సినీ రంగంలో అడుగుపెట్టినప్పటి నుండి శ్రీలీల కెరీర్ ఎంతో ఆసక్తికరంగా సాగింది. ఆమె 12 చిత్రాల్లో నటించినా కేవలం రెండే హిట్స్ అయ్యాయి. అయినప్పటికీ, ఈ టాలెంటెడ్ హీరోయిన్ క్రేజ్ ఏమాత్రం తగ్గలేదు. బాలీవుడ్లోనూ అవకాశాలు దక్కించుకొని, ఇప్పుడు టాలీవుడ్, బాలీవుడ్ చిత్రాలతో బిజీగా ఉంది. ఆమె ప్రస్థానంపై ఒక లుక్.
Key Points
శ్రీలీల చైల్డ్ ఆర్టిస్టుగా సినీ రంగ ప్రవేశం చేసి, 'పెళ్లి సందD'తో హీరోయిన్గా పరిచయం.
12 చిత్రాల్లో నటించినప్పటికీ 'ధమాకా' మాత్రమే సూపర్ హిట్, మిగిలినవి నిరాశపరిచాయి.
బాలీవుడ్లో 'ఆషికీ' సీక్వెల్తో పాటు పవన్ కళ్యాణ్ 'ఉస్తాద్ భగత్ సింగ్'లో నటిస్తోంది.
కార్తీక్ ఆర్యన్తో ప్రేమాయణం రూమర్స్, ఆమె భవిష్యత్ కెరీర్పై సినీ విశ్లేషకుల అంచనాలు.
శ్రీలీల సినీ ప్రస్థానం: బాల్యం నుండి స్టార్డమ్ వరకు
ఈ అమ్మడు చైల్డ్ ఆర్టిస్టుగా సినీ ఇండస్ట్రీలోకి అడుగుపెట్టింది. 2017లో ‘చిత్రాంగద’ అనే చిత్రం ద్వారా అరంగేట్రం చేసింది. ఆ సినిమా బాక్సాఫీస్ దగ్గర పెద్దగా ఆడకపోయినా.. సరిగ్గా రెండేళ్ళ తర్వాత హీరోయిన్గా డెబ్యూ అయింది ఈ చిన్నది. ముద్దుగుమ్మ తెలుగమ్మాయ్.. కానీ కెరీర్ కన్నడ ఇండస్ట్రీలో నుంచి స్టార్ట్ అయింది. ఆ తర్వాత తెలుగులో వరుస చిత్రాల్లో నటించి స్టార్ హీరోయిన్ గా మారింది. ఇప్పటికీ ఆమె ఎవరో అర్ధమై ఉంటుంది.. అదేనండీ.! శ్రీలీల
2021లో ‘పెళ్లి సందD’ సినిమాతో తెలుగులోకి హీరోయిన్ గా పరిచయమైంది శ్రీలీల. ఈ సినిమాకు దర్శకత్వం కె. రాఘవేంద్రరావు వ్యవహరించారు. బాక్సాఫీస్ దగ్గర మూవీ కమర్షియల్గా సక్సెస్ కాలేకపోయినా.. ఆ తర్వాత వరుసపెట్టి శ్రీలీలకు ఆఫర్స్ వచ్చిపడ్డాయి. ఆపై శ్రీలీల నటించిన ‘ధమాకా’ చిత్రం సూపర్ హిట్ అయింది.
విజయాలు, అపజయాలు: అయినా తగ్గని క్రేజ్
హీరోయిన్గా శ్రీలీల ఇప్పటివరకు సుమారు 12 చిత్రాల్లో నటించింది. అయితే బాక్సాఫీస్ దగ్గర హిట్ అయినవి మాత్రం కేవలం రెండు. ‘స్కంద’, ‘ఆదికేశవ’, ‘ఎక్స్ట్రా ఆర్డినరీ మ్యాన్’, ‘రాబిన్ హుడ్’, ‘జూనియర్’.. ఇలా వరుస సినిమాలు బాక్సాఫీస్ దగ్గర బోల్తా కొట్టాయి. కానీ అమ్మడి క్రేజ్ మాత్రం తగ్గలేదు. ఏకంగా బాలీవుడ్లోనూ ఛాన్స్ దక్కించుకుంది.
సూపర్ హిట్ అయిన అషికీ సీక్వెల్లో శ్రీలీల హీరోయిన్గా నటిస్తోంది. ఈ సినిమాను అనురాగ్ బసు దర్శకత్వం వహిస్తుండగా.. కార్తీక్ ఆర్యన్ హీరోగా నటిస్తున్నాడు. ఇక ఈ మూవీతోనే అటు కార్తీక్ ఆర్యన్, ఇటు శ్రీలీల మధ్య లవ్ ట్రాక్ నడుస్తోందని రూమర్స్ వస్తున్నాయి.
బాలీవుడ్ ప్రవేశం & భవిష్యత్ ప్రాజెక్ట్స్
ప్రస్తుతం హీరోయిన్ శ్రీలీల ఖాతాలో నాలుగు చిత్రాలు ఉన్నాయి. అందులో ఒక తమిళం, ఒక హిందీ చిత్రం కాగా.. ఇక తెలుగులో రవితేజతో ‘మాస్ జాతర’, పవన్ కళ్యాణ్తో ‘ఉస్తాద్ భగత్ సింగ్’ చిత్రాల్లో చేస్తోంది. ఈ రెండింటిలో ఒకటి హిట్ అయినా.. మళ్లీ శ్రీలీల తిరిగి ఫామ్లోకి రావడం పక్కా అని సినీ విశ్లేషకులు అభిప్రాయపడుతున్నారు.
మొత్తంగా, శ్రీలీల కెరీర్లో ఒడిదుడుకులున్నా, ఆమె క్రేజ్ మాత్రం చెక్కుచెదరలేదు. రాబోయే పవన్ కళ్యాణ్ వంటి భారీ చిత్రాలు ఆమెను తిరిగి ఫామ్లోకి తీసుకువస్తాయని సినీ విశ్లేషకులు ఆశిస్తున్నారు. ఆమె భవిష్యత్ ప్రయాణం ఆసక్తికరంగా మారింది.
