తెలుగు సినిమా పాటల లో సిద్ శ్రీరామ్ పాటలు ఎక్కువగా వినిపిస్తున్నాయి. ఇటీవల సింగర్ సాకేత్ సిద్ శ్రీరామ్ పై ఓవర్ రేటెడ్ అని సంచలన వ్యాఖ్యలు చేశారు. ఆయన వ్యాఖ్యలు ప్రస్తుతం వైరల్ గా మారాయి.
Key Points
సింగర్ సాకేత్, సిద్ శ్రీరామ్ ఓవర్ రేటెడ్ అని అన్నారు.
సిద్ శ్రీరామ్ రెమ్యునరేషన్ కూడా ఓవర్ రేటెడ్ అని సాకేత్ అభిప్రాయం.
కౌశిక్ కళ్యాణ్, శ్రీ సౌమ్య అండర్ రేటెడ్ సింగర్స్ అని సాకేత్ పేర్కొన్నారు.
సింగర్ రేవంత్ స్వరం తక్కువ, సోకులు ఎక్కువ అని సాకేత్ వ్యాఖ్యానించారు.
సాకేత్ సంచలన వ్యాఖ్యలు
Singer Saketh : ఇటీవల కొన్ని రోజుల క్రితం వరకు ఎక్కువగా తెలుగు సినిమాల్లో సిద్ శ్రీరామ్ సాంగ్స్ బాగా వినిపించేవి. మొదట్లో కొన్ని పాటలు హిట్ అవ్వడంతో సినిమా వాళ్లంతా సిద్ శ్రీరామ్ వెనక పడ్డారు. ఈ క్రమంలో సిద్ శ్రీరామ్ కూడా రెమ్యునరేషన్ బాగా పెంచేసాడని వార్తలు వచ్చాయి. ఆల్రెడీ పలువురు సిద్ శ్రీరామ్ ఒకే మూసలో సాంగ్స్ పాడుతున్నాడు అని, కొత్తదనం ఉండట్లేదు అని సోషల్ మీడియాలో విమర్శలు చేసారు.
సిద్ శ్రీరామ్ పై విమర్శలు
తాజాగా సింగర్ సాకేత్ ఓ ఇంటర్వ్యూలో సిద్ శ్రీరామ్ పై వ్యాఖ్యలు చేసాడు. ఆ షోలో ఓవర్ రేటెడ్ సింగర్ అని ఎవర్ని చూస్తే అనిపిస్తుంది అని అడగ్గా సాకేత్ సమాధానమిస్తూ.. అందరూ బాగానే పాడతారు. కానీ సిద్ శ్రీరామ్ కొంత ఓవర్ రేటెడ్ సింగర్ అనిపించింది. ఈవెన్ రెమ్యునరేషన్ విషయంలో కూడా అతను ఓవర్ రేటెడ్. అతను NRI కాబట్టి వర్కౌట్ అయింది. మనోళ్లకు పక్కింటి పుల్లకూర రుచి కదా అని అన్నాడు. దీంతో సాకేత్ వ్యాఖ్యలు వైరల్ గా మారాయి. మరి దీనిపై సిద్ శ్రీరామ్ ఏమైనా స్పందిస్తాడా చూడాలి.
అండర్ రేటెడ్ సింగర్స్ గురించి
అలాగే అండర్ రేటెడ్ సింగర్స్ ఎవరైనా ఉన్నారా అని అడగ్గా.. కౌశిక్ కళ్యాణ్, శ్రీ సౌమ్య అండర్ రేటెడ్ అనిపిస్తుంది, వాళ్లకు రావాల్సినంత గుర్తింపు రాలేదు అనిపిస్తుంది అని చెప్పాడు. స్వరం తక్కువ సోకులు ఎక్కువ ఎవరికి అని అడగ్గా సింగర్ రేవంత్ కి అని చెప్పాడు.
సాకేత్ వ్యాఖ్యలతో తెలుగు సినీ సంగీత రంగం మరోసారి చర్చనీయాంశంగా మారింది. సిద్ శ్రీరామ్ స్పందనను ఎదురు చూడాల్సి ఉంది. ఈ వివాదం మరిన్ని చర్చలకు దారితీస్తుందో లేదో చూడాలి.
