📌 Key Points
- నితిన్ కెరీర్ ఆరంభంలో జయం, దిల్ వంటి హిట్లు అందుకున్నాడు.
- సరైన కథలు ఎంచుకోకపోవడం వల్ల నితిన్ ఆశించిన స్థాయికి చేరుకోలేకపోయాడు.
- ఇష్క్ సినిమా నితిన్ కెరీర్కు కొత్త ఊపిరి పోసింది, కానీ ఆ తర్వాత అదే తరహా పాత్రలు చేశాడు.
- నితిన్లో వేరియేషన్ తక్కువగా ఉండటం వల్ల టైప్కాస్ట్ అయ్యాడు.
నితిన్ టాలీవుడ్లో మంచి గుర్తింపు ఉన్న హీరో. అయితే, ఆశించిన స్థాయిలో స్టార్ హీరో కాలేకపోయాడు. దీనికి గల కారణాలను విశ్లేషిస్తూ, ఆయన కెరీర్లోని ముఖ్యమైన విషయాలను ఇప్పుడు తెలుసుకుందాం.
నితిన్ కెరీర్ ఆరంభం మరియు హిట్లు
Nithiin Career: కొద్దిరోజుల క్రితం నిర్మాత దిల్ రాజు కొన్ని మాటలు అన్నారు…అదేమిటంటే నితిన్ తో చేసిన ఇంటర్వ్యూలో.. నువ్వు కూడా అల్లు అర్జున్ అంత స్టార్ హీరో అవుతావు అనుకున్నా కానీ అవ్వలేకపోయావు అని డైరెక్ట్ గా మొహం పైనే చెప్పారు. అప్పటినుంచి చాలామందిలో నిజమే కదా నితిన్ ఎందుకు స్టార్ హీరో కాలేకపోయారు అనే అనుమానం వచ్చింది.. మరి వీధికి కదా కారణాలు ఒకసారి చూద్దాం.
నితిన్ టాలీవుడ్లో మంచి గుర్తింపు ఉన్న హీరో. జయం, దిల్ లాంటి సినిమాలతో కెరీర్ ప్రారంభంలోనే మంచి హిట్లు అందుకున్నాడు. అప్పట్లో చాలా మంది ఆయనను ఫ్యూచర్ స్టార్గా చూశారు. కానీ ఆ తర్వాత ఆయన కెరీర్ ఆశించిన విధంగా ముందుకు సాగలేదు. దీనికి ప్రధాన కారణం ఆయన ఎంచుకున్న సినిమాలే అని ఎంతో మంది అభిప్రాయం.
కెరీర్ ప్రారంభంలో వరుసగా హిట్లు వచ్చినా.. ఆ తర్వాత నితిన్ చేసిన సినిమాల్లో స్పష్టత లేకపోయింది. మంచి కథలతో పాటు బలమైన పాత్రలు ఎంచుకోలేకపోయాడు. కొన్ని సినిమాల్లో ఆయన నటన బాగున్నా..సినిమా కథలు అసలు ఆకట్టుకునేలా లేకపోవడం వల్ల ఫ్లాపులు వచ్చాయి. ముఖ్యంగా సై సినిమా హిట్ అయినా..ఆ విజయం దర్శకుడికే ఎక్కువగా వెళ్లింది.
సక్సెస్ కాకపోవడానికి కారణాలు
2004 తర్వాత చాలా ఏళ్ల పాటు నితిన్కు సరైన హిట్ లేదు. వరుసగా ఫ్లాపులు వచ్చాయి. ఇలాంటి పరిస్థితిలో 2012లో వచ్చిన ఇష్క్ సినిమా ఆయన కెరీర్కు కొత్త ఊపునిచ్చింది. ఈ సినిమా ద్వారా నితిన్ మళ్లీ ప్రేక్షకులకు దగ్గరయ్యాడు. మంచి కథ, పాటలు, కామెడీ, లుక్ అన్నీ కలిసి ఈ సినిమాను పెద్ద హిట్ చేశాయి.
కానీ ఇష్క్ తర్వాత కూడా నితిన్ అదే తరహా పాత్రలు చేస్తూ వచ్చాడు. ఒకే రకమైన లవర్ బాయ్ క్యారెక్టర్లు ఎక్కువయ్యాయి. దీంతో ప్రేక్షకులకు కొత్తదనం అనిపించలేదు. కొన్ని సినిమాలు హిట్ అయినా..అవి నితిన్ కెరీర్ను మరో స్థాయికి తీసుకెళ్లలేకపోయాయి.
ఇంకొక ముఖ్యమైన విషయం ఏమిటంటే..నితిన్లో వేరియేషన్ కొంచెం తక్కువగా కనిపిస్తుంది. ఒక హీరో సినిమా నుంచి సినిమాకు మారుతూ కొత్త పాత్రలు చేయాలి. కానీ నితిన్ అదే ఇమేజ్లో ఎక్కువ సినిమాలు చేయడం వల్ల టైప్కాస్ట్ అయ్యాడు. దీనివల్ల అభిమానుల సంఖ్య కూడా పరిమితంగానే ఉండిపోయింది.
నితిన్ భవిష్యత్తు అవకాశాలు
అయితే నితిన్లో మంచి కామెడీ టైమింగ్ ఉంది. భీష్మ లాంటి సినిమాల్లో అది స్పష్టంగా కనిపిస్తుంది. సరైన కథలు, కొత్త పాత్రలు ఎంచుకుంటే నితిన్ ఇంకా మంచి విజయాలు సాధించగలడు. ప్రేక్షకులు కూడా ఆయన నుంచి అదే ఆశిస్తున్నారు. సరైన స్క్రిప్ట్ ఎంపికే నితిన్ కెరీర్కు కీలకం.
నితిన్ కామెడీ టైమింగ్, నటన బాగున్నాయి. సరైన కథలు ఎంచుకుంటే మంచి విజయాలు సాధించగలడు. ప్రేక్షకులు కూడా ఆయన నుంచి మంచి పాత్రలను ఆశిస్తున్నారు.
