తారక్ నటిస్తున్న “దేవర” చిత్రం పై అంచనాలు రోజు రోజుకీ భారీగా పెరుగుతున్నాయి. ఇప్పటికే విడుదలైన గ్లింప్స్, పాటలు ప్రేక్షకుల్లో విపరీతమైన ఆసక్తిని రేకెత్తించాయి. ఈ సినిమా కోసం కేవలం నందమూరి అభిమానులు మాత్రమే కాకుండా యావత్ తెలుగు ప్రేక్షకులు ఆసక్తిగా ఎదురుచూస్తున్నారు. “ఆర్ఆర్ఆర్” వంటి భారీ విజయం తర్వాత తారక్ నటిస్తున్న సినిమా కావడంతో, “దేవర” పై మరింత ఆసక్తి నెలకొంది.
కొరటాల శివ దర్శకత్వంలో రూపొందుతున్న ఈ చిత్రంలో భారీ యాక్షన్ సన్నివేశాలు, ఉత్కంఠభరిత కథ ప్రధానంగా ఉంటాయని తెలుస్తోంది. బాలీవుడ్ నటులు సైఫ్ అలీ ఖాన్, బాబీ డియోల్ ఇందులో విలన్ పాత్రల్లో కనిపించనుండగా, జాన్వీ కపూర్ కథానాయికగా నటిస్తోంది. ఇప్పటికే విడుదలైన పాటలు ప్రేక్షకుల మనసులు దోచుకుంటున్నాయి, ముఖ్యంగా “చుట్టమల్లే” పాటకు వచ్చిన స్పందన చాలా గొప్పది.
ఇటీవల తెలిసిన సమాచారం ప్రకారం, ఈ చిత్ర runtime 3 గంటల 10 నిమిషాల పాటు ఉంటుందని వార్తలు వస్తున్నాయి. ఈ భారీ రన్‌టైమ్ ప్రేక్షకులను ఎంతవరకు ఆకట్టుకుంటుందో చూడాలి. సినిమా రెండు భాగాలుగా రావచ్చనే ఊహాగానాలు కూడా వినిపిస్తున్నాయి. “దేవర” మొదటి భాగం సెప్టెంబర్ 27న ప్రేక్షకుల ముందుకు రాబోతోంది.
