ప్రస్తుతం పాన్ ఇండియా సినిమాలు ప్రాచుర్యంలో ఉన్నాయి. కానీ తెలుగు హీరోలు బాలీవుడ్ దర్శకులతో చేసిన సినిమాలు ఎక్కువగా విఫలమయ్యాయి. రాంచరణ్, ప్రభాస్, ఎన్టీఆర్ ల అనుభవాలను పరిశీలిద్దాం.
Key Points
రాంచరణ్ యొక్క 'జంజీర్' సినిమా పెద్ద విఫలం.
ప్రభాస్ 'ఆదిపురుష్' సినిమా విమర్శలకు గురైంది.
ఎన్టీఆర్ 'వార్ 2' సినిమా ఆశించిన స్థాయిలో ఆకట్టుకోలేదు.
ఉత్తర భారత దర్శకులతో తెలుగు హీరోల సినిమాలు ఎక్కువగా నిరాశ పరిచాయి.
జంజీర్ నుంచి వార్ 2 వరకు
ప్రస్తుతం సినిమాల విషయంలో భాషా బేధాలు దాదాపుగా తొలిగిపోయాయి. రీజియనల్ చిత్రాలు కూడా పాన్ ఇండియా స్థాయిలో రిలీజ్ అవుతూ విజయం సాధిస్తున్నాయి. ఇతర భాషల చిత్రాలకు తెలుగులో మంచి ఆదరణ లభిస్తోంది. తెలుగు దర్శకులు ఇతర భాషల హీరోలతో సినిమాలు చేస్తూ విజయాలు అందుకుంటున్నారు. అందుకు ఉదాహరణ యానిమల్, లక్కీ భాస్కర్, కుబేర లాంటి చిత్రాలు.
కానీ తెలుగు హీరోలకు మాత్రం ఇతర భాషల దర్శకులతో సినిమాలు చేసినప్పుడు చుక్కలు కనిపిస్తున్నాయి. ముఖ్యంగా నార్త్ డైరెక్టర్స్ అయితే తెలుగు హీరోలని పూర్తిగా ముంచేస్తున్నారు. తెలుగు హీరోలు బాలీవుడ్ డైరెక్టర్స్ తో భారీ చిత్రాలు చేసినప్పుడు ఎంతటి దారుణమైన ఫలితాలు ఎదురయ్యాయో ఇప్పుడు చూద్దాం.
ఆదిపురుష్: విమర్శల పాలైన రామాయణం
రాంచరణ్ జంజీర్ నుంచి ఇటీవల విడుదలైన వార్ 2 వరకు తెలుగు హీరోలకు బాలీవుడ్ దర్శకుల నుంచి పూర్తిగా నిరాశ కలిగించే ఫలితాలు ఎదురయ్యాయి. రాంచరణ్ బాలీవుడ్ లో నటించిన తొలి చిత్రం జంజీర్. తెలుగులో తుఫాన్ పేరుతో రిలీజ్ అయింది. 1973లో విడుదలైన అమితాబ్ బచ్చన్ జంజీర్ చిత్రాన్ని ఆదర్శంగా తీసుకుని దర్శకుడు అపూర్వ లాఖియా ఈ చిత్రాన్ని రూపొందించారు.
దీనితో ఈ బాలీవుడ్ దర్శకుడు పెద్ద అద్భుతమే చేయబోతున్నాడు అని అంతా భావించారు. కానీ సినిమా మాత్రం రాంచరణ్ కెరీర్ లోనే బిగ్గెస్ట్ ఫ్లాప్ గా, మరచిపోదగ్గ చిత్రంగా నిలిచింది. రాంచరణ్ తర్వాత ప్రభాస్ బాలీవుడ్ డైరెక్టర్ చేతిలో బాధితుడిగా మారారు. రామాయణం నేపథ్యంలో ఓం రౌత్ దర్శకత్వంలో ప్రభాస్ నటించిన ఆదిపురుష్ చిత్రం తీవ్ర విమర్శల పాలైంది. రామాయణాన్ని ఏదో చేయబోయి ఇంకేదో చేసేశాడు ఓం రౌత్.
నార్త్ డైరెక్టర్స్ తో తెలుగు హీరోల అనుభవం
ఆదిపురుష్ మూవీలో నటీనటుల వేషధారణ, తెరక్కించిన విధానం, గ్రాఫిక్స్ అన్ని విమర్శలకు గురయ్యాయి. సినిమా పరాజయం చెందింది. వందల కోట్ల బడ్జెట్ లో ఆదిపురుష్ చిత్రం తెరకెక్కింది. ప్రభాస్ తర్వాత ఇప్పుడు యంగ్ టైగర్ ఎన్టీఆర్ బాలీవుడ్ డైరెక్టర్ వల్ల ఎఫెక్ట్ అయ్యారు. రీసెంట్ గా రిలీజ్ అయిన వార్ 2 చిత్రం ఫ్యాన్స్ ని ఆశించిన స్థాయిలో ఆకట్టుకోలేకపోయింది. ఈ మూవీలో ఎన్టీఆర్ ని చూపించిన విధానం, గ్రాఫిక్స్ పై ట్రోలింగ్ జరుగుతోంది. ఈ చిత్రానికి అయాన్ ముఖర్జీ దర్శకుడు.
చివరగా, ఈ సినిమాల ఫలితాలు తెలుగు హీరోలు ఇతర భాషల దర్శకులతో సినిమాలు చేసేటప్పుడు జాగ్రత్తగా ఉండాలని సూచిస్తున్నాయి. కథ, దర్శకత్వం, ప్రేక్షకుల అంచనాలను పరిగణనలోకి తీసుకోవడం చాలా ముఖ్యం.
