📌 Key Points
- తెలంగాణ బిల్డింగ్ రూల్స్ 2012కు ప్రభుత్వం సవరణలు చేసింది.
- 21 మీటర్ల కంటే ఎక్కువ ఎత్తు ఉన్న భవనాలు హైరైజ్గా గుర్తింపు.
- నాన్ హైరైజ్ భవనాలకు టీడీఆర్ వినియోగంతో సెట్బ్యాక్ సడలింపు ఉంటుంది.
- 10 అంతస్తుల పైబడిన భవనాల్లో టీడీఆర్ వినియోగం తప్పనిసరి.
తెలంగాణ ప్రభుత్వం భవన నిర్మాణాలకు సంబంధించి కీలక నిర్ణయం తీసుకుంది. టీడీఆర్ వినియోగానికి సంబంధించిన నిబంధనలను సవరిస్తూ ‘తెలంగాణ బిల్డింగ్ రూల్స్ 2012’ లో మార్పులు చేసింది. దీనికి సంబంధించిన ఉత్తర్వులను ప్రభుత్వం జారీ చేసింది.
హైరైజ్ భవనాల గుర్తింపులో మార్పులు
భవన నిర్మాణాలకు సంబంధించి టీడీఆర్ వినియోగానికి సంబంధించిన నిబంధనలను తెలంగాణ ప్రభుత్వం సవరించింది. ఈ మేరకు ‘తెలంగాణ బిల్డింగ్ రూల్స్ 2012’కి సంబంధించి కీలక సవరణలు చేసింది. ఈ మేరకు జీవో జారీ చేసింది.
మున్సిపల్, పట్టణాభివృద్ధి శాఖ నుంచి తాజాగా జారీ అయిన జీవో ప్రకారం…. 21 మీటర్లు, అంతకంటే ఎక్కువ ఎత్తుతో నిర్మించనున్న వాటిని హైరైజ్ భవనాలుగా గుర్తిస్తారు. 750 చ.మీ నుంచి 2000 చ.మీలు ఉన్న స్థలంలో 18-21 మీటర్ల భవనాలు నిర్మించాలంటే టీడీఆర్ వినియోగం తప్పనిసరి. నాన్ హైరైజ్ భవనాలకు టీడీఆర్ వినియోగంతో సెట్బ్యాక్ సడలింపు ఇచ్చారు. (జీవో ఎంఎస్ నం. 95) ఉత్తర్వులు జారీ చేసింది.
టీడీఆర్ వినియోగంపై ప్రభుత్వ సవరణలు
40 ఫీట్ రోడ్ వద్ద 3 అదనపు అంతస్తులకు ప్రభుత్వం తాజాగా అనుమతి ఇచ్చింది. 60 ఫీట్ రోడ్ వద్ద 4 అదనపు అంతస్తులు నిర్మించుకోవచ్చు. అంతేకాకుండా…. 80 ఫీట్ రోడ్ వద్ద 5 అదనపు అంతస్తులకు అనుమతి ఇచ్చింది. 10 అంతస్తులకు పైగా భవనాల్లో టీడీఆర్ వినియోగాన్ని తప్పనిసరి చేసింది.
భవన నిర్మాణ నిబంధనల్లో సడలింపులు
వివిధ వర్గాల నుంచి అందిన విజ్ఞప్తులను పరిశీలించిన అనంతరం TDR(Transferable Development Rights) వినియోగాన్ని క్రమబద్ధీకరించినట్లు మున్సిపల్ శాఖ ఓ ప్రకటన ద్వారా తెలిపింది. భవన నిర్మాణ నిబంధనలలో వెసులుబాటును పెంపొందించడానికి ఈ ఉత్తర్వులు ఇచ్చినట్లు పేర్కొంది.
ఈ సవరణల ద్వారా భవన నిర్మాణ రంగంలో మరింత వెసులుబాటు కలుగుతుందని ప్రభుత్వం భావిస్తోంది. ప్రజలు ఈ మార్పులను గమనించి, తదనుగుణంగా తమ నిర్మాణ ప్రణాళికలను రూపొందించుకోవాలని సూచిస్తున్నారు.
