నటి సమంత తన అబుదాబీ సెలవుల ఫోటోలను సోషల్ మీడియాలో పోస్ట్ చేయడంతో అవి వైరల్గా మారాయి. హడావిడి లేని ఆహ్లాదకరమైన సెలవులను ఆమె ఆస్వాదిస్తున్నట్లు తెలుస్తోంది. ఇటీవలే దుబాయ్లో జరిగిన ఓ ఈవెంట్లోనూ ఆమె కనిపించారు.
Key Points
సమంత అబుదాబీలో సెలవులు గడుపుతున్న ఫోటోలు వైరల్గా మారాయి.
దుబాయ్లో జరిగిన జ్యువెలరీ ఈవెంట్లో పాల్గొన్నారు.
‘ఖుషి’ తర్వాత సమంత మరో తెలుగు సినిమాలో నటించలేదు.
‘శుభం’ చిత్రంతో నిర్మాతగా మెరిసింది, ‘రక్త బ్రహ్మాండ్’ వెబ్ సిరీస్లో నటిస్తున్నారు.
అబుదాబీ సెలవులు
హీరోయిన్ సమంత(Samantha) క్రేజ్ గురించి ప్రత్యేకించి చెప్పక్కర్లేదు. చేతిలో సినిమాలు ఉన్నా లేకున్నా సోషల్ మీడియాలో మాత్రం ఆమె ఎప్పుడూ ఫుల్ యాక్టివ్గా ఉంటారు. ఎప్పటికప్పుడు తన వ్యక్తిగతం లేదా సినిమాలు, వర్కౌట్స్, ఆరోగ్య సూత్రాలు… ఇలా ఏదో ఒక విషయాన్ని షేర్ చేస్తూ తన అభిమానులతో టచ్లో ఉంటారు. ప్రస్తుతం ఆమె అబుదాబీలో ఉన్నారు. అక్కడ హ్యాపీగా… జాలీగా ఎంజాయ్ చేస్తున్న ఫొటోలను సోషల్ మీడియా వేదికగా పోస్ట్ చేశారు సమంత.
దుబాయ్ జ్యువెలరీ ఈవెంట్
‘‘ఇక్కడ ఏమీ లేదు… సౌండ్ లేదు… హడావిడి లేదు… చక్కని స్పేస్ ఉంది’’ అంటూ వెకేషన్లో భాగంగా అబు దాబీలో సంతోషంగా ఉన్న అక్కడి ఫొటోలను ఆమె షేర్ చేయగా, వైరల్గా మారాయి. దుబాయ్లో జరిగిన ఓ జ్యువెలరీ బ్రాండ్ ఈవెంట్లో పాల్గొన్న సమంత అనంతరం అక్కడి అందాలను చూస్తూ సందడి చేస్తున్నారు.
కెరీర్ అప్డేట్స్
ఇక సమంత కెరీర్ విషయానికొస్తే… విజయ్ దేవరకొండ హీరోగా నటించిన ‘ఖుషి’ (2023) సినిమా తర్వాత మరో తెలుగు చిత్రంలో నటించలేదు సమంత. అయితే తన సొంత బ్యానర్ ట్రాలాలా మూవింగ్ పిక్చర్స్పై ఆమె నిర్మించిన తొలి చిత్రం ‘శుభం’ మే 9న విడుదలైంది. ఈ చిత్రంలో అతిథి పాత్రలో మెరిశారు. ప్రస్తుతం ‘రక్త్ బ్రహ్మాండ్: ది బ్లడీ కింగ్డమ్’ అనే వెబ్ సిరీస్తో పాటు ‘మా ఇంటి బంగారం’ అనే సినిమా చేస్తున్నారు సమంత.
అబుదాబీ నుండి సమంత పోస్ట్ చేసిన ఫోటోలు వైరల్ అవుతూ ఆమె అభిమానులను అలరిస్తున్నాయి. సినిమాల్లో కొంత విరామం తీసుకున్నప్పటికీ, ఆమె తన కెరీర్ను వివిధ రంగాలలో కొనసాగిస్తున్నారు.
