📌 Key Points
- రామ్ చరణ్ కొత్త చిత్రం ‘పెద్ది’లో పహిల్వాన్గా కనిపించనున్నారు.
- దర్శకుడు బుచ్చిబాబు సానా ఈ చిత్రాన్ని రూపొందిస్తున్నారు.
- కోడి రామమూర్తి నాయుడు స్ఫూర్తితో చరణ్ పాత్ర ఉండబోతోందని సమాచారం.
- పవన్ కళ్యాణ్ కూడా కోడి రామమూర్తి నాయుడు గారిని ఆదర్శంగా తీసుకున్నట్లు తెలిపారు.
మెగా పవర్ స్టార్ రామ్ చరణ్ పుట్టినరోజు సందర్భంగా విడుదలైన ‘పెద్ది’ సినిమా గ్లింప్స్ ప్రేక్షకులను ఆకట్టుకుంటుంది. ఈ సినిమాలో రామ్ చరణ్ పహిల్వాన్గా కనిపించనున్నారు. కోడి రామమూర్తి నాయుడు గారి స్ఫూర్తితో ఈ పాత్ర ఉండబోతుందని తెలుస్తోంది.
రామ్ చరణ్ ‘పెద్ది’ ఫస్ట్ గ్లింప్స్
Peddi Movie:మెగా పవర్ స్టార్ రామ్ చరణ్ పుట్టినరోజు సందర్భంగా ఆయన కొత్త సినిమా ‘పెద్ది’ (Peddi) నుంచి వచ్చిన అప్డేట్ ఇంటర్నెట్ను షేక్ చేస్తోంది. దర్శకుడు బుచ్చిబాబు సానా ఈ చిత్రంలో చరణ్ను ఒక పవర్ఫుల్ పహిల్వాన్ లుక్లో ప్రజెంట్ చేస్తున్నారు. అయితే ఈ పాత్ర వెనుక ఒక అసలైన తెలుగు వీరుడి స్ఫూర్తి ఉందనే చర్చ ఇప్పుడు మొదలైంది. ఛాతిపై ఏనుగును మోసిన ‘కలియుగ భీముడు’ కోడి రామమూర్తి నాయుడు స్ఫూర్తితోనే అని టాక్. ఇక చరణ్ ఈ సినిమాలో అదిరిపోయే సాహసాలు చేయబోతున్నారని తెలుస్తోంది. ఆ విశేషాలు చూద్దాం ..
రామ్ చరణ్ పుట్టినరోజు కానుకగా విడుదలైన ‘పెద్ది’ ఫస్ట్ గ్లింప్స్ చూస్తుంటే మెగా ఫ్యాన్స్కు పూనకాలు రావడం ఖాయం. “కుస్తీ అంటే బ్యాట్తో బంతికి ఎదురెళ్లే ఆట కాదురా.. ప్రాణంతో చావుకి ఎదురెళ్లే ఆట” అనే డైలాగ్తోనే సినిమా ఏ రేంజ్లో ఉండబోతుందో బుచ్చిబాబు హింట్ ఇచ్చేశారు. ఇక చరణ్ ఒక రగ్గడ్ అండ్ మాస్ అవతారంలో కుస్తీ యోధుడిగా కనిపిస్తుండటంతో సినిమాపై అంచనాలు ఆకాశాన్ని తాకాయి. ఈ చిత్రంలో చరణ్ చేసే సాహసాలు కేవలం సినిమాటిక్ గా కాకుండా, ఒక చారిత్రక వీరుడి ఛాయలు కనిపిస్తాయని టాక్ వినిపిస్తోంది.
కోడి రామమూర్తి నాయుడు స్ఫూర్తితో చరణ్
ఈ సినిమాలో చరణ్ పాత్రకు ప్రధాన స్ఫూర్తి ‘కలియుగ భీముడు’ కోడి రామమూర్తి నాయుడని నెటిజన్లు చర్చించుకుంటున్నారు. ఆయన బలం గురించి వింటేనే ఒళ్ళు గగుర్పొడుస్తుంది. ఛాతిపై చెక్కను ఉంచుకుని దానిపై ఐదు నిమిషాల పాటు ఏనుగును నిలబెట్టడం, ఒంటి చేత్తో ఇనుప గొలుసులను ముక్కలు చేయడం, కార్లను కదలకుండా ఆపడం వంటి అద్భుతాలు ఆయన సొంతం. ఇక చివరికి స్పెయిన్లో ఎటువంటి శిక్షణ లేకుండానే ఒక ఎద్దును కట్టడి చేసిన ఘనత ఆయనది. చరణ్ ‘పెద్ది’ పాత్రలో కూడా ఇలాంటి అసాధారణమైన శారీరక బలాన్ని చూడబోతున్నామని గ్లింప్స్ సూచిస్తోంది.
గతంలో పవన్ కళ్యాణ్ తన ‘తమ్ముడు’ సినిమాలో మల్లయోధుడిగా చేసిన సాహసాలు మనకు గుర్తే. ఒక సందర్భంలో పవన్ కళ్యాణ్ మాట్లాడుతూ, తనకు కోడి రామమూర్తి నాయుడు గారు కొన్ని విషయాలలో పెద్ద ఇన్స్పిరేషన్ అని చెప్పారు. ఇప్పుడు అబ్బాయి రామ్ చరణ్ కూడా అదే స్ఫూర్తితో ‘పెద్ది’గా పహిల్వాన్ అవతారం ఎత్తడం విశేషం. ఇక కేవలం బలం మాత్రమే కాదు, కోడి రామమూర్తి నాయుడు గారికి ఉన్న దేశభక్తి, ఆయన సర్కస్ ద్వారా వచ్చిన డబ్బును స్వాతంత్ర్య ఉద్యమానికి విరాళంగా ఇచ్చిన గొప్ప గుణం వంటివి కూడా సినిమాలో అంతర్లీనంగా ఉండే అవకాశం ఉంది.
పవన్ కళ్యాణ్ ఆదర్శం కోడి రామమూర్తి
రామ్ చరణ్ ‘ఆర్ఆర్ఆర్’ (RRR) సినిమాతో గ్లోబల్ స్టార్గా ఎదిగిన తర్వాత చేస్తున్న పాన్ ఇండియా మూవీ కావటం తో ఖచ్చితంగా బాక్సాఫీస్ రికార్డులను బ్రేక్ చేస్తుంది అని ఫాన్స్ ఆశపడుతున్నారు. ఇక బుచ్చిబాబు సానా, రామ్ చరణ్లోని అసలైన మాస్ యాంగిల్ను బయటకు తీస్తున్నట్లు కనిపిస్తోంది. కోడి రామమూర్తి నాయుడు వంటి ఒక అపురూప వీరుడి స్ఫూర్తి ఈ సినిమాకు తోడవ్వడం వల్ల, తెలుగు వారి పౌరుషాన్ని ప్రపంచానికి చాటిచెప్పే మరో గొప్ప చిత్రంగా ‘పెద్ది’ నిలుస్తుందని మెగా అభిమానులు ఆశిస్తున్నారు. మరి ఈ పహిల్వాన్ వెండితెరపై ఎలాంటి విన్యాసాలు చేస్తాడో చూడాలి!
మొత్తానికి రామ్ చరణ్ ‘పెద్ది’ మూవీలో కోడి రామమూర్తి నాయుడు గారి స్ఫూర్తితో పహిల్వాన్గా ఎలా మెప్పిస్తాడో చూడాలి. ఈ చిత్రం మెగా అభిమానులకు ఒక పండుగలా ఉండనుంది.
