📌 Key Points
- బాలీవుడ్లో సౌత్ హీరోయిన్గా వివక్ష ఎదుర్కొన్న రెజీనా!
- హిందీ బాగా వచ్చినా పరాయిదాన్ని చూసినట్టు చూశారన్న రెజీనా కసాండ్ర!
- వైవిధ్యమైన పాత్రలు చేయాలనే తపనతో రెజీనా పోరాటం!
- సౌత్ నటీనటులపై బాలీవుడ్ వివక్ష నిజమైందా?
టాలీవుడ్, కోలీవుడ్లో తన నటనతో మెప్పించిన రెజీనా కసాండ్ర బాలీవుడ్పై సంచలన వ్యాఖ్యలు చేశారు. సౌత్ హీరోయిన్ అని తనను తక్కువగా చూశారని, వివక్ష ఎదుర్కొన్నానని ఆమె చేసిన కామెంట్స్ ఇప్పుడు వైరల్ అవుతున్నాయి.
సౌత్ హీరోయిన్ అని తక్కువ చేశారా?
Regina Cassandra About Bollywood: దక్షిణాదిలో స్టార్ ఇమేజ్ ఉన్న హీరోయిన్ రెజీనా కసాండ్రా బాలీవుడ్ ఎంట్రీ సమయంలో ఎదుర్కొన్న వివక్షపై సంచలన వ్యాఖ్యలు చేశారు. హిందీ పరిశ్రమలో తనను తక్కువ చేసి చూశారని, స్టీరియోటైపింగ్ వల్ల ఇబ్బందులు పడ్డానని రెజీనా కసాండ్రా ఆవేదన వ్యక్తం చేశారు.
టాలీవుడ్, కోలీవుడ్లో ఒక దశాబ్దానికి పైగా తనదైన నటనతో అలరించిన బ్యూటిపుల్ హీరోయిన్ రెజీనా కసాండ్రా. అనంతరం 2019లో ‘ఏక్ లడ్కీ కో దేఖా తో ఐసా లగా’ చిత్రంతో హిందీ తెరకు పరిచయమయ్యారు రెజీనా కసాండ్రా.
రెజీనా కసాండ్ర సంచలన ఆరోపణలు!
చెన్నైకి చెందిన ఈ హీరోయిన్ షూటింగ్ సెట్ను తన సొంత ఇల్లుగా భావిస్తారట. అయితే, ఒక దక్షిణాది నటిగా బాలీవుడ్లో నిలదొక్కుకోవడం తనకు అంత సులభం కాలేదని, హిందీ చిత్రసీమలో ఎదుర్కొన్న చేదు అనుభవాలను తాజాగా రెజీనా కసాండ్రా కుండబద్ధలు కొట్టినట్లు చెప్పారు.
“నిజానికి చాలామంది దక్షిణాది వారితో పోలిస్తే నా హిందీ చాలా బాగుంటుంది. నేను హిందీ చదవగలను, రాయగలను, అద్భుతంగా మాట్లాడగలను. ఇప్పటివరకు నేను చేసిన హిందీ ప్రాజెక్టులన్నింటికీ నా సొంత గొంతుతోనే డబ్బింగ్ చెప్పుకున్నాను. అయినా సరే, నన్ను అక్కడ ఒక పరాయి వ్యక్తిలా చూశారు” అని రెజీనా కసాండ్రా వాపోయారు.
బాలీవుడ్లో వివక్ష నిజమేనా?
“సినిమా అనేది విజువల్ మీడియం కాబట్టి, ఒక నటిని ఒకే రకమైన పాత్రలో చూస్తే ప్రేక్షకుల మనసులో అదే ముద్ర పడిపోతుంది. కానీ నాకు ఎప్పుడూ వైవిధ్యమైన పాత్రలు చేయాలనే ఉంటుంది. అందుకే కేవలం కమర్షియల్ సినిమాలు మాత్రమే కాకుండా, నా నటనకు ప్రాధాన్యత ఉన్న చిత్రాలను ఎంచుకోవడం నాకు సవాలుగా మారింది” అని రెజీనా కసాండ్రా తెలిపారు.
రెజీనా కసాండ్ర చేసిన ఈ వ్యాఖ్యలు ఇప్పుడు ఇండస్ట్రీలో హాట్ టాపిక్గా మారాయి. దీనిపై మరిన్ని అప్డేట్స్ కోసం చూస్తూ ఉండండి. త్వరలోనే మరిన్ని వివరాలు మీ ముందుకు తీసుకొస్తాం.
