బెంగళూరులోని సంగీత కార్యక్రమంలో సోనూ నిగమ్ చేసిన వ్యాఖ్యలు వివాదాస్పదమయ్యాయి. ఈ కేసులో ఆయనకు కర్ణాటక హైకోర్టు తాత్కాలిక ఊరట ఇచ్చింది. పోలీసులు ఎలాంటి బలవంతపు చర్యలు తీసుకోకూడదని ఆదేశించింది.
Key Points
కర్ణాటక హైకోర్టు సోనూ నిగమ్కు తాత్కాలిక ఊరట ఇచ్చింది.
పోలీసులు ఎలాంటి బలవంతపు చర్యలు తీసుకోకూడదని ఆదేశం.
సొంత ఖర్చులతో పోలీసులు సోనూ నిగమ్ నివాసానికి వెళ్లాలి.
పోలీసుల దర్యాప్తుకు సహకరించాలని సోనూ నిగమ్ను కోర్టు ఆదేశించింది.
సోనూ నిగమ్పై వివాదం
ఇటీవల బెంగళూరులో జరిగిన ఒక మ్యూజిక్ ఈవెంట్లో బాలీవుడ్ సింగర్ సోనూ నిగమ్ (Sonu Nigam) కన్నడిగులపై చేసిన వ్యాఖ్యలు వివాదాస్పదమయ్యాయి. ఈ కేసులో ఆరోపణలు ఎదుర్కొంటోన్న సోనూ నిగమ్కు కర్ణాటక హైకోర్టు (Karnataka High Court)లో తాత్కాలిక ఊరట లభించింది. ఆయనపై ఎలాంటి బలవంతపు చర్యలు తీసుకోవద్దని పోలీసులకు హైకోర్టు ఆదేశాలు జారీ చేసింది. తదుపరి విచారణ జరిగేంతవరకూ సోనూ నిగమ్ను అరెస్ట్ చేయవద్దని, ఇతర చర్యలు కూడా తీసుకోవద్దని జస్టిస్ శివశంకర్ అమరన్నవర్ నేతృత్వంలోని వెకేషన్ బెంచ్ స్పష్టం చేసింది. అలాగే పోలీసుల దర్యాప్తుకు సహకరించాలని సోనూ నిగమ్ను కూడా కోర్టు ఆదేశించింది. పోలీసులు సోనూ నిగమ్ వాంగ్మూలం తీసుకోవాలనుకుంటే సొంత ఖర్చులతో అతని నివాసానికే వెళ్లాలని ఆదేశాల్లో పేర్కొంది.
ఏప్రిల్ 25న బెంగళూరులో జరిగిన మ్యూజికల్ ఈవెంట్లో సోనూ నిగమ్ను కొందరు కన్నడ సాంగ్స్ పాడాలని కోరగా.. అతని అసహనం వ్యక్తం చేశాడు. పైగా పహల్గామ్ ఉగ్రదాడి (Pahalgam Terror Attack)తో పోల్చాడన్న ఆరోపణలు రావడంతో కర్ణాటక రక్షణ వేదిక ఆయనపై పోలీస్ కంప్లైంట్ ఇచ్చింది. దీంతో సోనూ నిగమ్పై శాంతికి భంగం కలిగించేలా ఉద్దేశపూర్వకంగా వ్యాఖ్యలు చేయడం, నేరపూరిత బెదిరింపు, ఇతర సెక్షన్ల కింద ఎఫ్ఐఆర్ నమోదు చేశారు.
హైకోర్టు ఆదేశాలు
తదుపరి విచారణ
కర్ణాటక హైకోర్టు తీర్పుతో సోనూ నిగమ్కు తాత్కాలిక ఉపశమనం లభించింది. అయితే, పోలీసుల దర్యాప్తుకు సహకరించాల్సి ఉంటుంది.
