మొన్న గామా, నేడు సైమా.. అల్లు అర్జున్‌కే బెస్ట్ యాక్టర్ అవార్డ్.. కమల్ హాసన్, రష్మిక, మీనాక్షి చౌదరికి ఆ పురస్కారాలు!

దుబాయ్‌లో ఘనంగా జరిగిన సైమా అవార్డ్స్ 2025లో అల్లు అర్జున్ ఉత్తమ నటుడిగా ఎంపికయ్యారు. ‘కల్కి 2898 ఏడీ’ ఉత్తమ చిత్రంగా నిలిచింది. రష్మిక, మీనాక్షి చౌదరి, కమల్ హాసన్ వంటి ప్రముఖులు కూడా అవార్డులు అందుకున్నారు.

సైమా అవార్డ్స్ 2025 వేడుకలు

ప్రతిష్ఠాత్మక సౌత్ ఇండియన్ ఇంటర్నేషనల్ మూవీ అవార్డ్స్‌ (సైమా) 2025 వేడుకలు దుబాయ్‌లో ఘనంగా జరిగాయి. దుబాయ్ ఎగ్జిబిషన్ సెంటర్, ఎక్స్‌పో సిటీలో అంగరంగ వైభవంగా జరిగిన సైమా అవార్డ్స్ 2025 కార్యక్రమంలో తొలి రోజు తెలుగు చిత్రాలకు అవార్డులు అందజేశారు.

ఈ వేడుకల్లో ఉత్తమ చిత్రంగా ‘ కల్కి 2898 ఏడీ ’ ఎంపికైంది. ఉత్తమ నటుడిగా అల్లు అర్జున్, ఉత్తమ దర్శకుడిగా సుకుమార్ అవార్డులు అందుకున్నారు. ఉత్తమ దర్శకుడు (క్రిటిక్స్)గా ప్రశాంత్ వర్మ, ఉత్తమ నటుడు (క్రిటిక్స్)గా తేజ సజ్జా అవార్డులు అందుకున్నారు.

ఉత్తమ దర్శకుడు – సుకుమార్ (పుష్ప 2 ది రూల్)

ఉత్తమ దర్శకుడు (క్రిటిక్స్) – ప్రశాంత్ వర్మ (హనుమాన్)

ఉత్తమ నటుడు – అల్లు అర్జున్ (పుష్ప 2 ది రూల్)

ఉత్తమ నటుడు (క్రిటిక్స్)– తేజ సజ్జా (హనుమాన్)

ఉత్తమ నటి – రష్మిక మందన్నా (పుష్ప 2 ది రూల్)

ఉత్తమ నటి (క్రిటిక్స్) – మీనాక్షి చౌదరి (లక్కీ భాస్కర్)

తెలుగు సినిమా అవార్డు గ్రహీతలు

ఉత్తమ విలన్ – కమల్ హాసన్ (కల్కి 2898 ఏడీ)

ఉత్తమ సహాయ నటుడు – అమితాబ్ బచ్చన్ (కల్కి 2898 ఏడీ)

ఉత్తమ సహాయ నటి – అన్నా బెన్ (కల్కి 2898 ఏడీ)

ఉత్తమ సంగీత దర్శకుడు – దేవి శ్రీ ప్రసాద్ (పుష్ప 2)

ఉత్తమ గీత రచయిత – రామ్ జోగయ్య శాస్త్రి (చుట్టమల్లే-దేవర)

ఉత్తమ గాయకుడు – శంకర్ బాబు కందుకూరి (ఫీలింగ్స్-పుష్ప 2)

ఉత్తమ గాయని – శిల్పా రావ్ (చుట్టమల్లే-దేవర)

ఉత్తమ పరిచయ నటి – భాగ్యశ్రీ బోర్సే (మిస్టర్ బచ్చన్)

గామా అండ్ సైమా అవార్డుల పోలిక

ఉత్తమ పరిచయ నటుడు – సందీప్ సరోజ్ (కమిటీ కుర్రోళ్లు)

ఉత్తమ పరిచయ దర్శకుడు – నంద కిషోర్ యేమని (35 చిన్న కథ కాదు)

ఉత్తమ నూతన నిర్మాత – నిహారిక కొణిదెల (కమిటీ కుర్రోళ్లు)

ఉత్తమ సినిమాటోగ్రాఫర్ – రత్నవేలు (దేవర)

ఉత్తమ హాస్యనటుడు – సత్య (మత్తు వదలరా 2)

ప్రైడ్ ఆఫ్ తెలుగు సినిమా- సి అశ్వనీదత్ (వైజయంతీ మూవీస్)

ఇలా సైమా అవార్డ్స్ 2025 జాబితా సాగింది. అయితే, రీసెంట్‌గా జరిగిన గామా అవార్డ్స్‌లో బెస్ట్ యాక్టర్‌గా అల్లు అర్జున్ నిలిచాడు. ఇప్పుడు సైమాలో కూడా బన్నీనే ఉత్తమ నటుడిగా అవార్డ్ తీసుకోవడం విశేషం. ఇక హీరోయిన్ మీనాక్షి చౌదరి బెస్ట్ హీరోయిన్‌గా గామా అవార్డ్ తీసుకుంటే ఉత్తమ కథానాయిక క్రిటిక్స్ ఛాయిస్‌లో ఉత్తమ నటిగా పురస్కారం అందుకుంది.

గామా అవార్డ్స్‌లో పుష్ప 2 సినిమా రూల్ చేస్తే సైమాలో కల్కి 2898 ఏడీ సినిమా సత్తా చాటింది. పుష్ప 2 కూడా మూడు నాలుగు విభాగాల్లో పురస్కారాలు అందుకుంది.

మొత్తం మీద, సైమా అవార్డ్స్ 2025 తెలుగు సినిమాకు మంచి గుర్తింపును తెచ్చిపెట్టింది. అనేక సినిమాలు మరియు నటీనటులకు అవార్డులు లభించడం సంతోషదాయకం.