📌 Key Points
- టీజీఆర్జేసీ సెట్ 2026 నోటిఫికేషన్ విడుదల
- మార్చి 16 నుంచి ఆన్లైన్ దరఖాస్తులు ప్రారంభం
- ఏప్రిల్ 15 దరఖాస్తులకు చివరి తేదీ
- మే 3న ప్రవేశ పరీక్ష నిర్వహణ
తెలంగాణ గురుకుల విద్యాలయాల సంస్థ 2026-27 విద్యా సంవత్సరానికి గాను టీజీఆర్జేసీ సెట్ నోటిఫికేషన్ విడుదల చేసింది. రెసిడెన్షియల్ జూనియర్ కళాశాలల్లో ఇంటర్మీడియట్ ప్రవేశాలకు అర్హులైన విద్యార్థులు దరఖాస్తు చేసుకోవచ్చు.
టీజీఆర్జేసీ సెట్ 2026 నోటిఫికేషన్ వివరాలు
తెలంగాణ గురుకుల విద్యాలయాల సంస్థ నుంచి ఇంటర్ ప్రవేశాలకు నోటిఫికేషన్(TGRJC CET) జారీ అయింది. 2026-27 విద్యా సంవత్సరానికి గానూ రెసిడెన్షియల్ జూనియర్ కళాశాలల్లో ఇంటర్మీడియట్ ఫస్ట్ ఇయర్ కోర్సుల్లో ప్రవేశాలు కల్పిస్తారు. అర్హులైన విద్యార్థులు ఆన్ లైన్ ద్వారా దరఖాస్తు చేసుకోవాలి.
టీజీఆర్ జేసీ సెట్ ఆన్ లైన్ దరఖాస్తుల ప్రక్రియ మార్చి 16వ తేదీ నుంచి ప్రారంభమవుతుంది. అప్లికేషన్ ఫీజు కింద రూ. 200 చెల్లించాలి. ఏప్రిల్ 15వ తేదీతో దరఖాస్తుల గడువు ముగుస్తుంది. మే 3వ తేదీన ఎంట్రెన్స్ ఎగ్జామ్ నిర్వహిస్తారు.
ముఖ్యమైన తేదీలు: దరఖాస్తు, పరీక్ష
ఇంగ్లీషు మీడియంలో ఎంపీసీ, బైపీసీ , ఎంఈసీ గ్రూపులలో ప్రవేశం పొందాలనుకునే విద్యార్థుల కోసం ఈ ప్రవేశ పరీక్షను నిర్వహిస్తారు. సీటు పొందే విద్యార్థులకు హాస్టల్ సౌకర్యం ఉంటుంది.మార్చి 2026లో పదో తరగతి పరీక్షలకు హాజరైన విద్యార్థులు ఈ పరీక్షకు దరఖాస్తు చేసుకోవచ్చు.
ఎలా దరఖాస్తు చేసుకోవాలి?
ప్రవేశ పరీక్షలో సాధించిన ప్రతిభ (మెరిట్)తో పాటు రిజర్వేషన్ల ఆధారంగా విద్యార్థుల ఎంపిక జరుగుతుంది. అర్హత గల విద్యార్థులు వెబ్సైట్ http://tgrjc.cgg.gov.in/. ద్వారా ఆన్లైన్లో దరఖాస్తు చేసుకోవచ్చు. ఇతర వివరాల కోసం వెబ్సైట్లోని ఇన్ఫర్మేషన్ బులెటిన్ను చూడొచ్చు. 040-24734899 ఫోన్ నంబర్ను సంప్రదించి… వివరాలను తెలుసుకోవచ్చు.
టీజీఆర్జేసీ సెట్ ద్వారా ఇంటర్మీడియట్ విద్యను అభ్యసించాలనుకునే విద్యార్థులకు ఇది మంచి అవకాశం. కావున, అర్హులైన విద్యార్థులు వెంటనే దరఖాస్తు చేసుకోండి.
