📌 Key Points
- శని త్రయోదశి రోజున శనీశ్వరుడికి తైలాభిషేకం చేయడం శ్రేయస్కరం.
- నల్ల నువ్వులు, నల్లని వస్త్రం దానం చేయడం వలన శని దోషాలు తొలగుతాయి.
- రావి చెట్టుకు ప్రదక్షిణలు చేయడం వలన శని బాధల నుంచి విముక్తి లభిస్తుంది.
- “ఓం శ్రీ శనీశ్వరాయ నమః” మంత్ర జపం శని అనుగ్రహాన్ని కలిగిస్తుంది.
త్రయోదశి తిథి శనివారం నాడు వచ్చినప్పుడు దానిని శని త్రయోదశి అంటారు. ఈ రోజున శనీశ్వరుడిని పూజించడం వలన శని దోషాలు తొలగిపోతాయి. ఈ పవిత్రమైన రోజున ఆచరించవలసిన నియమాల గురించి తెలుసుకుందాం.
శని త్రయోదశి విశిష్టత
త్రయోదశితో వచ్చే శనివారం చాలా విశేషమైనది. ఆ రోజు శని భగవానుడికి ఎంతో ఇష్టమైన రోజు. జనవరి 31న శనివారం త్రయోదశి రావడం చాలా విశేషం. ఆ రోజు కొన్ని నియమాలను పాటిస్తే శుభ ఫలితాలు కలుగుతాయి. శని బాధల నుంచి బయటపడాలంటే ఏం చెయ్యాలి? శని త్రయోదశి పూజా విధానం తెలుసుకోండి.
శని మనం చేసే పనులను బట్టి ఫలితాన్ని ఇస్తాడు. శని గ్రహం కష్టాలను, నష్టాలను తీసుకొస్తాడు. త్రయోదశితో వచ్చే శనివారం చాలా విశేషమైనది. ఆ రోజు శని భగవానుడికి ఎంతో ఇష్టమైన రోజు. శని జాతకంలో వక్రదృష్టితో ఉన్నప్పుడు, శనివారం త్రయోదశి నాడు శనిని పూజించడం వలన శుభ ఫలితాలు కలుగుతాయి. అలాగే శనిని శాంతింప చేయవచ్చు.
దగ్గరలో ఉన్న ఆలయానికి వెళ్లి నవగ్రహాలకు పూజలు చేయాలి.
శనీశ్వరుడిని ప్రత్యేకించి ఆరాధించాలి. ముఖ్యంగా తైలాభిషేకం చేయాలి.
శని దోష నివారణ మార్గాలు
తమలపాకులో బెల్లం పెట్టి శనికి నైవేద్యంగా సమర్పిస్తే మంచిది. ఇలా చేయడం వలన శని దోషాలన్నీ తొలగిపోతాయి.
నల్ల నువ్వులు, నల్లని వస్త్రంలో పెట్టి తాంబూలం, దక్షిణతో బ్రాహ్మణులకు దానం చేస్తే కూడా సంతోషంగా ఉండొచ్చు. జాతకంలో ఉన్న దోషాలు కూడా తొలగిపోతాయి.
ఒకవేళ ఇవేమీ చేయలేకపోతే, నవగ్రహాల దగ్గర మట్టి ప్రమిదలో నువ్వుల నూనె పోసి దీపారాధన చేయండి. బెల్లం నైవేద్యంగా పెట్టండి.
శనీశ్వరుడి అనుగ్రహం పొందే విధానం
9 సార్లు నవగ్రహాల చుట్టూ ప్రదక్షిణలు చేయండి.
రావి చెట్టు దగ్గర మట్టి ప్రమిదలో నువ్వుల నూనె పోసి దీపారాధన చేసి 11 ప్రదక్షిణలు చేస్తే కూడా శని దోషాల నుంచి బయటపడవచ్చు.
“ఓం శ్రీ శనీశ్వరాయ నమః” మంత్రాన్ని జపిస్తే కూడా శని అనుగ్రహాన్ని పొందడానికి వీలవుతుంది.
ఈ శని త్రయోదశి రోజున శనీశ్వరుడిని భక్తితో పూజించి ఆయన అనుగ్రహం పొందండి. మీ కష్టాలన్నీ తొలగిపోయి సుఖ సంతోషాలతో జీవించండి. శుభం భూయాత్!
