ప్రముఖ నటి ఆయేషా ఖాన్ తన చిన్ననాటి చేదు అనుభవాన్ని పంచుకుంది. కేవలం 9 ఏళ్ల వయసులోనే నాన్న స్నేహితుడి ద్వారా లైంగిక వేధింపులకు గురయ్యానని వెల్లడించింది. ఈ సంఘటన ఇప్పటికీ వెంటాడుతుందని ఆవేదన వ్యక్తం చేసింది. ఆమె ఎదుగుదల, సినీ ప్రస్థానం గురించి ఈ కథనంలో వివరంగా చూద్దాం.
Key Points
నటి ఆయేషా ఖాన్ చిన్నతనంలో లైంగిక వేధింపులకు గురయ్యారు.
తొమ్మిదేళ్ల వయసులో నాన్న స్నేహితుడు వేధించాడని వెల్లడి.
హిందీ బిగ్ బాస్ 17 తో ఆయేషా ఖాన్ కు మంచి గుర్తింపు.
టాలీవుడ్లో 'ముఖచిత్రం', 'గ్యాంగ్స్ ఆఫ్ గోదావరి' సినిమాల్లో నటించింది.
ఆయేషా ఖాన్ బాల్య వేధింపులు
సామాన్యులకే కాదు సెలెబ్రెటీలకు కూడా లైంగిక వేధింపులు తప్పడం లేదు . ఇప్పుడు స్టార్ హీరోయిన్లుగా రాణిస్తున్నవారిలో చాలా మంది ఒకప్పుడు లైంగిక వేధింపులకు గురైనవారే ఉన్నారు . కొంతమందికి ఇండస్ట్రీ నుంచి ఎదురైతే .. మరికొంతమందికి బయట నుంచే ఇలాంటి వేధింపులు వస్తుంటాయి . వాటిని ధైర్యంగా ఎదుర్కొని ఉండడం వల్లే ఇప్పుడు ఉన్నత స్థానంలో కొనసాగుతున్నారు . హీరోయిన్ అయేషా ఖాన్ (Ayesha Khan) కూడా చిన్నప్పుడే లైంగిక వేధింపులకు గురైయ్యారట . బాబాయ్ లాంటివాడే తనతో అసభ్యకరంగా మాట్లాడి హింసించాడట . ఇప్పటికే ఆ సంఘటన గుర్తుకు వస్తే .. కళ్ల వెంట నీళ్లు ఆగవని ఓ ఇంటర్వ్యూలో చెప్పింది ఆయేషా .
ముంబైకి చెందిన ఈ బ్యూటీ .. బుల్లితెర నటిగా ఎంట్రీ ఇచ్చి .. ఇప్పుడు వెండితెరపై రాణిస్తుంది . కసాటి జిందగీ కే అనే సీరియల్ లో ఆమె ఓ చిన్న పాత్ర పోషించింది . కానీ ఆశించిన స్థాయిలో గుర్తింపు అయితే రాలేదు . హిందీ బిగ్ బాస్ షో ఆమెను పాపులర్ చేసింది . సీజన్ 17 లో పాల్గొన్న ఆమె ..11 వారాల పాటు హౌస్ లో ఉండి తనదైన ఆటతీరుతో అందరిని ఆకట్టుకుంది . ఆ తర్వాత వరుస అవకాశాలు వచ్చాయి . ముఖచిత్రం సినిమాతో టాలీవుడ్ ఎంట్రీ ఇచ్చింది . ఆ తర్వాత గ్యాంగ్స్ ఆఫ్ గోదావరిలో విశ్వక్ సేన్ సరసన నటించి , మెప్పించింది . ఓ భీమ్ బుష్ సినిమాతో మంచి గుర్తింపు సంపాదించుకుంది . ప్రస్తుతం బెంగాలీతో పాటు పలు హిందీ చిత్రాల్లోనూ నటిస్తోంది .
బిగ్ బాస్ నుండి టాలీవుడ్కు
సోషల్ మీడియాలో యాక్టివ్ గా ఉండే ఆయేషా .. ఎప్పటికప్పడు తన సినిమా అప్ డేట్స్ తో పాటు హాట్ ఫోటోలను షేర్ చేస్తూ తన ఫాలోవర్స్ ని అలరిస్తోంది . కొన్నాళ్ల క్రితం ఆమె ఓ చానల్ కి ఇచ్చిన ఇంటర్వ్యూలో చిన్నప్పుడు ఎదుర్కొన్న లైంగిక వేధింపుల గురించి చెప్పుకొచ్చింది .
నాన్న స్నేహితుడితో చేదు అనుభవం
‘ ఒకప్పుడు మాది చాలా పేద కుటుంబం . తినడానికి తిండి కూడా సరిగా ఉండేది కాదు . చిన్న వయసులోనే లైగింక వేధింపులు ఎదుర్కొనాల్సి వచ్చింది . ఓసారి రోడ్డుపై ఇలా నడుచుకుంటూ వెళ్తుంటే .. మా నాన్న స్నేహితుడు ఒకరు పిలిచారు . నేను ఆయనను బాబాయ్ అని పిలిచేదాన్ని . నా దగ్గరకు వచ్చి ప్రైవేట్ పార్ట్స్ గురించి అసభ్యకరంగా మాట్లాడాడు . బాబాయ్ లాంటివాడు అలా మాట్లాడేసరికి షాకయ్యారు . ఆ వెంటనే మళ్లీ నావైపుగా వచ్చి అసభ్యకరమైన సంజ్ఞలు చేశాడు . అప్పుడు నా వయసు 9 ఏళ్లు మాత్రమే . ఆయన ఎందుకు అలా అన్నాడో , ఏం చేయాలో తెలియదు . ఇంటికి వెళ్లి ఏడ్చేశా . ఇప్పటికీ ఆ సంఘటన గుర్తుకు వస్తే .. కళ్లల్లోనుంచి నీళ్లు వచ్చేస్తాయి ’ అని ఆయేషా ఎమోషనల్ అయింది . ప్రస్తుతం ఆమె వ్యాఖ్యలు సోషల్ మీడియాలో వైరల్ అవుతున్నాయి.
లైంగిక వేధింపులకు గురైనప్పటికీ, వాటిని ధైర్యంగా ఎదుర్కొని ఆయేషా ఖాన్ ఇప్పుడు స్టార్ హీరోయిన్గా కొనసాగుతున్నారు. తన వ్యక్తిగత జీవితాన్ని పంచుకోవడంలో ఆమె చూపిన ధైర్యం ప్రశంసనీయం. ఈ కథనం ఆమె స్ఫూర్తిదాయక ప్రయాణాన్ని తెలియజేస్తుంది.
