కన్నడ నటి సంధ్య ఆరకెర నటించిన ‘హిండె గాలి ముందే మత్తె’ అనే షార్ట్ ఫిల్మ్ ఇప్పుడు యూట్యూబ్ లో విడుదలైంది. బెంగళూరులోని ఓ మధ్యతరగతి జంట జీవితం ఈ షార్ట్ ఫిల్మ్ కథాంశం. కష్టాలను ఎదుర్కొనే వారి జీవితం ఎలా ఉంటుందో చూద్దాం.
Key Points
సంధ్య ఆరకెర నటించిన 'హిండె గాలి ముందే మత్తె' షార్ట్ ఫిల్మ్ యూట్యూబ్లో విడుదలైంది.
బెంగళూరులోని ఓ జంట జీవితంలోని సవాళ్లను చూపించే కథాంశం.
అరగంట నిడివిగల ఈ షార్ట్ ఫిల్మ్లో ఇంగ్లీష్ సబ్టైటిల్స్ ఉన్నాయి.
సిటీ జీవితంలోని జంటలకు ఈ షార్ట్ ఫిల్మ్ బాగా కనెక్ట్ అవుతుంది.
‘హిండె గాలి ముందే మత్తె’ షార్ట్ ఫిల్మ్ విడుదల
కొన్నాళ్ల క్రితం థియేటర్లలో రీసెంట్గా ఓటీటీలోకి వచ్చిన కన్నడ డబ్బింగ్ సినిమా ‘సు ఫ్రమ్ సో’. ఇందులో భాను అనే పాత్రలో నటించిన సంధ్య ఆకట్టుకుంది. అయితే ఓవైపు మూవీస్ చేస్తూనే మరోవైపు ఓ షార్ట్ ఫిల్మ్లోనూ లీడ్ రోల్ చేసింది. అదే ‘హిండె గాలి ముందే మత్తె’. దాదాపు ఎనిమిదికిపైగా ఫిల్మ్ ఫెస్టివల్స్లో ప్రదర్శితమై ప్రశంసలు అందుకుంది. ఇప్పుడు దీన్ని కన్నడ నటుడు కమ్ డైరెక్టర్ రాజ్ బి శెట్టికి చెందిన లైటర్ బుద్దా ఫిల్మ్స్ తన యూట్యూబ్ ఛానెల్లో రిలీజ్ చేశారు.
కథాంశం: ఒక మధ్యతరగతి జంట జీవితం
షార్ట్ ఫిల్మ్ విషయానికొస్తే.. బెంగళూరులోని ఓ అద్దె ఇంట్లో భార్యభర్త జీవిస్తుంటారు. భర్త ఓ మెషీన్ కంపెనీలో పనిచేస్తుంటాడు. భార్య ఇంట్లోనే ఉంటుంది. అయితే వస్తున్న జీతం సరిపోవట్లేదని భార్యకు మూడుసార్లు అబార్షన్ చేయిస్తాడు. నాలుగోసారి ప్రెగ్నెన్సీ వచ్చినా సరే భర్తకు చెప్పకుండా భార్య విషయం దాస్తుంది. దీని గురించి భర్తకు ఎలా తెలిసింది? చివరకు భార్య ఏం చేసింది అనేదే స్టోరీ.
దాదాపు అరగంటపాటు ఉన్న ఈ షార్ట్ ఫిల్మ్.. మధ్య తరగతి ఉద్యోగి జీవితాన్ని, భర్తకు ఎదురుచెప్పని ఓ భార్య జీవితాన్ని, పిల్లల్ని కనాలనే ఆశ ఉన్నా సరే పెంచలేం ఏమో అని భయపడి మదనపడే ఓ జంట భావోద్వేగాల్ని చక్కగా చూపించారు. కన్నడలో ఆడియో ఉన్నప్పటికీ ఇంగ్లీష్ సబ్ టైటిల్స్ కూడా ఉన్నాయి. చూస్తే కచ్చితంగా ఎమోషనల్ అవుతారు. అలానే సిటీల్లో ఉండే చాలామంది జంటలు దీనికి కనెక్ట్ అవ్వొచ్చు కూడా.
సిటీ జంటలకు ప్రతిబింబం
మొత్తంమీద, ‘హిండె గాలి ముందే మత్తె’ షార్ట్ ఫిల్మ్ చూడటం విలువైనది. సంధ్య ఆరకెర నటన, కథాంశం చాలా ఆకట్టుకుంటాయి. సిటీ జీవితంలోని జంటలు ఖచ్చితంగా కనెక్ట్ అవుతారు.
