సూర్య నటించిన తాజా చిత్రం రెట్రో బాక్స్ ఆఫీస్ వద్ద నిరాశపరిచింది. 82 కోట్ల టార్గెట్తో విడుదలైన ఈ సినిమా, తొలిరోజు 16 కోట్ల వసూళ్లతోనే సరిపెట్టుకుంది. నాని హిట్ 3 సినిమాతో పోల్చినప్పుడు రెట్రో పరాజయం పాలైంది.
Key Points
రెట్రో సినిమా తొలిరోజు కేవలం 16 కోట్ల వసూళ్లు సాధించింది.
82 కోట్ల బ్రేక్ ఈవెన్ టార్గెట్ తో విడుదలైన ఈ సినిమా, ఆశించిన స్థాయిలో ఆదరణ పొందలేదు.
నాని హిట్ 3 సినిమాతో పోలిస్తే రెట్రో సినిమా బాక్స్ ఆఫీస్ వద్ద చాలా వెనుకబడి ఉంది.
తెలుగు రాష్ట్రాల్లో రెట్రో సినిమాకు రెండు కోట్ల గ్రాస్, కోటి వరకు షేర్ కలెక్షన్స్ వచ్చాయి.
రెట్రో సినిమా బాక్స్ ఆఫీస్ ఫలితాలు
సూర్య ఫ్లాప్ల పరంపర కొనసాగుతోంది. లేటెస్ట్ మూవీ రెట్రో మొదటిరోజే డిసపాయింట్ చేసింది. నాని హిట్ 3 వరల్డ్ వైడ్గా మొదటిరోజు 38 కోట్ల నుంచి నలభై కోట్ల వరకు కలెక్షన్స్ అందుకోగా…సూర్య రెట్రో మాత్రం తెలుగు, తమిళ భాషల్లో కలిపి ఫస్ట్ డే పదహారు కోట్లతోనే సరిపెట్టుకున్నట్లు ట్రేడ్ వర్గాలు చెబుతోన్నాయి. తెలుగులో హిట్ 3కి రెట్రో ఏ మాత్రం పోటీ ఇవ్వలేకపోయింది. సూర్య కెరీర్లో ఫస్ట్ డే లోయెస్ట్ కలెక్షన్స్ రాబట్టిన సినిమాల్లో ఒకటిగా రెట్రో నిలిచింది.
తెలుగులో రెట్రో ప్రీ రిలీజ్ బిజినెస్ తొమ్మిదిన్నర కోట్ల వరకు జరిగింది. తెలుగులో పది కోట్లు, వరల్డ్ వైడ్గా 82 కోట్ల బ్రేక్ ఈవెన్ టార్గెట్తో ఈ మూవీ రెట్రో మూవీ రిలీజైంది. కంగువ తర్వాత సూర్య కెరీర్లో హయ్యెస్ట్ ప్రీ రిలీజ్ బిజినెస్ చేసిన మూవీగా రెట్రో నిలిచింది.
తొలిరోజు ప్రీమియర్స్ నుంచే నెగెటివ్ టాక్ రావడంతో రెట్రో ఓపెనింగ్స్పై గట్టిగానే ప్రభావం పడింది. తమిళనాడు మినహా మిగిలిన రాష్ట్రాల్లో బాక్సాఫీస్ వద్ద ఏ మాత్రం సందడి చేయలేకపోయింది. తొలిరోజు తెలుగు రాష్ట్రాల్లో రెండు కోట్ల గ్రాస్, కోటివరకు షేర్ కలెక్షన్స్ దక్కించుకున్నది.
నాని హిట్ 3 తో పోలిక
హిందీలో యాభై లక్షల లోపే సూర్య మూవీకి వసూళ్లు వచ్చాయి. కర్ణాటక, కేరళలలో కూడా మొదటి రోజు కోటి మార్కును కూడా టచ్ చేయలేదని ట్రేడ్ వర్గాలు అంటున్నాయి. తమిళనాడులో మాత్రం ఈ మూవీ 14 కోట్ల వరకు వసూళ్లను దక్కించుకున్నది.
తెలుగులో బ్రేక్ ఈవెన్ కావాంటే ఈ మూవీకి ఇంకో తొమ్మిది కోట్లపైనే కలెక్షన్స్ రావాల్సివుంది. రెండో రోజు బట్టే ఈ సినిమా బ్రేక్ ఈవెన్పై ఓ క్లారిటీ రానున్నట్లు చెబుతోన్నారు. సూర్య గత మూవీ కంగువ ఫస్ట్ డే తెలుగులో ఆరు కోట్ల వరకు వసూళ్లను దక్కించుకున్నది. కంగువ కంటే రెట్రో నాలుగు కోట్లు తక్కువే రెట్రోకు కలెక్షన్స్ రావడం గమనార్హం.
రెట్రో సినిమా బ్రేక్ ఈవెన్ అవకాశాలు
రెట్రో మూవీకి కార్తీక్ సుబ్బరాజు దర్శకత్వం వహించాడు. పూజా హెగ్డే హీరోయిన్గా నటించిన ఈ మూవీలో మలయాళం హీరో జోజు జార్జ్ ఓ కీలక పాత్రలో కనిపించాడు. ఈ మూవీని సూర్యతో కలిసి కార్తీక్ సుబ్బరాజు స్వయంగా నిర్మించాడు.
చిన్నప్పుడే తల్లిదండ్రులకు దూరమవుతాడు పారి. అతడిని తిలక్ అనే గ్యాంగ్స్టర్ దత్తత తీసుకుంటాడు. పారిని సొంత కొడుకులా పెంచుతాడు. తిలక్ మాదిరిగానే పారి ఓ పెద్ద గ్యాంగ్స్టర్ అవుతాడు. రుక్మిణిని ప్రాణంగా ప్రేమించిన పారి…గ్యాంగ్స్టర్ లైఫ్ను వదిలేయాలని నిర్ణయించుకుంటాడు. పారి గ్యాంగ్స్టర్ అనే నిజం తెలిసి అతడికి దూరం వెళ్లిపోతుంది రుక్మిణి. ఆ తర్వాత ఏమైంది? తిలక్కు పారి ఎదురుతిరగడానికి కారణం ఏమిటి? పారి, రుక్మిణి పెళ్లిని తిలక్ ఎందుకు అడ్డుకున్నాడు? గోల్డ్ఫిష్ డీల్ వెనుక కథేమిటి అన్నదే ఈ మూవీ కథ.
మొత్తం మీద, సూర్య రెట్రో సినిమా బాక్స్ ఆఫీస్ వద్ద తీవ్ర నిరాశను కలిగించింది. 82 కోట్ల టార్గెట్కు చేరుకోవడం కష్టమే అనిపిస్తుంది.
