హృతిక్ రోషన్ మరియు జూనియర్ ఎన్టీఆర్ నటించిన వార్ 2 బాక్స్ ఆఫీస్ వద్ద దూసుకుపోతోంది. మూడు రోజుల్లో భారీ కలెక్షన్స్ సాధించి, సల్మాన్ ఖాన్ సినిమా లైఫ్ టైమ్ కలెక్షన్స్ ను దాటింది. ఈ సినిమా విజయం గురించి తెలుసుకుందాం.
Key Points
వార్ 2 మూడు రోజుల్లో భారతదేశంలో రూ. 142.35 కోట్ల నెట్ కలెక్షన్స్ సాధించింది.
మూడో రోజు కలెక్షన్స్లో 42% క్షీణత నమోదైంది.
సల్మాన్ ఖాన్ తాజా చిత్రం కంటే వార్ 2 ఎక్కువ కలెక్షన్స్ సాధించింది.
తెలుగు రాష్ట్రాల్లో మూడు రోజుల్లో రూ. 35 కోట్లకు పైగా కలెక్షన్స్ వసూలు.
వార్ 2 బాక్స్ ఆఫీస్ వసూళ్లు
వార్ 2 బాక్సాఫీస్ కలెక్షన్ డే 3: హృతిక్ రోషన్, జూనియర్ ఎన్టీఆర్ కలిసి నటించిన స్పై యాక్షన్ చిత్రం వార్ 2 ఆకట్టుకునే కలెక్షన్స్తో దూసుకుపోతోంది. ఆగస్ట్ అయాన్ ముఖర్జీ దర్శకత్వం వహించిన వార్ 2 ఆగస్ట్ 14న విడుదలైన మొదటి మూడు రోజులు మంచి ప్రదర్శన ఇచ్చింది.
మొదటి రోజు తనతోపాటు థియేటర్లలో విడుదలైన కూలీ మూవీ కంటే తక్కువ కలెక్షన్స్ రాబట్టిన వార్ 2 రెండో రోజు మాత్రం ఎక్కువ వసూళ్లు సాధించింది. ట్రేడ్ ఇండస్ట్రీ ట్రాకర్ సక్నిల్క్ ప్రకారం వార్ 2 ఆగస్టు 16 శనివారం అంటే మూడో రోజున భారతదేశంలో బాక్సాఫీస్ వద్ద రూ. 33.25 కోట్ల నెట్ కలెక్షన్స్ వసూలు చేసింది.
మూడో రోజు కలెక్షన్స్ పడిపోవడం
అయితే, ఇది శుక్రవారం అయిన రెండో రోజుతో పోలిస్తే 42 శాతం క్షీణించింది. అంటే, 42 శాతం మేర వార్ 2 కలెక్షన్స్ మూడో రోజు పడిపోయాయి. ఇక మూడు రోజుల్లో ఇండియాలో వార్ 2 సినిమా రూ. 142.35 కోట్ల నెట్ కలెక్షన్స్ రాబట్టింది. అంటే, సుమారుగా రూ. 150 కోట్ల (నెట్ కలెక్షన్స్లో) క్లబ్ వైపు దిశగా వార్ 2 నడుస్తోంది.
అయితే, కలెక్షన్స్ పడిపోయినప్పటికీ బాలీవుడ్ కండల వీరుడు సల్మాన్ ఖాన్ సినిమా లైఫ్ టైమ్ కలెక్షన్స్ను వార్ 2 బీట్ చేసేసినట్లు బాలీవుడ్ మీడియా పేర్కొంది. ఇండియాలో సల్మాన్ ఖాన్ రీసెంట్ డిజాస్టర్ మూవీ సికందర్ రూ. 110 కోట్ల నెట్ కలెక్షన్స్ మాత్రమే రాబట్టింది. తాజాగా మూడు రోజుల్లో 142 కోట్లతో సికందర్ మూవీ కలెక్షన్స్ను అవుట్ చేసేసింది ఎన్టీఆర్ మూవీ వార్ 2.
సల్మాన్ ఖాన్ సినిమాతో పోలిక
ఇక తెలుగు రాష్ట్రాల్లో వార్ 2 సినిమా మూడు రోజుల్లో రూ. 35 కోట్లకు పైగా కలెక్షన్స్ వసూలు చేసినట్లు సమాచారం. కాగా, ఈ వీకెండ్ పూర్తయ్యేసరికి వార్ 2 సినిమా రూ. 200 కోట్ల నెట్ కలెక్షన్స్ అందుకునే అవకాశం కనిపిస్తోంది.
కాగా, 2019లో వచ్చిన వార్ సినిమాకు సీక్వెల్గా వార్ 2 తెరకెక్కిన విషయం తెలిసిందే. అయాన్ ముఖర్జీ దర్శకత్వం వహించిన ఈ సినిమాలో కియారా అద్వానీ హీరోయిన్గా గ్లామర్ ట్రీట్ పంచింది. యశ్ రాజ్ ఫిలింస్ బ్యానర్పై నిర్మించిన వార్ 2 సినిమాకు రూ. 300 నుంచి 400 కోట్ల బడ్జెట్ అయినట్లు సమాచారం.
మొత్తంమీద, వార్ 2 మూడు రోజుల్లో అద్భుతమైన ప్రదర్శన ఇచ్చింది. సల్మాన్ ఖాన్ సినిమాను మించిపోవడం విశేషం. వీకెండ్ చివరి నాటికి రూ. 200 కోట్ల కలెక్షన్స్ చేరుకునే అవకాశం ఉంది.
