పాన్ ఇండియా స్టార్ అల్లు అర్జున్ తమిళ్ దర్శకుడు అట్లీతో కలిసి సినిమా చేస్తున్న సంగతి తెలిసిందే. ఈ సినిమా టైటిల్ ‘ఐకాన్’ అనే ఊహాగానాలు వస్తున్నాయి. గతంలో అల్లు అర్జున్ ఆపివేసిన సినిమా పేరు కూడా ‘ఐకాన్’ అని గుర్తుంచుకోవాలి.
Key Points
అల్లు అర్జున్ – అట్లీ సినిమా టైటిల్ 'ఐకాన్' అనే వార్తలు వస్తున్నాయి.
గతంలో అల్లు అర్జున్ 'ఐకాన్' అనే టైటిల్ తో సినిమా ప్రకటించి ఆపేశాడు.
ఈ సినిమా హాలీవుడ్ స్థాయిలో ఉంటుందని చెప్పబడింది.
సినిమాలో ఐదుగురు హీరోయిన్స్, డబుల్ యాక్షన్ రోల్ ఉండవచ్చని ప్రచారం.
అట్లీ – అల్లు అర్జున్ సినిమాపై రూమర్లు
Allu Arjun – Atlee : అల్లు అర్జున్ ప్రస్తుతం పాన్ ఇండియా స్టార్. పుష్ప 2 సినిమాతో భారీ రికార్డులు సాధించి ఇండియా వైడ్ ఫ్యాన్స్ ని సంపాదించుకున్నాడు. దీంతో బన్నీ నెక్స్ట్ సినిమా కోసం ఫ్యాన్స్ అంతా ఎదురుచూస్తున్నారు. ఇటీవల అల్లు అర్జున్ తమిళ్ డైరెక్టర్ అట్లీతో సినిమా అనౌన్స్ చేసిన సంగతి తెలిసిందే. ఈ సినిమా హాలీవుడ్ రేంజ్ లో ఉండబోతుందని అనౌన్స్మెంట్ వీడియోతోనే చెప్పేసారు.
అప్పట్నుంచి అట్లీ – అల్లు అర్జున్ సినిమాపై బోలెడన్ని రూమర్లు వినిపిస్తున్నాయి. ఈ సినిమాలో అయిదుగురు హీరోయిన్స్ ఉంటారని టాక్ నడుస్తుంది. ఇందులో అల్లు అర్జున్ డబల్ యాక్షన్ అని హీరో, విలన్ ఇద్దరూ బన్నీనే అని అంటున్నారు. తాజాగా ఈ సినిమాపై మరో టాక్ వినిపిస్తుంది. అల్లు అర్జున్ – అట్లీ సినిమా టైటిల్ ఇదే అని టాక్ నడుస్తుంది.
‘ఐకాన్’ టైటిల్ రీసైకిలింగ్?
అల్లు అర్జున్ – అట్లీ సినిమా టైటిల్ ఐకాన్ అని టాలీవుడ్ లో రూమర్ వినిపిస్తుంది. గతంలో అల్లు అర్జున్ వకీల్ సాబ్ డైరెక్టర్ వేణుశ్రీరామ్ దర్శకత్వంలో ఐకాన్ అనే టైటిల్ తో ఒక సినిమాని ప్రకటించాడు. ఆ సినిమా అనౌన్స్ చేసారు కానీ ముందుకెళ్ళలేదు. ఆ సినిమా అక్కడితోనే అయిపోయింది. ఇప్పుడు బన్నీ ఆ టైటిల్ తోనే రాబోతున్నాడట. ఎలాగో ఇప్పుడు బన్నీ ట్యాగ్ ఐకాన్ స్టార్ కాబట్టి ఐకాన్ అనే టైటిల్ పెడితే జనాల్లోకి సినిమా ఇంకా ఎక్కువగా వెళ్తుందని భావిస్తున్నారు. మరి అధికారికంగా టైటిల్ ప్రకటించేదాకా ఎదురుచూడాల్సిందే.
సినిమా విశేషాలు
ప్రస్తుతం అల్లు అర్జున్ – అట్లీ సినిమా టైటిల్ గురించి అనేక ఊహాగానాలు వినిపిస్తున్నాయి. అధికారిక ప్రకటన కోసం మనం ఎదురు చూడాల్సిందే.
