మలయాళ సూపర్ స్టార్ మోహన్ లాల్ నటించిన ‘తుడరుమ్’ సినిమా బాక్సాఫీస్ను ఊపేసింది. అంచనాలకు మించి కలెక్షన్లు సాధించిన ఈ క్రైమ్ థ్రిల్లర్ ఓటీటీలో ఎలాంటి ప్రభావాన్ని చూపుతుందో చూడాలి.
Key Points
మోహన్ లాల్ నటించిన 'తుడరుమ్' సినిమా బాక్సాఫీస్ వద్ద అంచనాలకు మించి కలెక్షన్లు సాధించింది.
రూ. 232 కోట్లకు పైగా గ్రాస్ కలెక్షన్లతో సినిమా భారీ విజయం సాధించింది.
మే 29న జియో హాట్స్టార్లో ఐదు భాషల్లో స్ట్రీమింగ్ ప్రారంభం.
ఓటీటీలో కూడా 'తుడరుమ్' సినిమా సత్తా చాటే అవకాశాలు ఉన్నాయి.
తుడరుమ్: అంచనాలకు మించిన విజయం
మలయాళ సూపర్ స్టార్ మోహన్లాల్ హీరోగా నటించిన తుడరుమ్ చిత్రం సెన్సేషన్ క్రియేట్ చేసింది. బాక్సాఫీస్ వద్ద అంచనాలకు మించి కలెక్షన్లు సాధించింది. తుడరమ్ చిత్రం సుమారు రూ.30కోట్ల బడ్జెట్తో రూపొందిందని అంచనా. పెద్దగా హైప్ లేకుండానే ఈ క్రైమ్ థ్రిల్లర్ ఏప్రిల్ 25న రిలీజ్ అయింది. అయితే తుడరుమ్ చిత్రం అంచనాలను దాటేసి ఆరంభం భారీ కలెక్షన్లను రాబట్టింది. ఏకంగా రూ.232కోట్ల గ్రాస్ కలెక్షన్లకుపైగా దక్కించుకుంది.
తుడరుమ్ చిత్రం భారీ బ్లాక్బస్టర్ అయినా ఐదు వారాల్లోనే ఓటీటీలోకి వస్తోంది. మరోవైపు థియేట్రికల్ రన్ ఇంకా సాగుతున్నా స్ట్రీమింగ్కు అడుగుపెట్టనుంది. కాగా, ఓటీటీలో ఈ మూవీ ఎలా పర్ఫార్మ్ చేస్తుందనే ఆసక్తిగా ఉంది.
తుడరుమ్ చిత్రం మే 29వ తేదీన అంటే మరో రెండు రోజుల్లో జియోహాట్స్టార్ ఓటీటీలోకి స్ట్రీమింగ్కు రానుంది. మలయాళంతో పాటు తెలుగు, తమిళం, కన్నడ, హిందీలోనూ స్ట్రీమింగ్కు అడుగుపెట్టనుంది. థియేట్రికల్ రన్ ఇంకా ఉండటంతో జూన్ తొలివారానికి తుడరుమ్ స్ట్రీమింగ్ వాయిదా పడుతుందనే రూమర్లు వచ్చాయి. కానీ హాట్స్టార్ మాత్రం మే 29నే తుడరుమ్ మూవీని స్ట్రీమింగ్కు తీసుకురానుంది.
ఓటీటీ రిలీజ్ వివరాలు
తుడరుమ్ చిత్రానికి ఫుల్ క్రేజ్ ఉంది. చాలా పాజిటివ్ టాక్ నెలకొంది. అందులోనూ ఈ చిత్రం ఐదు భాషల్లో జియోహాట్స్టార్ ఓటీటీలో స్ట్రీమింగ్కు రానుంది. దీంతో స్ట్రీమింగ్లో ఈ మూవీ సత్తాచాటే అవకాశం ఉంది. ఉత్కంఠగా సాగే క్రైమ్ థ్రిల్లర్ కావడంతో ఈ మూవీకి భారీ వ్యూస్ దక్కడం ఖాయంగా కనిపిస్తోంది. ఈ మూవీని ఇప్పటి వరకు చూడని వారితో పాటు థియేటర్లలో చూసిన వారు కూడా ఓటీటీలో మరోసారి వీక్షించే ఛాన్స్ ఉంది. ఎందుకంటే ఈ మూవీకి రిపీట్ వాల్యూ కూడా ఎక్కువే.
మొత్తంగా తుడరుమ్ సినిమా స్ట్రీమింగ్లో భారీ వ్యూస్ దక్కించుకునే అవకాశాలు అధికం. బ్లాక్బస్టర్ థియేట్రికల్ రన్ తర్వాత వస్తుండటంతో క్రేజ్ మధ్య స్ట్రీమింగ్కు ఎంట్రీ ఇస్తోంది.
భారీ కలెక్షన్లతో సరికొత్త రికార్డు
తుడరుమ్ సినిమా ఓవరాల్గా ఇప్పటి వరకు ప్రపంచవ్యాప్తంగా రూ.232 కోట్ల గ్రాస్ కలెక్షన్లు సాధించింది. ఈ క్రమంలో ఓ చరిత్ర సృష్టించింది. కేరళలో రూ.100కోట్ల కలెక్షన్లు దక్కించుకున్న తొలి చిత్రంగా తుడరమ్ రికార్డు క్రియేట్ చేసింది. మోహన్లాల్ గత బ్లాక్బస్టర్ ఎంపురాన్ కూడా కేరళలో ఈ మార్క్ టచ్ చేయలేకపోయింది. తుడరమ్ మాత్రం ఆ స్టేట్లో సెంచరీ కొట్టి దుమ్మురేపింది. అంచనాలకు మించి కలెక్షన్లతో ఆశ్చర్యపరిచింది.
తుడరుమ్ చిత్రానికి తరుణ్ మూర్తి దర్శకత్వం వహించారు. ఓ మర్డర్ చుట్టూ ఈ క్రైమ్ థ్రిల్లర్ చిత్రం సాగుతుంది. ట్విస్టులతో పాటు ఎమోషన్ల కూడా ఈ చిత్రంలో బాగా వర్కౌట్ అయ్యాయి. దీంతో ప్రేక్షకులకు కనెక్ట్ అయింది. ఈ మూవీలో మోహన్లాల్ తో పాటు శోభన, బినూ పప్పు, ప్రకాశ్ వర్మ, థామస్ మాథ్యూ, ఫర్హాన్ పాజిల్, అమృత వర్షిణి కీలకపాత్రలు పోషించారు. ఈ మూవీని ఆశీర్వాద్ సినిమాస్, రాజపుత్ర విజువల్ మీడియా బ్యానర్లు ప్రొడ్యూజ్ చేశాయి. జేక్స్ బెజోయ్ మ్యూజిక్ ఇచ్చారు.
మొత్తంమీద, ‘తుడరుమ్’ సినిమా థియేటర్లలో సృష్టించిన సంచలనం ఓటీటీలో కొనసాగుతుందని ఆశించవచ్చు. ఐదు భాషల్లో విడుదల కావడం దీనికి మరింత బలాన్ని చేకూరుస్తుంది.
