📌 Key Points
- ఇజ్రాయెల్, మలేసియాలోనూ త్వరలో యూపీఐ సేవలు అందుబాటులోకి రానున్నాయి.
- ప్రస్తుతం 8 దేశాల్లో యూపీఐ సేవలు అందుబాటులో ఉన్నాయి.
- యూపీఐ సేవలు ప్రారంభించాక ఫ్రాన్స్కు భారతీయ పర్యాటకుల సంఖ్య 40% పెరిగింది.
- సింగపూర్లో భారతీయులు యూపీఐ ద్వారా స్వదేశానికి డబ్బులు పంపవచ్చు.
భారతదేశానికి చెందిన యూపీఐ సేవలు ఇప్పుడు ప్రపంచవ్యాప్తంగా విస్తరిస్తున్నాయి. ఇప్పటికే 8 దేశాల్లో సేవలు అందుబాటులో ఉండగా, త్వరలోనే మరిన్ని దేశాలకు విస్తరించే అవకాశం ఉంది. దీని గురించి మరిన్ని వివరాలు ఇప్పుడు తెలుసుకుందాం.
8 దేశాల్లో యూపీఐ సేవలు: ఒక విశ్లేషణ
– త్వరలోనే మలేసియాలోనూ అందుబాటులోకి
– తామూ చర్చలు జరుపుతున్నామన్న ఇజ్రాయెల్
– ఇన్స్టంట్, క్యాష్ లెస్ పేమెంట్స్కే పర్యాటకుల మొగ్గు
భారత ప్రధాని మోడీ ఇజ్రాయెల్ పర్యటనలో యూపీఐ అంశం కూడా చర్చనీయాంశమైంది. ఇజ్రాయెల్ ఫాస్ట్ పేమెంట్ వ్యవస్థతో యూపీఐని అనుసంధానం చేయడంపై ఇరుదేశాలు చర్చలు జరిపాయి. యూపీఐని ఇజ్రాయెల్ ప్రధాని నెతన్యాహు ఆకాశానికెత్తేశారు. దీంతో త్వరలోనే ఇజ్రాయెల్లో కూడా యూపీఐ సేవలు అందుబాటులోకి వచ్చే అవకాశం కనిపిస్తోంది. అయితే ఇప్పటికే 8 దేశాల్లో యూపీఐ సేవలు అందుబాటులో ఉన్నాయనే సంగతి చాలామందికి తెలియదు. ఇన్స్టంట్గా జరిగే ఈ క్యాష్లెస్ పేమెంట్స్ వల్ల కొన్ని దేశాల్లో భారతీయ పర్యాటకుల సంఖ్య గణనీయంగా పెరగడం గమనార్హం. ఈ సేవలు వినియోగించుకోవాలంటూ యూపీఐ ఇంటర్నేషనల్ సెటప్ చేసుకుంటే సరిపోతుంది.
ఎడారి దేశం యునైటెడ్ అరబ్ ఎమిరేట్స్లో ప్రయాణించే భారతీయులు పేటీయం యాప్తో యూపీఐ పేమెంట్స్ చేసుకోవచ్చు. ఫోన్పే యూజర్లయితే మాష్రెఖ్కు చెందిన నియోపే టర్మినల్స్లో కూడా యూపీఐ సేవలు ఉపయోగించుకోవచ్చు. భారతీయ రూపాయల్లోనే ట్రాన్సాక్షన్ జరుగుతుంది. మారకం విలువను యూడా యాప్స్ చూపిస్తాయి.
భారతీయ పర్యాటకులపై యూపీఐ ప్రభావం
భారత్ తర్వాత యూపీఐ సేవలను ఆరంభించిన తొలి దేశం భూటాన్. రూపే కార్డుల పేమెంట్ను కూడా స్వీకరించే ఈ దేశంలో 2021 నుంచి బీహెచ్ఐఎం ఎనేబుల్ చేసిన యూపీఐ క్యూఆర్ పేమెంట్స్ను కూడా అనుమతించారు. దీంతో భారతీయ పర్యాటకులు ఎలాంటి ఇబ్బంది లేకుండా పేటీయంతో యూపీఐ సేవలు వినియోగించుకోవచ్చు.
యూపీఐ సేవలు అనుమతించడంతో ఫ్రాన్స్కు భారతీయ పర్యటకుల సంఖ్య విపరీతంగా పెరిగింది. 2024లో ఈఫిల్ టవర్ వద్ద యూపీఐ సేవలు ప్రారంభించిన తర్వాత.. భారతీయ పర్యాటకుల సంఖ్య సుమారు 40 శాతం పెరిగిందని అధికారులు చెప్తున్నారు.
రెండేళ్ల క్రితమే 2024 మార్చి నెలలో నేపాల్లో యూపీఐ సేవలకు అనుమతి లభించింది. యూపీఐ ఇంటర్నేషనల్ ఎనేబుల్ చేసుకున్న వినియోగదారులు.. నేపాల్లో చాలా చోట్ల నేరుగా క్యూఆర్ కోడ్ స్కాన్ చేసి పేమెంట్స్ చేసుకోవచ్చు.
ద్వీపదేశం సింగపూర్లో కూడా 2024 జనవరి నుంచి యూపీఐ పేమెంట్స్ అందుబాటులోకి వచ్చాయి. భీమ్, పేటీయం, ఫోన్పే వంటి యాప్స్తో ఇక్కడ పేమెంట్స్ చేసుకోవచ్చు. సింగపూర్లో నివశించే భారతీయులు స్వదేశంలోని బంధువులకు డబ్బులు పంపేందుకు కూడా యూపీఐ సేవలను వినియోగించుకోవచ్చు.
త్వరలో ఇజ్రాయెల్, మలేసియాలో యూపీఐ
పొరుగు దేశం శ్రీలంకలో కూడా యూపీఐ సేవలు ఫుల్లుగా అందుబాటులో ఉన్నాయి. 2024 మే నుంచి అనుమతించిన ఈ సేవలతో లంకక్యూఆర్ను స్కాన్ చేసి నేరుగా పేమెంట్స్ చేయొచ్చు. భారత రూపాయిల్లోనే చెల్లింపులు జరుగుతాయి. అయితే కరెన్సీ మారకం విలువ కూడా యాప్లో కనపడుతుంది.
భారత టూరిస్టులు మారిషస్లో కూడా యూపీఐ పేమెంట్స్ చెయ్యొచ్చు. 2024 ఫిబ్రవరిలో ఆ దేశం యూపీఐ సేవలను అందుబాటులోకి తెచ్చింది. ఈ దేశంలో రూపే సేవలు కూడా విస్తరించారు. ఇప్పుడు ఆ దేశంలో తీసుకునే రూపే కార్డులను భారత్లో కూడా ఎలాంటి ఇబ్బందులు లేకుండా ఉపయోగించుకోవచ్చు.
ఎడారి దేశం ఖతర్లోని ప్రముఖ టూరిస్ట్ ప్లేసుల్లో, డ్యూటీ ఫ్రీ షాపుల్లో యూపీఐ సేవలు అందుబాటులో ఉన్నాయి. 2025 సెప్టెంబరులో యూపీఐ మాతృసంస్థ ఎన్పీసీఐ ఈ విషయాన్ని వెల్లడించింది. ఖతర్కు వెళ్లే అత్యధిక టూరిస్టులు వెళ్లే రెండో దేశం భారత్. యూపీఐ సేవల ద్వారా భారతీయ పర్యాటకులను ఆకర్షించడంతోపాటు, కరెన్సీ ఎక్స్చేంజ్ ఇబ్బందులను తొలగించేందుకు ఖతర్ ప్రభుత్వం ఈ నిర్ణయం తీసుకుంది.
మలేసియాలో కూడా అతిత్వరలో యూపీఐ పేమెంట్స్ను అందుబాటులోకి తెస్తామని గతేడాది అక్టోబరులో రేజర్పే ప్రకటించింది. అదే జరిగితే ఇష్టమొచ్చిన యూపీఐ యాప్ ద్వారా భారతీయ పర్యాటకులు నేరుగా పేమెంట్స్ చేసుకోవచ్చు.
యూపీఐ సేవలు అంతర్జాతీయంగా విస్తరిస్తుండటం భారతదేశానికి గర్వకారణం. ఇది దేశ ఆర్థికాభివృద్ధికి, పర్యాటకరంగ అభివృద్ధికి ఎంతగానో దోహదపడుతుంది.
