ప్రముఖ నటి సమంతకు కొత్త ప్రేమ వ్యవహారం గురించి వార్తలు వస్తున్నాయి. ఆమెకు కొత్త బాయ్ఫ్రెండ్ తెలుగు వాడని, అతను ఇంతకుముందు పెళ్లి చేసుకుని విడాకులు తీసుకున్నాడని తెలుస్తోంది. ఈ వ్యక్తి గురించి మరిన్ని వివరాలను తెలుసుకుందాం.
Key Points
సమంతకు కొత్త ప్రేమనా?
రాజ్ నిడిమోరు: తెలుగు వాడు, ప్రముఖ దర్శకుడు
రాజ్ గతంలో పెళ్లి, విడాకులు పొందారు
సమంత, రాజ్ నిడిమోరు డేటింగ్ వార్తలు
ప్రముఖ నటి సమంత రూత్ ప్రభు ఇప్పుడు సినీ దర్శకుడు రాజ్ నిడిమోరుతో డేటింగ్ చేస్తున్నారనే వార్తలు గుప్పుమంటున్నాయి. సమంత తన ఇటీవలి యూఎస్ పర్యటన నుండి ఇన్స్టాగ్రామ్లో షేర్ చేసిన ఫోటో సిరీస్లో రాజ్ ఒకటి కంటే ఎక్కువసార్లు కనిపించడంతో ఈ పుకార్లు మరింత బలపడ్డాయి. ఈ నేపథ్యంలో దర్శకుడు అసలు ఈ రాజ్ నిడిమోరు ఓ తెలుగు వాడే అన్న విషయం తెలుసా? అతడి గురించి మరిన్ని వివరాలు చూద్దాం.
రాజ్ నిడిమోరు ఒక ఇండియన్-అమెరికన్ ఫిల్మ్ మేకర్, స్క్రీన్ రైటర్, నిర్మాత. అతడు విభిన్న జానర్లను కలపడంలో, పదునైన, క్యారెక్టర్-ఆధారిత కథలను రూపొందించడంలో పేరు సంపాదించాడు. అతడు కృష్ణ డి.కె.తో కలిసి రాజ్ అండ్ డీకే దర్శక ద్వయంగా ప్రేక్షకులకు బాగా పరిచయం. ‘ ది ఫ్యామిలీ మ్యాన్ ‘, ‘ఫర్జి’, ‘షోర్ ఇన్ ది సిటీ’, ఈమధ్యే సమంత నటించిన ‘సిటాడెల్: హనీ బన్నీ’ వంటి హిట్ వెబ్ సిరీస్, సినిమాలు రూపొందించడంలో ఈ దర్శక ద్వయం ప్రసిద్ధి చెందింది.
రాజ్ నిడిమోరు: తెలుగు వాడు, ప్రముఖ దర్శకుడు
రాజ్ నిడిమోరుది ఆంధ్రప్రదేశ్లోని తిరుపతి. అతడు అక్కడే జన్మించాడు. ఎస్వీయూ కాలేజీలో ఇంజనీరింగ్ చదివి, ఆ తర్వాత యునైటెడ్ స్టేట్స్ వెళ్లారు. అక్కడ అతడు డీకేను కలుసుకుని, ఇద్దరూ కలిసి టెక్ కెరీర్ల నుండి సినీ నిర్మాణంలోకి అడుగుపెట్టారు. వారి మొదటి ఫీచర్ ఫిల్మ్ ’99’ (2009). దర్శకులుగా వారి ప్రయాణానికి నాంది పలికింది.
రాజ్ D2R ఫిల్మ్స్ ను ప్రారంభించాడు. అప్పటి నుండి అతడు ఇండియన్ సినిమా చరిత్రలో.. బిగ్ స్క్రీన్ పై, స్ట్రీమింగ్ ప్లాట్ఫామ్లలో కొన్ని అత్యంత వినూత్నమైన కథలను అందించాడు. రాజ్ గతంలో శ్యామలి డే ను పెళ్లి చేసుకున్నాడు. శ్యామలి ఒక సైకాలజీ గ్రాడ్యుయేట్. ఇండస్ట్రీ ఎక్స్పర్ట్. ఆమె రాకేష్ ఓంప్రకాష్ మెహ్రా, విశాల్ భరద్వాజ్ వంటి దర్శకులతో పనిచేసింది. 2022లో ఈ జంట విడిపోయినట్లు సమాచారం.
వైరల్ ఫోటోలు, గత వివాహ విషయాలు
మంగళవారం (జులై 8) సమంత డెట్రాయిట్, మిచిగాన్ నుండి కొన్ని క్యాండిడ్ ఫోటోలను పంచుకుంది. అక్కడ ఆమె 2025లో జరిగిన తెలుగు అసోసియేషన్ ఆఫ్ నార్త్ అమెరికా (TANA) సదస్సులో పాల్గొంది. ఆ తర్వాత డెట్రాయిట్ లో తాను తిరుగుతున్న ఫొటోలను ఇన్స్టాలో పంచుకుంది. వీటిలో రాజ్ నిడిమోరు ఓ ఫొటోలు సమంత భుజంపై చేయి వేసి రోడ్డు దాటుతున్నఫొటో అందరి దృష్టిని ఆకర్షించింది. ఇద్దరూ నవ్వుతూ, చాలా ప్రశాంతంగా, సంతోషంగా ఉన్నారు. సమంత ఓవర్సైజ్డ్ బ్రౌన్ స్వెట్షర్ట్, డెనిమ్ ధరించగా.. రాజ్ నేవీ జాకెట్, స్నీకర్లలో క్యాజువల్గా కనిపించాడు.
మరొక ఫొటోలో ఇద్దరూ ఒక రెస్టారెంట్ టేబుల్ వద్ద పక్కపక్కనే కూర్చుని, స్నేహితులతో కలిసి భోజనం చేస్తూ కనిపించారు. వీరిద్దరూ ఈ పుకార్లపై ఇంకా స్పందించనప్పటికీ, వారి మధ్య ఉన్న ఆత్మీయ బంధం, ఆమె షేర్ చేసిన పోస్ట్లో రాజ్ పదేపదే కనిపించడం వల్ల వారు కేవలం సహచరుల కంటే ఎక్కువే అనే ఊహాగానాలకు దారితీసింది. సమంత తన పోస్ట్కు కేవలం “డెట్రాయిట్” అని క్యాప్షన్ ఇచ్చి, ఆ తర్వాత ఒక రెడ్ హార్ట్, ఈవిల్ ఐ ఎమోజీని జోడించింది.
సమంత మరియు రాజ్ నిడిమోరు మధ్య ఉన్న సంబంధం గురించి అధికారిక ప్రకటన రావాల్సి ఉంది. ప్రస్తుతం వస్తున్న వార్తలు, ఫోటోల ఆధారంగానే ఈ విషయం తెలుస్తోంది.
