ఆర్ఆర్ఆర్ తర్వాత గ్లోబల్ స్టార్ రామ్ చరణ్ నటిస్తున్న భారీ బడ్జెట్ చిత్రం గేమ్ ఛేంజర్. ఈ చిత్రాన్ని సెన్సేషనల్ డైరెక్టర్ శంకర్ దర్శకత్వంలో రూపొందిస్తున్నారు. అనిత సమర్పణలో శ్రీ వెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్స్ బ్యానర్స్‌పై దిల్ రాజు, శిరీష్ నిర్మిస్తున్నారు. బాలీవుడ్ భామ కియారా అద్వానీ హీరోయిన్‌గా నటిస్తోంది. తాజాగా ఈ సినిమా రెండో లిరికల్ సాంగ్‌ను మేకర్స్ రిలీజ్ చేశారు. ‘రా మచ్చా మచ్చా…’ అంటూ సాగే పాటను విడుదల చేశారు.

ఇప్పటికే విడుదలైన ‘జరగండి జరగండి’ పాటకు అద్భుతమైన స్పందన వచ్చిన విషయం తెలిసిందే. ఈ సాంగ్ కూడా మెగా ఫ్యాన్స్‌ను ఊపేయడం ఖాయంగా కనిపిస్తోంది. ఈ పాటను ప్రముఖ లిరిసిస్ట్ అనంత్ శ్రీరామ్ రాశారు. ఈ సాంగ్‌లో సుమారు వెయ్యి మందికి పైగా డ్యాన్సర్లు పాల్గొన్నారని తెలుస్తోంది. ఆంధ్రప్రదేశ్, ఒడిశా, కర్ణాటక, వెస్ట్ బెంగాల్, జార్ఖండ్ రాష్ట్రాలకు చెందిన జానపద కళాకారులు కూడా ఈ సాంగ్‌లో స్టెప్పులు వేశారు. ఈ సినిమాను క్రిస్మస్ సందర్భంగా తెలుగు, తమిళం, హిందీ భాషల్లో విడుదల చేయనున్నారు.