విష్ణుప్రియ భీమినేని బిగ్ బాస్ తెలుగు సీజన్ 8లో టాప్ సెలబ్రిటీల్లో ఒకరు. మిగతా కంటెస్టెంట్స్ తో పోల్చుకుంటే, ఆమెకు భారీ ఫేమ్, పాపులారిటీ ఉంది. ఈ సీజన్‌లో ఆమె హైయెస్ట్ రెమ్యూనరేషన్ తీసుకుంటుందట. అనధికారిక సమాచారం ప్రకారం, విష్ణుప్రియకు ప్రతి వారానికి రూ. 4 లక్షలు చెల్లిస్తున్నారని తెలుస్తోంది. టైటిల్ ఫేవరెట్స్ లో ఆమె పేరు ప్రముఖంగా వినిపిస్తుంది.
విష్ణుప్రియ భీమినేని కెరీర్: విష్ణుప్రియ యూట్యూబర్‌గా తన కెరీర్ ప్రారంభించింది. ఆమె కామెడీ వీడియోలు, షార్ట్ ఫిలిమ్స్ లో నటించి ప్రేక్షకులను ఆకట్టుకుంది. అయితే, ఈటీవీలో ప్రసారమైన పోవే పోరా షోలో యాంకర్‌గా ఫేమ్ తెచ్చుకుంది. ఆమె సుడిగాలి సుధీర్‌తో చేసిన సందడి ఈ యూత్‌ఫుల్ గేమ్ షోకు ప్రత్యేక ఆకర్షణగా నిలిచింది.
విష్ణుప్రియ-ప్రణాళికాబద్ధంగా టైటిల్ కోసం: బిగ్ బాస్ హౌస్‌లో అడుగుపెట్టిన విష్ణుప్రియ, ప్రణాళికాబద్ధంగా టైటిల్ కోసం కృషి చేస్తోంది. వారం పూర్తికాకముందే ప్రేమకథను ప్రారంభించి, శ్రద్ధగా ముందుకు సాగుతోంది. ఆమె నాగ మణికంఠతో సన్నిహితంగా ఉంటూ, తాజాగా పృథ్విరాజ్‌తో కూడా ప్రేమ ట్రాక్‌ను నడిపిస్తుంది.
ప్రణాళికగా ప్రేమ ట్రాక్: బిగ్ బాస్ షోలో ప్రేమ జంటలకు మంచి మైలేజ్ ఉంటుందన్న విషయం తెలిసిందే. సీజన్ 3లో రాహుల్ సిప్లిగంజ్-పునర్నవి భూపాళం లవ్ ట్రాక్ సూపర్ హిట్ అయింది. సీజన్ 4లో అఖిల్ సార్థక్-మోనాల్ గజ్జర్ ప్రేమకథ కూడా ప్రేక్షకులను ఆకట్టుకుంది. సీజన్ 5లో షణ్ముఖ్ జస్వంత్-సిరి హన్మంత్ స్నేహం ముసుగులో ప్రేమాయణం సాగించగా, సీజన్ 6లో ఇనాయ సుల్తానా-ఆర్జే సూర్య లవ్ ట్రాక్ హైలైట్ అయ్యింది.
విష్ణుప్రియ-పృథ్విరాజ్ లవ్ ట్రాక్: ప్రస్తుతం, విష్ణుప్రియ కూడా ఈ ట్రెండ్‌ను ఫాలో అవుతుందన్న టాక్ వినిపిస్తోంది. పృథ్విరాజ్‌తో లవ్ ట్రాక్ నడుస్తున్న విషయం చర్చకు దారి తీసింది. బిగ్ బాస్ హౌస్‌లో వీరిద్దరూ లవర్స్ గా అవతరిస్తారేమో చూడాలి.
