బాలకృష్ణ నటించిన అఖండ 2 సినిమా దసరా కానుకగా విడుదల కానుంది. తాజాగా ఈ సినిమాలో బాలీవుడ్ నటి హర్షాలీ మల్హోత్రా నటించబోతున్నట్లు ప్రకటించారు. అఖండ పార్ట్ 1 లోని పాప పెద్దయ్యాక ఇలా అని అభిమానులు ఆసక్తిగా ఎదురుచూస్తున్నారు.
Key Points
అఖండ 2 లో బాలీవుడ్ నటి హర్షాలీ మల్హోత్రా నటించబోతున్నారు.
పార్ట్ 1 లోని చిన్నారి జనని పెద్దయ్యాక హర్షాలీగా కనిపించనుంది.
అఖండ తన కుటుంబాన్ని రక్షించడానికి మళ్ళీ వస్తాడనేది కథాంశం.
సినిమా పాన్ ఇండియా వైడ్ రిలీజ్ తో బాలీవుడ్ ప్రేక్షకులను ఆకట్టుకోవడానికి ప్రయత్నం.
హర్షాలీ మల్హోత్రా అఖండ 2 లో
Akhanda 2 : బాలకృష్ణ అఖండ నుంచి వరుస హిట్స్ తో దూసుకుపోతున్న సంగతి తెలిసిందే. ఇప్పుడు అఖండ 2 సినిమాతో బిజీగా ఉన్నారు. ఇటీవలే ఈ సినిమా గ్లింప్స్ రిలీజ్ చేసి అంచనాలు పెంచారు. ఈ సినిమా దసరా కానుకగా సెప్టెంబర్ 25 రిలీజ్ అవ్వనుంది. అయితే ఈ సినిమాలో నటిస్తున్న కీలక పాత్రని తాజాగా ప్రకటించారు.
బాలీవుడ్ లో భజరంగి భాయ్ జాన్ సినిమాలో చైల్డ్ ఆర్టిస్ట్ గా నటించిన హర్షాలీ మల్హోత్రా అఖండ 2 సినిమాలో నటించబోతున్నట్టు ప్రకటించారు. అఖండ పార్ట్ 1 సినిమాలో అఖండ వచ్చి తన ఫ్యామిలీని కాపాడతాడని తెలిసిందే. చివర్లో హిమాలయాలకు మళ్ళీ తిరిగి వెళ్లిపోతుంటే పాప వచ్చి ఆపడంతో పాపకు ఏ కష్టం వచ్చినా వస్తాను అని మాటిస్తాడు.
పార్ట్ 1 పాప పెద్దయ్యాక..
బోయపాటి కూడా ఆ పాపకు కష్టం వస్తే మళ్ళీ అఖండ వచ్చి ఏం చేస్తాడు అనే కథాంశంతోనే ఈ సినిమా ఉంటుందని గతంలో చెప్పారు. ఇప్పుడు హర్షాలీ మల్హోత్రా ఈ సినిమాలో నటిస్తుంది అని ప్రకటించడంతో ఆ పాప పెద్దయ్యాక ఇలా అవుతుందని, ఈమెకు కష్టం రావడంతో అఖండ మళ్ళీ కుటుంబం కోసం వస్తాడని తెలుస్తుంది.
అఖండ మళ్ళీ వచ్చే కారణం
ఈమెని పరిచయం చేస్తూ పాత్ర పేరు జనని అని ప్రకటించారు. అఖండ లో పాప పేరు కూడా జననినే. దీంతో ఆ పాప పెద్దయ్యాక ఇలా చూపించబోతున్నారు అని తెలుస్తుంది. ఈసారి అఖండ 2 సినిమాని పాన్ ఇండియా వైడ్ రిలీజ్ చేస్తున్నారు. దీంతో బాలీవుడ్ ని కూడా మెప్పించడానికి కీలక పాత్రలో హర్షాలీని తీసుకున్నట్టు తెలుస్తుంది.
హర్షాలీ మల్హోత్రా ప్రవేశంతో అఖండ 2 కథాంశం మరింత ఆసక్తికరంగా మారింది. పాన్ ఇండియా రిలీజ్ తో సినిమా భారీ విజయం సాధించాలని అభిమానులు ఆశిస్తున్నారు.
