బాలీవుడ్లో ఓ సినిమా కేవలం రూ. 15 కోట్లతో నిర్మితమై ప్రపంచవ్యాప్తంగా రూ. 876 కోట్లు వసూలు చేసి బ్లాక్బస్టర్ హిట్గా నిలిచింది. అదే ‘సీక్రెట్ సూపర్స్టార్’ మూవీ. ఆమిర్ ఖాన్ ప్రత్యేక పాత్రలో నటించిన ఈ చిత్రం విశేషాలను ఇప్పుడు చూద్దాం.
Key Points
రూ. 15 కోట్ల బడ్జెట్తో నిర్మించిన 'సీక్రెట్ సూపర్స్టార్' ప్రపంచవ్యాప్తంగా రూ. 876 కోట్లు వసూలు చేసింది.
అద్వైత్ చందన్ దర్శకత్వంలో, జైరా వాసిం హీరోయిన్గా ఆమిర్ ఖాన్ ప్రత్యేక పాత్రలో నటించారు.
ఓవర్సీస్ కలెక్షన్లు కీలకపాత్ర పోషించగా, చైనాలో రూ. 327 కోట్లకు పైగా వసూలయ్యాయి.
గాయని కావాలనుకునే టీనేజర్ కలలను సాధించే కథాంశం, అద్భుత నటనతో ప్రశంసలు అందుకుంది.
సీక్రెట్ సూపర్స్టార్: కథ, నటీనటులు
బాలీవుడ్లో అతి తక్కువ బడ్జెట్తో నిర్మించిన ఈ చిత్రం ప్రపంచవ్యాప్తంగా బ్లాక్బస్టర్ అవ్వడమే కాదు.. బాక్సాఫీస్ దగ్గర కమర్షియల్గా సక్సెస్ సాధించింది. కేవలం రూ. 15 కోట్లతో నిర్మించిన ఈ సినిమా ప్రపంచవ్యాప్తంగా రూ. 876 కోట్లను వసూలు చేసింది. మరి ఆ చిత్రం ఏంటని ఆలోచిస్తున్నారా.? అదేనండీ.! ‘సీక్రెట్ సూపర్స్టార్’.
ఈ మూవీను అద్వైత్ చందన్ దర్శకత్వం వహించారు. జైరా వాసిమ్ హీరోయిన్గా పరిచయమైంది. మిస్టర్ పెర్ఫెక్షనిస్ట్ అమీర్ ఖాన్ ప్రత్యేక పాత్రలో నటించాడు. గాయని కావాలని కోరుకునే సంప్రదాయ కుటుంబానికి చెందిన ఒక టీనేజర్ చుట్టూ తిరిగే కథ ఇది. తన ఫేస్ రివీల్ చేయకుండా హీరోయిన్.. ఈ సినిమాలో బురఖా ధరించి ఆన్లైన్లో సింగింగ్ వీడియోలను అప్లోడ్ చేస్తుంది. క్రమంగా సంచలనం అవుతుంది.
బాక్సాఫీస్ వద్ద భారీ వసూళ్లు
ఈ సినిమాను దాదాపు రూ. 15 కోట్ల బడ్జెట్ తో నిర్మించారు. అయినప్పటికీ ప్రపంచవ్యాప్తంగా రూ. 876 కోట్లు వసూలు చేసింది. దీనికి ముఖ్య కారణం ఓవర్సీస్ కలెక్షన్లే. భారతదేశంలోనే ఇది దాదాపు రూ. 63 కోట్లు వసూలు చేసింది.
ఈ సినిమాకు చైనాలో రూ. 327 కోట్లు దాటి కలెక్షన్లు రాగా.. ఇది ఓవర్సీస్లో అత్యధిక వసూళ్లు చేసిన భారతీయ చిత్రాలలో ఒకటిగా నిలిచింది. ఇక ఇందులో హీరోయిన్ తండ్రిగా రాజ్ అర్జున్, ఆమె తల్లిగా మెహర్ విజ్ నటించారు.
విమర్శకుల ప్రశంసలు, సందేశం
‘సీక్రెట్ సూపర్ స్టార్’ ఓ బెస్ట్ సినిమా అని చెప్పొచ్చు. హీరోయిన్ అద్భుత నటన, సమాజానికి సంబంధించి ఓ మెసేజ్ ఉండటంతో విమర్శకుల ప్రశంసలు అందుకుంది. నాలుగు గోడలే తన ప్రపంచంగా ఎదిగిన ఓ యువతి.. చివరికి తన కలలను ఎలా సాధించింది అనేది కథాంశం కాగా.. ప్రధాన పాత్రలో నటించిన జైరా వసీం తన నటనను ప్రేక్షకులను ఆకట్టుకుంది.
‘సీక్రెట్ సూపర్స్టార్’ కేవలం వాణిజ్యపరంగానే కాకుండా, స్ఫూర్తిదాయకమైన కథాంశంతో విమర్శకుల ప్రశంసలు అందుకుంది. తక్కువ బడ్జెట్లోనూ అద్భుత విజయం సాధించవచ్చని ఈ చిత్రం నిరూపించింది.
