ప్రభాస్ మంచితనం అందరికీ తెలిసిందే. ‘కన్నప్ప’ చిత్రంలో మంచు విష్ణుకు, ‘మిరాయ్’ చిత్రంలో మంచు మనోజ్కు ఆయన అండగా నిలిచాడు. ఈ రెండు సందర్భాల్లో ఆయన చేసిన సహకారం గురించి తెలుసుకుందాం.
Key Points
ప్రభాస్ 'కన్నప్ప' లో మంచు విష్ణుకు అండగా నిలిచాడు.
ఆయన 'కన్నప్ప' చిత్రానికి పారితోషికం తీసుకోలేదు.
ప్రభాస్ 'మిరాయ్' చిత్రానికి గాత్రదానం చేశాడు.
మంచు బ్రదర్స్కు ప్రభాస్ చేసిన సహాయం సోషల్ మీడియాలో వైరల్ అయింది.
‘కన్నప్ప’ చిత్రంలో ప్రభాస్ సహకారం
ప్రభాస్ మంచితనం గురించి అందరికి తెలిసిందే. సాయం కోరి వస్తే.. తనకు సాధ్యమైనంతవరకు చేస్తాడని ఆయనను దగ్గర నుంచి చూసిన వాళ్లు చెబుతుంటారు. తన వల్ల ఒక సినిమాకు హెల్ప్ అవుతుందని చెబితే.. ‘స్టార్’ హోదాని సైతం పక్కకు పెట్టి వస్తాడని ‘కన్నప్ప’తో నిరూపించాడు.
ప్రభాస్కి ఉన్న క్రేజ్కి ‘కన్నప్ప’లోని రుద్ర పాత్ర చాలా చిన్నదనే చెప్పాలి. కానీ మోహన్ బాబు, మంచు విష్ణుల కోసం ప్రభాస్ ఆ పాత్ర ఒప్పుకున్నాడు. ప్రభాస్ కనిపించినంత సేపు థియేటర్స్ ఊగిపోయాయి. ఆయన ఉండడం వల్లే కన్నప్ప తొలి రోజు భారీ కలెక్షన్స్ రాబట్టగలిగింది. అయితే ఈ చిత్రానికి ప్రభాస్ కూడా ఒక్క రూపాయి పారితోషికంగా తీసుకోకపోవడం గమనార్హం. ప్రభాస్ స్థానంలో మరో ఏ హీరో ఉన్నా.. ఇలా ఒప్పుకునేవారు కాదేమో. ఈ విషయాన్ని మంచు విష్ణు చాలా ఇంటర్వ్యూల్లో చెప్పారు
‘మిరాయ్’ చిత్రంలో ప్రభాస్ గాత్రదానం
అలా కన్నప్పతో మంచు విష్ణుకి తోడుగా నిలిచిన ప్రభాస్.. ఇప్పుడు ‘మిరాయ్’తో తమ్ముడు మనోజ్కి అండగా నిలిచాడు. తేజ సజ్జ, మనోజ్ నటించిన ఈ చిత్రానికి ప్రభాస్ గాత్రదానం చేశాడు. ఈ విషయాన్ని గోప్యంగా ఉంచిన చిత్ర యూనిట్..రిలీజ్కి కొన్ని గంటల ముందు అఫిషియల్గా ప్రకటించింది. ప్రభాస్ వాయిస్ ఓవర్కి థియేటర్స్ దద్దరిల్లిపోతుండగా, సోషల్ మీడియా ఊగిపోతుంది.
మంచు బ్రదర్స్ కృతజ్ఞతలు
ఇలా అటు కన్నప్ప, ఇటు మిరాయ్ చిత్రాలకు తనవంతు సాయం అందించి, మంచు బ్రదర్స్కి రెబల్ స్టార్ అండగా నిలిచాడు. ఇదే విషయాన్ని మిరాయ్ సక్సెస్ మీట్లో మంచు మనోజ్ గుర్తు చేస్తూ కాస్త ఎమోషనల్ అయ్యాడు. ‘మా అన్నదమ్ములకు సపోర్ట్గా నిలబడినందుకు థ్యాంక్యూ సో మచ్ డార్లింగ్’ అంటూ ప్రభాస్కి కృతజ్ఞతలు తెలిపాడు.
ప్రభాస్ మంచితనం, సినీ ఇండస్ట్రీలోని తన స్నేహితులకు అండగా నిలవడం చూపిస్తుంది. ‘కన్నప్ప’ మరియు ‘మిరాయ్’ చిత్రాలు దీనికి ఉదాహరణలు.
