📌 Key Points
- శ్రీ విష్ణు ‘విష్ణు విన్యాసం’ టీజర్ విడుదల తేదీ ఖరారు!
- ఫిబ్రవరి 18న సాయంత్రం 4:33 గంటలకు టీజర్ విడుదల కానుంది.
- నయన్ సారిక హీరోయిన్ గా నటిస్తున్న ఈ చిత్రం ఫిబ్రవరి 28న విడుదల.
- యూత్ ఫుల్ ఎంటర్టైనర్ ‘విష్ణు విన్యాసం’పై భారీ అంచనాలు!
శ్రీ విష్ణు హీరోగా నటిస్తున్న ‘విష్ణు విన్యాసం’ చిత్రం విడుదల తేదీ దగ్గర పడుతున్న వేళ, మేకర్స్ టీజర్ విడుదల తేదీని ప్రకటించి ప్రేక్షకుల్లో మరింత ఆసక్తిని పెంచారు. ఈ సినిమాతో శ్రీ విష్ణు మరో విజయాన్ని అందుకుంటాడని అభిమానులు ఆశిస్తున్నారు.
టీజర్ విడుదల తేదీ ఖరారు చేసిన మేకర్స్!
తెలుగు సినిమా పరిశ్రమలో తన టాలెంట్తో ఒక్కో అవకాశాన్ని అందిపుచ్చుకుంటూ మంచి స్థాయికి చేరిన నటులలో శ్రీ విష్ణు ఒకరు. ఈయన నటుడిగా చాలా కాలం క్రితమే ప్రయాణాన్ని మొదలుపెట్టాడు. శ్రీ విష్ణు కొత్తలో చాలా సినిమాల్లో చిన్న చిన్న పాత్రల్లో నటించి తన నటనను ప్రూవ్ చేసుకున్నాడు. ఆ తర్వాత సినిమాల్లో హీరోగా అవకాశాలను అందిపుచ్చుకున్నాడు. ప్రస్తుతం ఈయన వరుస పెట్టి హీరోగా నటిస్తూ వస్తున్నాడు. ఈయన నటించిన సినిమాల్లో చాలా మూవీలు మంచి సక్సెస్లను సొంతం చేసుకున్నాయి. దానితో హీరోగా ఈ టాలెంటెడ్ నటుడికి ఒక ప్రత్యేక గుర్తింపు ఏర్పడింది. ఆఖరుగా శ్రీ విష్ణు ‘స్వాగ్’ అనే చిత్రంలో హీరోగా నటించాడు. మంచి అంచనాల నడుమ విడుదల అయిన ఈ చిత్రం పెద్దగా ప్రేక్షకులను ఆకట్టుకోలేదు.
తాజాగా శ్రీ విష్ణు ‘విష్ణు విన్యాసం’ అనే చిత్రంలో హీరోగా నటించాడు. నయన్ సారిక ఈ ఎంటర్టైనర్లో కథానాయికగా నటించింది. సత్య, మురళీ శర్మ, బ్రహ్మాజీ, శ్రీకాంత్ అయ్యంగార్, శ్రీనివాసరెడ్డి ఈ సినిమాలో ముఖ్య పాత్రల్లో నటించగా యదునాద్ మారుతి రావు దర్శకత్వం వహించాడు. సుమంత్ నాయుడు నిర్మించిన ఈ చిత్రానికి రధన్ సంగీతం అందించాడు. ఈ యూత్ ఫుల్ పిక్చర్ను ఫిబ్రవరి 28వ తేదీన విడుదల చేయనున్నట్లు మేకర్స్ ఇప్పటికే ప్రకటించారు. తాజాగా ఈ మూవీ యూనిట్ ఈ సినిమా టీజర్ విడుదల తేదీని ప్రకటించింది. ఫిబ్రవరి 18వ తేదీన సాయంత్రం 4:33 నిమిషాలకు ఈ చిత్ర టీజర్ను విడుదల చేయనున్నట్లు ప్రకటించారు. మరి ఈ సినిమా టీజర్ ప్రేక్షకులను ఏ స్థాయిలో ఆకట్టుకుంటుందో చూడాలి. విష్ణు విన్యాసం టీజర్ ప్రేక్షకులను ఆకట్టుకున్నట్లయితే ఈ సినిమాపై అంచనాలు భారీగా పెరిగే అవకాశం ఉంది.
ఫిబ్రవరి 28న థియేటర్లలో విడుదల
శ్రీ విష్ణు కెరీర్ లో మరో సూపర్ హిట్!
విష్ణు విన్యాసం టీజర్ కోసం ఎదురుచూస్తున్న అభిమానులకు ఇది నిజంగా ఒక పండుగలాంటి వార్త. మరిన్ని అప్డేట్స్ కోసం చూస్తూ ఉండండి.
