📌 Key Points
- సురేఖవాణి కూతురు సుప్రీత సంచలన వ్యాఖ్యలు: భర్త చనిపోతే బొట్టు, తాళి తీయాల్సిన అవసరం లేదన్న సుప్రీత!
- ఫిబ్రవరి 13న విడుదల కానున్న ‘అమరావతికి ఆహ్వానం’ సినిమాలో హీరోయిన్గా సుప్రీత టాలీవుడ్ ఎంట్రీ!
- తండ్రి మరణం తర్వాత తన తల్లిని విమర్శించిన వారిపై సుప్రీత ఫైర్: పాతకాలం పద్ధతులు ఎందుకు?
- రెండో పెళ్లి గురించి సుప్రీత ఎమోషనల్ కామెంట్స్: అమ్మకు పెళ్లి చేయాలనే ఆలోచన ఉంది కానీ నాన్నతోనే ఆగిపోవాలనుకుంటుంది!
సురేఖ వాణి కూతురు సుప్రీత త్వరలో హీరోయిన్గా టాలీవుడ్లో ఎంట్రీ ఇవ్వనుంది. అయితే అంతకంటే ముందే ఆమె చేసిన కొన్ని సంచలన వ్యాఖ్యలు ఇప్పుడు సోషల్ మీడియాలో హాట్ టాపిక్గా మారాయి. ఆ వివరాల్లోకి వెళ్దాం!
సుప్రీత హీరోయిన్ ఎంట్రీతో టాలీవుడ్లో హాట్ టాపిక్!
Supritha : సురేఖవాణి కూతురు సుప్రీత ఇప్పటికే సోషల్ మీడియాలో ఫేమ్ తెచ్చుకుంది. త్వరలో హీరోయిన్ గా ఎంట్రీ ఇస్తుంది. సుప్రీత హీరోయిన్ గా నటించిన అమరావతికి ఆహ్వానం సినిమా ఫిబ్రవరి 13న రిలీజ్ కానుంది. ఈ సినిమా ప్రమోషన్స్ లో భాగంగా ఇచ్చిన ఓ ఇంటర్వ్యూలలో పలు ఆసక్తికర విషయాలు మాట్లాడింది.(Supritha)
సుప్రీత తండ్రి కొన్నేళ్ల క్రితం మరణించిన సంగతి తెలిసిందే. తన తండ్రి చనిపోయాక సురేఖవాణి బొట్టు పెట్టుకొని సంప్రదాయంగా రెడీ అయితే కొంతమంది నెగిటివ్ కామెంట్స్ చేసారు, కొంతమంది రెండో పెళ్లి చేసుకుంది అన్నారు. ఇలాంటి వాటిపై సుప్రీత స్పందించింది.
తల్లిపై నెటిజన్ల కామెంట్స్కు సుప్రీత స్ట్రాంగ్ కౌంటర్!
సుప్రీత మాట్లాడుతూ.. మా నాన్న చనిపోయినపుడు మా అమ్మకు జస్ట్ 36 ఏళ్ళు. తాళి తీసేయాలి, బొట్టు పెట్టుకోకూడదు, గాజులు వేసుకోకూడదు ఇవన్నీ ఎప్పుడో పాతకాలంలో మనం పెట్టుకున్నవి. దేవుడు ఎక్కడా వచ్చి చెప్పలేదు. మా అమ్మ కూడా నాన్న చనిపోయాక కొన్ని రోజులు బొట్టు పెట్టుకోలేదు.
మా అమ్మ కుంకుమ పెట్టుకున్నందుకు ఇంకో పెళ్లి చేసుకుంది అని రాసారు. ఆమె నా ఫోర్స్ వల్లే పెట్టుకుంది. మనం అలాంటి జనరేషన్ లో లేము. భర్త చనిపోయిన వాళ్ళు ఇలాగే ఉండాలి అని అందరూ అనుకుంటారు. ఆవిడ అలా లేదు కాబట్టే ఆమె మీద నెగిటివిటి ఉంది. నా లైఫ్ లో నేను చూసిన స్ట్రాంగ్ వుమెన్ మా అమ్మే అని తెలిపింది.
రెండో పెళ్లిపై సుప్రీత ఎమోషనల్ కామెంట్స్ వైరల్!
అలాగే తన తల్లి రెండో పెళ్లి గురించి మాట్లాడుతూ.. మా అమ్మకు పెళ్లి చేద్దాం అనే ఆలోచన నాకు కూడా ఉంది. కానీ తనకి నాన్నతోనే ఆగిపోవాలని ఉంది. ఆ ప్లేస్ లో ఎవరిని రానివ్వకూడదు అనుకుంటుంది అని చెప్పింది. నేను పెళ్లి చేసుకునే ముందు అయినా మా అమ్మకు పెళ్లి చేయాలి అనే ఆలోచన ఉందని తెలిపింది.
సుప్రీత చేసిన ఈ వ్యాఖ్యలు సోషల్ మీడియాలో వైరల్ అవుతున్నాయి. ఆమె ఇంకా చాలా విషయాలు పంచుకున్నారు. మరిన్ని ఆసక్తికరమైన విషయాల కోసం చూస్తూ ఉండండి.
