జియోహాట్స్టార్ ఓటీటీలో త్వరలో రాబోతున్న ‘రాంబో ఇన్ లవ్’ అనే తెలుగు రొమాంటిక్ కామెడీ వెబ్ సిరీస్ గురించి ఆసక్తికరమైన వార్తలు వస్తున్నాయి. ఈ సిరీస్ నుండి ఒక ఫన్నీ సాంగ్ ఇప్పటికే విడుదలైంది.
Key Points
జియోహాట్స్టార్ లో రాంబో ఇన్ లవ్ వెబ్ సిరీస్ త్వరలో రానుంది.
సిరీస్ లోని ఫన్నీ సాంగ్ ఇప్పటికే విడుదలైంది.
రాంబాబు అనే యువకుడి కష్టాల చుట్టూ కథ తిరుగుతుంది.
పాయల్ చెంగప్ప, అభినవ్ మణికంఠ లాంటి నటులు నటిస్తున్నారు.
రాంబో ఇన్ లవ్ వెబ్ సిరీస్ విడుదల
తెలుగు రొమాంటిక్ కామెడీ వెబ్ సిరీస్ ఒకటి ఇప్పుడు ఆసక్తి రేపుతోంది. జియోహాట్స్టార్ ఓటీటీలోకి రాబోతున్న ఈ సిరీస్ పేరు రాంబో ఇన్ లవ్ (Rambo in love). త్వరలోనే ఓటీటీలోకి అడుగుపెడుతున్న ఈ సిరీస్ నుంచి ఓ ఫన్నీ సాంగ్ ను గురువారం (ఆగస్టు 14) మేకర్స్ రిలీజ్ చేశారు.
జియోహాట్స్టార్ తెలుగు ప్రేక్షకులకు అందిస్తున్న మరో రొమాంటిక్ కామెడీ వెబ్ సిరీస్ రాంబో ఇన్ లవ్. ఈ మధ్యే దేవిక అండ్ డానీ అనే సిరీస్ తో అలరించిన ఆ ఓటీటీ.. ఇప్పుడు మరో సిరీస్ ను తీసుకొస్తోంది. గత నెలలో ఈ సిరీస్ ను అనౌన్స్ చేయగా.. ఇప్పుడు ఇందులో నుంచి ఓ సాంగ్ రిలీజ్ చేసింది. రాంబాబు అనే లీడ్ రోల్ చుట్టూ తిరిగే స్టోరీ ఇది. దీంతో అతని కష్టాలను చెబుతూ ఈ పాట సాగిపోయింది.
ఫన్నీ సాంగ్ రిలీజ్
లాంగ్ ఎగో రాంబాబు అనే ఓ పెద్ద యూత్ బిజినెస్ ఐకాన్ ఉండేవాడు అంటూ అతని గురించి ఇంట్రడక్షన్ తో ఈ సాంగ్ మొదలవుతుంది. ఆ తర్వాత తన స్టోరీ తానే చెప్పుకుంటానంటూ హీరో ఎంటరవుతాడు. స్టార్టప్ నా ఆంబిషన్.. బ్యాంక్ రప్ట్ నా సిచువేషన్ అంటూ ఈ పాట సాగిపోయింది. ఓ స్టార్టప్ పెట్టాలనుకొని టైమ్ బాగా లేక తన మాజీ లవర్ బాస్ గా ఉన్న కంపెనీలో పని చేయాల్సి వస్తుంది. అలాంటి సిచువేషన్ లో అతని పరిస్థితి ఎలా ఉంటుందన్నది ఈ సిరీస్ స్టోరీ.
“రాంబో ప్రేమలో లేడు. అతడు కోపంతో ఉన్న బోనులో ఉన్నాడు. రాంబో ఇన్ లవ్ నుంచి ది రేజ్ కేజ్ సాంగ్ వచ్చేసింది. రాంబో ఇన్ లవ్ జియోహాట్స్టార్ లో కమింగ్ సూన్.. అజిత్ రెడ్డి డైరెక్ట్ చేయగా.. శరణ్ రాఘవ మ్యూజిక్ అందించాడు” అనే క్యాప్షన్ తో జియోహాట్స్టార్ ఈ సాంగ్ రిలీజ్ చేసింది.
కథానాయకుడి కష్టాలు
రొమాంటిక్ కామెడీ వెబ్ సిరీస్ అయిన రాంబో ఇన్ లవ్ ఫస్ట్ లుక్ పోస్టర్ ను గత నెల 11న మేకర్స్ రిలీజ్ చేశారు. అజిత్ రెడ్డి డైరెక్ట్ చేసిన ఈ సిరీస్ షూటింగ్ పూర్తవగా.. పోస్ట్ ప్రొడక్షన్ పనులు కూడా పూర్తి కావచ్చాయి. త్వరలోనే స్ట్రీమింగ్ డేట్ ను అనౌన్స్ చేయనున్నారు.
ఈ సిరీస్ లో పాయల్ చెంగప్ప, అభినవ్ మణికంఠ, కావ్య అచ్చు, నందు భార్గవ్, పవన్ యాటగాని, అప్పాజీ అంబరీషలాంటి వాళ్లు నటిస్తున్నారు. చాలా వరకూ కొత్త నటీనటులతో వస్తున్న ఈ రొమాంటిక్ కామెడీ వెబ్ సిరీస్ ఎంత వరకూ ఆకట్టుకుంటుందో చూడాలి. రాంబాబు అనే యువకుడు తన మాజీ లవర్ కిందే పని చేయాల్సి వస్తుంది. ఆమె అతనితో ఆడుకుంటుంది. ఆ తర్వాత ఏం జరిగిందన్నదే ఈ సిరీస్ స్టోరీ.
రాంబో ఇన్ లవ్ వెబ్ సిరీస్ త్వరలోనే ప్రేక్షకుల ముందుకు రానుంది. కొత్త నటీనటులతో వస్తున్న ఈ సిరీస్ ఎంతవరకు ఆకట్టుకుంటుందో చూడాలి.
