📌 Key Points
- శివాజీ ‘దండోరా’ మూవీ విడుదల తేదీలో తప్పు జరిగిందని సంచలన ప్రకటన!
- తక్కువ స్క్రీన్లలో విడుదలైనా నైజాం ఏరియాలో కోటి రూపాయల వసూళ్లు రాబట్టిన ‘దండోరా’!
- టైటిల్ మార్చడానికి చాలా ప్రయత్నించాను కానీ ఫలితం లేకపోయింది – శివాజీ
- సినిమా సెన్సార్ ఆలస్యం కావడం వల్ల థియేటర్లు దొరకలేదని శివాజీ వెల్లడి!
శివాజీ నటించిన ‘దండోరా’ చిత్రం బాక్సాఫీస్ వద్ద ఆశించిన విజయం సాధించలేకపోయింది. ఈ సినిమా ఫెయిల్యూర్ అవ్వడానికి గల కారణాలను శివాజీ స్వయంగా వెల్లడించారు. ఆ షాకింగ్ విషయాలు ఇప్పుడు వైరల్ అవుతున్నాయి!
దండోరా రిలీజ్ డేట్ వెనుక అసలు కథ!
కొన్ని రోజుల క్రితం శివాజీ ‘దండోరా’ అనే చిత్రంతో ప్రేక్షకులను పలకరించాడు. ఈ సినిమాకు ప్రేక్షకుల, విమర్శకుల నుండి మంచి ప్రశంసలు దక్కినప్పటికీ భారీ విజయాన్ని మాత్రం సొంతం చేసుకోలేదు. తాజాగా శివాజీ ఓ ఇంటర్వ్యూలో పాల్గొన్నారు. అందులో దండోరా ఫెయిల్యూర్ కావడానికి గల కారణాలను ఆయన వివరించారు. శివాజీ మాట్లాడుతూ… దండోరా ఫెయిల్యూర్ కావడానికి మొదటి కారణం సినిమా రిలీజ్ డేట్, అది రాంగ్ రిలీజ్ డేట్.
టైటిల్ మార్చడానికి శివాజీ ప్రయత్నాలు!
డిసెంబర్ 25వ తేదీన మేము సినిమాను విడుదల చేయాలి అనుకున్నాం. 24వ తేదీ సాయంత్రం నాలుగు గంటలకు సినిమా సెన్సార్ పూర్తి అయ్యింది. దానితో మా మూవీకి ఎవరూ థియేటర్స్ ఇవ్వలేదు. అందుకు కారణం సెన్సార్ అవుతుందో, లేదో అనే భయంతోనే ఎవరూ థియేటర్స్ ఇవ్వలేదు. సహజంగా అలా జరిగిన సినిమాలకు థియేటర్స్ ఇవ్వరు. ఇక ఆ కథకి ఆ టైటిల్ అస్సలు కరెక్ట్ కాదు, నేను స్క్రిప్ట్ చెప్పిన గంటకే ఆ విషయం చెప్పాను. అలాగే ఒక నెల రోజులు పాటు టైటిల్ మార్చడానికి ప్రయత్నించాను.
నైజాంలో కోటి వసూళ్లు సాధించిన దండోరా!
మన సమాజంలో దండోరా అనే టైటిల్ వినగానే కమ్యూనిస్టు సినిమా అని అనుకున్నారు. అలాగే హైదరాబాద్ సిటీలో మాకు సాయంత్రం 4, 10 గంటలకు షోలు ఇచ్చారు. అంతకుమించి షోలు పెద్దగా ఇవ్వలేదు. కానీ మా సినిమా నైజాం ఏరియాలో ఒక కోటి కలెక్షన్లను రాబట్టింది. అంత తక్కువ షోలతో కూడా ఆ సినిమా మంచి కలెక్షన్లను రాబట్టింది. అదే ఎక్కువ స్క్రీన్లు ఉంటే భారీ కలెక్షన్లు వచ్చేవి. ఇలా కొన్ని కారణాలవల్ల దండోరా సినిమా ఫెయిల్యూర్ అయింది అని శివాజీ చెప్పుకొచ్చాడు.
శివాజీ దండోరా సినిమా గురించి చెప్పిన విషయాలు ఆశ్చర్యాన్ని కలిగిస్తున్నాయి. సినిమా విడుదల గురించి మరిన్ని అప్డేట్స్ కోసం చూస్తూ ఉండండి.
