తమిళ సూపర్ హిట్ మూవీ ‘బన్ బటర్ జామ్’ ఓటీటీలోకి ఎంట్రీ ఇచ్చింది. పిల్లల పెళ్ళి కోసం ఇద్దరు అమ్మలు చేసిన ప్లాన్తో సాగే ఈ రొమాంటిక్ కామెడీ సినిమా ప్రేక్షకులను అలరించడానికి సిద్ధంగా ఉంది.
Key Points
తమిళ సూపర్ హిట్ 'బన్ బటర్ జామ్' ఓటీటీలోకి!
ఇద్దరు అమ్మల పిల్లల పెళ్లి ప్లాన్తో కథానాయకం!
రొమాంటిక్ కామెడీతో అలరించే కథ!
అమెజాన్ ప్రైమ్ వీడియోలో స్ట్రీమింగ్!
‘బన్ బటర్ జామ్’ ఓటీటీ ప్రయాణం
ఓటీటీలోకి తమిళ సూపర్ హిట్ మూవీ ‘బన్ బటర్ జామ్’ (Bun Butter Jam) దూసుకొచ్చింది. అయితే ఇండియాలో రిలీజ్ కంటే ఒక రోజు ముందుగానే ఓవర్సీస్ ఆడియన్స్ ను ఇది ఎంటర్ టైన్ చేస్తోంది. తమ పిల్లలకు పెళ్లి చేయాలనే ఇద్దరు అమ్మల ప్లాన్ చుట్టూ ఈ మూవీ కథ సాగుతుంది.
తమిళ రొమాంటిక్ కామెడీ మూవీ బన్ బటర్ జామ్ ఓటీటీలోకి ఇవాళ (సెప్టెంబర్ 4) వచ్చింది. కానీ ఇప్పుడే ఇండియన్ ఆడియన్స్ కు అందుబాటులో లేదు. రేపు (సెప్టెంబర్ 5) ఇక్కడి ప్రేక్షకులు ఈ మూవీని ఓటీటీ లో చూడగలరు. ఈ రోజు నుంచి అమెజాన్ ప్రైమ్ వీడియో యూకేలో ఈ మూవీ స్ట్రీమింగ్ అవుతోంది. తమిళంతో పాటు తెలుగు, మలయాళంలోనూ మూవీ ఓటీటీ రిలీజ్ అయింది.
ఇద్దరు అమ్మల ఆసక్తికరమైన ప్లాన్
రాజు జెయమోహన్ హీరోగా ఆధ్య ప్రసాద్, భవ్య త్రిఖ హీరోయిన్లుగా నటించిన బన్ బటర్ జామ్ సినిమాకు రాఘవ్ మిర్దత్ దర్శకత్వం వహించారు. రెయిన్ ఆఫ్ ఎరోస్, సురేష్ సుబ్రమణియన్ నిర్మించిన ఈ సినిమాను తెలుగులో శ్రీ విఘ్నేశ్వర ఎంటర్టైన్మెంట్స్ బ్యానర్పై సీహెచ్ సతీష్ కుమార్ విడుదల చేశారు. తమిళంలో జులై 18న, తెలుగులో ఆగస్టు 22న రిలీజ అయిన ఈ మూవీ మంచి టాక్ తెచ్చుకుంది.
మధుమిత (ఆధ్య ప్రసాద్), చంద్రు (రాజు జెయమోహన్) ఇద్దరు ఇంటర్ చదువు పూర్తి చేస్తారు. ఓ పెళ్లిలో చంద్రు, మధుమిత తల్లిదండ్రులు కలుసుకుని క్లోజ్ ఫ్రెండ్స్ అవుతారు. ఈ మధ్య కాలంలో ప్రేమ, అరేంజ్డ్ మ్యారేజ్లు కానీ ఏవి నిలబడట్లేదు, వెంటనే విడిపోతున్నారని మాట్లాడుకున్న వాళ్లు ఓ ప్లాన్ వేస్తారు.
ప్రేమ, కామెడీ, మరియు కుటుంబం
లవ్, అరేంజ్ మ్యారేజ్ అనేది తెలియకుండా చేయాలని మధుమిత తల్లి (దేవదర్శన), చంద్రు తల్లి (శరణ్య) ఓ స్కెచ్ వేస్తారు. అందుకోసం చంద్రు పక్కింట్లోకే మధుమిత కుటుంబం దిగుతుంది. కట్ చేస్తే ఇంజినీరింగ్లో చంద్రు, నందిని (భవ్య త్రిఖ) ప్రేమలో పడతారు. నందినిని చంద్రు బెస్ట్ ఫ్రెండ్ శ్రీనివాస్ (మైఖేల్ తంగదురై) కూడా లవ్ చేస్తుంటాడు.
మరోవైపు మధుమిత కూడా ఆకాష్ (వీజే పప్పు) అనే అబ్బాయిని ప్రేమిస్తుంది. ఇంకోవైపు ఒకరంటే మరొకరికి పడని చందు, మధుమితలను కలిపేందుకు వారి పేరెంట్స్ తెగ ప్రయత్నాలు చేస్తారు. ఆ తర్వాత ఏమైంది? పేరెంట్స్ ప్లాన్ వర్కౌట్ అయిందా? ఎవరి ప్రేమ పెళ్లి వరకు చేరుకుంటుంది? ఎవరు బ్రేకప్ చెప్పకుంటారు? అనేది తెలియాలంటే బన్ బటర్ జామ్ చూడాల్సిందే.
చివరగా, ‘బన్ బటర్ జామ్’ సినిమా ఒక ఆహ్లాదకరమైన రొమాంటిక్ కామెడీ అని చెప్పవచ్చు. అమ్మల ప్రణాళిక సఫలమవుతుందా? ప్రేమ జంటలు కలుస్తారా? తెలుసుకోవాలంటే సినిమా చూడండి!
