రజనీకాంత్ నటించిన లాల్ సలామ్ సినిమా థియేటర్లలో విడుదలైన 16 నెలల తర్వాత ఓటీటీలో విడుదల కానుంది. బాక్స్ ఆఫీస్ దగ్గర డిజాస్టర్గా నిలిచిన ఈ సినిమా సన్ నెక్స్ట్ ఓటీటీలో జూన్ 6 నుంచి స్ట్రీమింగ్ అవుతుంది.
Key Points
రజనీకాంత్ నటించిన లాల్ సలామ్ సినిమా ఓటీటీలోకి
16 నెలల తర్వాత సన్ నెక్స్ట్ లో స్ట్రీమింగ్
బాక్సాఫీస్ వద్ద డిజాస్టర్ అయిన ఈ సినిమా బక్రీద్ సందర్భంగా రిలీజ్
ఐశ్వర్య రజనీకాంత్ దర్శకత్వం వహించిన ఈ సినిమాకు ఆశించిన స్పందన రాలేదు
లాల్ సలామ్ ఓటీటీ విడుదల తేదీ
రజనీకాంత్ డిజాస్టర్ మూవీ లాల్ సలామ్ గతేడాది ఫిబ్రవరిలో థియేటర్లలో రిలీజైంది. బాక్సాఫీస్ దగ్గర డిజాస్టర్ కావడంతోపాటు ఐఎండీబీలోనూ దారుణమైన రేటింగ్ సొంతం చేసుకుంది. గతేడాది డిసెంబర్ లోనే టీవీ ప్రీమియర్ అయిన ఈ సినిమా.. వచ్చే వారమే ఓటీటీలోకి అడుగుపెడుతోంది.
రజనీకాంత్ అతిథి పాత్రలో నటించిన మూవీ లాల్ సలామ్. ఈ సినిమా దారుణమైన పరాభవాన్ని మూటగట్టుకుంది. ఇప్పుడీ మూవీని బక్రీద్ సందర్భంగా జూన్ 6 నుంచి సన్ నెక్ట్స్ ఓటీటీ స్ట్రీమింగ్ చేయనుంది. ఈ విషయాన్ని ఆ ఓటీటీ శుక్రవారం (మే 30) వెల్లడించింది.
సినిమా బాక్స్ ఆఫీస్ ప్రదర్శన
బక్రీద్ కు ఎవరొస్తున్నారో గెస్ చేయండి అంటూ ఓ చిన్న వీడియో క్లిప్ రిలీజ్ చేసింది. అందులో రజనీకాంత్ ను చూడొచ్చు. థియేటర్లలో రిలీజైన సుమారు 16 నెలల తర్వాత ఓటీటీ లోకి వస్తున్న ఈ సినిమాకు డిజిటల్ ప్లాట్ఫామ్ పై ఎలాంటి రెస్పాన్స్ వస్తుందో చూడాలి.
రజనీ కూతురు ఐశ్వర్య రజనీకాంత్ డైరెక్ట్ చేసిన లాల్ సలామ్ సినిమాకు తొలి రోజు నుంచే దారుణమైన టాక్, కలెక్షన్లు వచ్చాయి. లైకా ప్రొడక్షన్స్ నిర్మించిన ఈ సినిమా రజనీ అతిథి పాత్రపై భారీ ఆశలు పెట్టుకున్నా అదీ వర్కౌట్ కాలేదు. తొమ్మిదేళ్ల తర్వాత మళ్లీ మెగా ఫోన్ పట్టుకున్న ఐశ్వర్య ఈ మూవీ ద్వారా తీవ్రంగా నిరాశపరిచింది.
రజనీకాంత్ పాత్ర ప్రభావం
లాల్ సలామ్ మూవీలో మొయిద్దీన్ భాయ్ అనే ఓ గ్యాంగ్స్టర్ పాత్రలో రజనీకాంత్ నటించాడు. ఓ ఊళ్లో జరిగిన మత హింసకు క్రికెట్ మ్యాచ్ ద్వారా అతడు చెక్ పెట్టే ప్రయత్నం చేస్తాడు. అతడే సినిమాకు డైలాగులు కూడా రాశాడు. సినిమా ప్రమోషన్లను కూడా బాగానే చేశాడు. ఏఆర్ రెహమాన్ మ్యూజిక్ అందించాడు. విష్ణు విశాల్, విక్రాంత్ లాంటి వాళ్లు లీడ్ రోల్స్ లో నటించారు. ఇవేవీ కూడా మూవీని కాపాడలేకపోయాయి.
ముఖ్యంగా తెలుగులో అయితే మరీ దారుణం. తొలి వారంలో లాల్ సలామ్ తెలుగు కలెక్షన్లు కేవలం రూ.90 లక్షలుగా మాత్రమే ఉన్నాయి. ఇక తమిళం, తెలుగు కలిపినా ప్రపంచవ్యాప్తంగా తొలి వారం రూ.13 కోట్ల షేర్ కలెక్షన్లు మాత్రమే రావడంతో సినిమా డిజాస్టర్ గా మిగిలిపోయింది. రూ.60 కోట్ల బడ్జెట్ తో రూపొంది.. రూ.35 కోట్ల ప్రీరిలీజ్ బిజినెస్ చేసిన సినిమాకు ఈ కలెక్షన్లు చాలా దారుణమనే చెప్పాలి.
చివరగా, లాల్ సలామ్ సినిమా ఓటీటీ విడుదలతో ప్రేక్షకులకు మరో అవకాశం లభించింది. ఈ సినిమా డిజిటల్ ప్లాట్ఫామ్లో ఎలాంటి స్పందనను పొందుతుందో చూడాలి.
