📌 Key Points
- అదా శర్మ కొత్త సినిమా: ‘సూపర్ వెల్లి’ టైటిల్ ఖరారు, ఫస్ట్ లుక్ విడుదల.
- ‘ప్రపంచాన్ని నాశనం చేసే సూపర్ హీరో’గా అదా శర్మ సరికొత్త అవతారం.
- రాజేష్ బచ్చానీ దర్శకత్వంలో ‘సూపర్ వెల్లి’ చిత్రం తెరకెక్కనుంది.
- ‘ది కేరళ స్టోరీ’ సీక్వెల్లో నేను లేను, కొత్త కథతో వస్తోంది: అదా శర్మ.
‘ది కేరళ స్టోరీ’తో దేశాన్ని కుదిపేసిన అదా శర్మ ఇప్పుడు తన కామెడీ టైమింగ్తో ప్రేక్షకులను నవ్వించడానికి సిద్ధమయ్యారు. ఆమె తన తదుపరి చిత్రం ‘సూపర్ వెల్లి’లో ఒక విభిన్నమైన పాత్రలో కనిపించనుంది. ఈ సినిమా ఫస్ట్ లుక్ విడుదల కావడంతో అంచనాలు పెరిగిపోయాయి.
‘సూపర్ వెల్లి’గా అదా శర్మ విధ్వంసం!
‘ది కేరళ స్టోరీ’తో దేశాన్ని కదిలించిన అదా శర్మ, ఇప్పుడు రూటు మార్చి ప్రేక్షకులను నవ్వించడానికి సిద్ధమయ్యారు. ఎప్పుడూ వెరైటీగా ఆలోచించే ఈ భామ, తన తదుపరి సినిమా కోసం ఏకంగా ‘ప్రపంచాన్ని నాశనం చేసే సూపర్ హీరో’గా అవతారమెత్తుతున్నారు. తాజాగా, ఈ చిత్రానికి ‘సూపర్ వెల్లి’ (Super Velli) అనే వెరైటీ టైటిల్ను ఖరారు చేసినట్లు తెలుపుతూ అదా శర్మ ఫస్ట్ లుక్ పోస్టర్ను కూడా షేర్ చేసింది. ఇందులో గన్ పట్టుకుని లేడీ డాన్గా సీరియస్ లుక్లో కనిపించిన ఆమె.. వెంటనే కామెడీ చేసి క్యూట్ స్మైల్ ఇచ్చింది. ఆ తర్వాత పోలీసుగా నిందితుల తాట తీస్తూనే లంచం తీసుకుంటూ కనిపించింది. ఇక ఈ పోస్ట్కు “ఈ కథ వేరే లోకంలోని నిజమైన వ్యక్తుల జీవితాల నుండి తీసుకున్నది.
ఒకవేళ మన లోకంలో ఎవరైనా దీనివల్ల బాధపడితే.. అది కావాలని చేసినదే అని తెలుసుకుని సర్దుకుపోండి. కేసులు ఏవైనా ఉంటే.. ఆ వేరే లోకంలోనే వేసుకోండి’’ అనే క్యాప్షన్ జత చేసి అందరినీ ఆశ్చర్యపరిచింది. రాజేష్ బచ్చానీ దర్శకత్వంలో వస్తున్న ఈ ‘సూపర్ వెల్లి’ మాత్రం తన శక్తులతో ప్రపంచాన్ని నాశనం చేయాలని ప్లాన్ చేస్తుంది. కాకపోతే ఆ పని చేయడానికి కూడా ఆమెకు బద్ధకమే! చిందరవందరగా ఉంటూ, నిద్రపోవడానికి ఇష్టపడే ఈ సూపర్ హీరో చేసే రచ్చ అంతా ఇంతా కాదు. ‘కమెండో’ సినిమాలో భావన రెడ్డి పాత్రలో ఉన్న అల్లరిని గుర్తు చేస్తూ ఈ కథను సిద్ధం చేశారట.
కేసులంటే నాకెందుకు భయం అంటున్న అదా!
ఇక తన కెరీర్ బిగ్గెస్ట్ హిట్ ‘ది కేరళ స్టోరీ’ పార్ట్-2లో అదా ఎందుకు లేరనే చర్చకు కూడా ఆమె ఫుల్ స్టాప్ పెట్టారు. “నేను లేని సినిమా గురించి మాట్లాడి వార్తల్లో నిలవాలనుకోవడం లేదు. సీక్వెల్లో నాకు ఆఫర్ వచ్చిందా? లేదా అనేది నాకు నిర్మాతలకు మధ్య ఉండాల్సిన విషయం. మొదటి భాగం ఆఫ్ఘనిస్తాన్లోని ఐసిస్ క్యాంపుల గురించి ఉంటే రెండో భాగం పూర్తిగా కొత్త కథతో రాబోతుంది.పార్ట్-1కు పార్ట్-2కు సంబంధం లేదు” అని తేల్చి చెప్పారు. మొత్తానికి సీరియస్ రోల్స్ తర్వాత అదా మళ్ళీ తన మార్క్ కామెడీతో రాబోతుండటంతో ఫ్యాన్స్ ఫుల్ ఖుషీ అవుతున్నారు.
‘ది కేరళ స్టోరీ-2’పై క్లారిటీ ఇచ్చిన అదా శర్మ!
A post shared by Adah Sharma (@adah_ki_adah)
అదా శర్మ తన కామెడీతో మరోసారి ప్రేక్షకులను అలరించడానికి వస్తున్నారు. ‘సూపర్ వెల్లి’తో ఆమె ఎలాంటి సంచలనాలు సృష్టిస్తారో చూడాలి. మరిన్ని అప్డేట్స్ కోసం చూస్తూ ఉండండి.
