకాశం ఉంది.
ధర్మా ప్రొడక్షన్స్ ఈ చిత్రాన్ని నిర్మించే అవకాశం ఉంది.
సారా అలీఖాన్ త్వరలో ‘మెట్రో ఇన్ దినో’ సినిమాతో ప్రేక్షకుల ముందుకు రానుంది.
‘పతి పత్నీ ఔర్ వో’ సీక్వెల్ అప్డేట్
ముదస్సర్ అజిజ్ దర్శకత్వంలో వచ్చిన బాలీవుడ్ మూవీ ‘పతీ పత్నీ ఔర్ వో’ (Pati Patni Aur Woh) ఎలాంటి హిట్ అందుకుందో తెలిసిందే. కార్తీక్ ఆర్యన్, భూమి పడ్నేకర్, అనన్య పాండే ప్రధాన పాత్రల్లో నటించిన ఈ మూవీని టి-సిరీస్ బ్యానర్పై భూషన్ కుమార్, రేణు రవి చోప్రా, కృష్ణన్ కుమార్ నిర్మించారు. ఫుల్ ఫన్ బ్యాక్ డ్రాప్లో తెరకెక్కిన ఈ చిత్రం 2019లో విడుదలై బాక్సాఫీస్ వద్ద సూపర్ సక్సెస్ అందుకుంది. ఇప్పుడు దీనికి సీక్వెల్ తెరకెక్కించే పనిలో ఉన్నారు మేకర్స్. ఈ క్రమంలోనే తాజాగా ఈ మూవీ సీక్వెల్కు సంబంధించిన లేటెస్ట్ అప్డేట్ నెట్టింట చక్కర్లు కొడుతోంది.
ప్రేక్షకులను నవ్వుల్లో ముంచెత్తిన ‘పతి పత్నీ ఔర్ వో’ సీక్వెల్లో హీరోయిన్గా బాలీవుడ్ బ్యూటీ సారా అలీఖాన్ను ఫిక్స్ చేశారట మేకర్స్. ఆయుష్మాన్ (Ayushman), సారా ప్రధాన పాత్రల్లో ఈ సీక్వెల్ తెకెక్కుతుందని తెలుస్తుండగా.. ధర్మా ప్రొడక్షన్స్ ఈ చిత్రాన్ని రూపొందిస్తున్నట్లు టాక్. అయితే.. దీనిపై అఫీషియల్ అనౌన్స్మెంట్ రావాల్సి ఉంది. కాగా.. సారా త్వరలో ‘మెట్రో ఇన్ దినో’తో ప్రేక్షకుల ముందుకు వచ్చేందుకు సిద్ధంగా ఉంది. ఇంకా ఈ సినిమా విడుదల కాకముందే.. హిట్ సీక్వెల్లో సారా నటించబోతున్నట్లు వార్తలు వైరల్ అవుతుండగా అభిమానులు ఆనందం వ్యక్తం చేస్తున్నారు.
సారా అలీఖాన్కు బంపర్ ఆఫర్?
ధర్మా ప్రొడక్షన్స్ పాత్ర
‘పతి పత్నీ ఔర్ వో’ సీక్వెల్ విషయంలో అధికారిక ప్రకటన రావాల్సి ఉంది. సారా అలీఖాన్ నటనతో సినిమా మరింత ఆసక్తికరంగా ఉంటుందని అభిమానులు ఆశిస్తున్నారు.
