📌 Key Points
- వెంకటేష్ నటించిన దృశ్యం, దృశ్యం 2 బ్లాక్బస్టర్గా నిలిచాయి.
- దృశ్యం 3 తెలుగు వెర్షన్ ఆలస్యం కావడం అభిమానులను నిరాశకు గురిచేస్తోంది.
- ఇతర భాషల్లో దృశ్యం 3 విడుదల తేదీలు ఖరారయ్యాయి.
- వెంకటేష్ త్వరలో త్రివిక్రమ్, అనిల్ రావిపూడితో కలిసి పనిచేయనున్నారు.
విక్టరీ వెంకటేష్ నటించిన దృశ్యం సినిమాకు తెలుగులో మంచి ఆదరణ ఉంది. దృశ్యం 2 కూడా బ్లాక్బస్టర్గా నిలవడంతో దృశ్యం 3 కోసం అభిమానులు ఎదురుచూస్తున్నారు. కానీ, ఈ సినిమా విడుదలపై అనిశ్చితి నెలకొంది.
దృశ్యం సిరీస్కు తెలుగులో ఆదరణ
Victory Venkatesh: తెలుగు ప్రేక్షకులకు దృశ్యం సినిమా అంటే ప్రత్యేకమైన అభిమానం ఉంది. ముఖ్యంగా తెలుగు వెర్షన్లో వెంకటేష్ చేసిన నటనకు భారీ ప్రశంసలు వచ్చాయి. దృశ్యం పార్ట్ 1..పార్ట్ 2 రెండూ కూడా బ్లాక్బస్టర్ హిట్లుగా నిలిచాయి. అందుకే దృశ్యం 3 కోసం అభిమానులు ఎంతో ఆసక్తిగా ఎదురు చూస్తున్నారు. అయితే ఇప్పుడు ఈ సినిమాపై కొన్ని అనిశ్చితి వార్తలు వినిపిస్తున్నాయి.
ఇటీవలి నివేదికల ప్రకారం.. వెంకటేష్ ప్రస్తుతం దృశ్యం 3 తెలుగు వెర్షన్ నుంచి కొంతకాలం వెనక్కి తగ్గినట్లు టాక్ వినిపిస్తోంది. దీంతో ఈ సినిమా పూర్తిగా ఆగిపోయిందా? లేక కేవలం ఆలస్యం అవుతోందా? అనే సందేహాలు మొదలయ్యాయి. అసలు దృశ్యం సినిమా అన్ని భాషల్లోనూ ఒక బలమైన బ్రాండ్గా మారింది. మలయాళంలో ఈ చిత్రానికి మోహన్లాల్, హిందీలో అజయ్ దేవగన్ ప్రధాన పాత్రల్లో నటించారు. మూడు భాషల్లోనూ ఈ సినిమాలు ఘన విజయం సాధించాయి.
మలయాళ దృశ్యం 3 ఇప్పటికే అధికారికంగా ప్రకటించారు. ఈ సినిమా ఏప్రిల్ 2న థియేటర్లలో విడుదల కానుంది. అలాగే హిందీ వెర్షన్ అక్టోబర్ 2న ప్రేక్షకుల ముందుకు రానుంది. కానీ తెలుగు వెర్షన్ విషయంలో మాత్రం ఇప్పటివరకు ఎలాంటి అధికారిక ప్రకటన రాలేదు. ఇదే విషయం తెలుగు అభిమానులను నిరాశకు గురి చేస్తోంది.
దృశ్యం 3 ఆలస్యానికి కారణాలేంటి?
ఇంతకుముందు వెంకటేష్ స్వయంగా తన రాబోయే సినిమాల జాబితాలో దృశ్యం 3 ఉందని చెప్పారు. కానీ ప్రస్తుతం ఆయన త్రివిక్రమ్ శ్రీనివాస్ దర్శకత్వంలో ఏకే 47 సినిమా పనుల్లో బిజీగా ఉన్నారు. ఆ తర్వాత అనిల్ రావిపూడితో మరో సినిమా చేయనున్నారని సమాచారం. ఈ వరుస ప్రాజెక్టుల కారణంగానే దృశ్యం 3 ఆలస్యం అయ్యే అవకాశం ఉందని అభిమానులు భావిస్తున్నారు.
అయితే ఇంకా ఆశ పూర్తిగా పోయినట్లు కాదు. దృశ్యం 3కి ఎక్కువ షూటింగ్ రోజులు అవసరం ఉండవు. కావాలంటే వెంకటేష్ తన ఇతర సినిమాల మధ్యలో ఈ చిత్రాన్ని పూర్తి చేసే అవకాశం కూడా ఉంది. ప్రస్తుతం ఫైనలైజ్ కాలేదు. తెలుగు ప్రేక్షకులు మాత్రం అధికారిక ప్రకటన కోసం ఆసక్తిగా ఎదురుచూస్తున్నారు. దృశ్యం 3 తెలుగులో కొనసాగుతుందా లేదా అనేది త్వరలోనే తేలాల్సి ఉంది.
వెంకటేష్ తదుపరి చిత్రాల వివరాలు
ఇక వెంకటేష్ సినిమాల విషయానికి వస్తే సంక్రాంతికి వస్తున్నాం సినిమాతో ఏకంగా 300 కోట్ల క్లబ్లో చేరారు ఈ హీరో. ఇక ఈ సంక్రాంతికి కూడా చిరంజీవితో.. మన శంకర్ వరప్రసాద్ గారు సినిమాలో ఒక చిన్న కామియో రోల్ చేసి మెప్పించాడు. ఇక వెంకటేష్ తదుపరి సినిమా.. ఏమిటి అని తెలుగు ప్రేక్షకులు తెగ ఎదురుచూస్తున్నారు.
దృశ్యం 3 గురించి అధికారిక ప్రకటన కోసం అభిమానులు ఆసక్తిగా ఎదురుచూస్తున్నారు. వెంకటేష్ ఇతర ప్రాజెక్టులతో బిజీగా ఉండటం వలన సినిమా ఆలస్యం కావచ్చు. త్వరలోనే దీనిపై స్పష్టత వచ్చే అవకాశం ఉంది.
