📌 Key Points
- ఐకాన్ స్టార్ అల్లు అర్జున్ ఇంట్లో ఎలా ఉంటారో బయటపెట్టిన అల్లు అరవింద్!
- సమంత సామ్ జామ్ షోలో బన్నీ వ్యక్తిగత విషయాలు పంచుకున్న అల్లు అరవింద్.
- సినిమా చూస్తున్నప్పుడు ఎమోషనల్ సీన్స్ వస్తే అల్లు అర్జున్ వెంటనే ఏడ్చేస్తారట!
- తన సినిమా రిలీజ్ అవుతుందంటే బన్నీ బాగా టెన్షన్ పడతారని వెల్లడి.
ఐకాన్ స్టార్ అల్లు అర్జున్ గురించి ఒక సంచలన వార్త! అల్లు అర్జున్ ఇంట్లో ఎలా ఉంటారో, ఆయన వ్యక్తిగత విషయాల గురించి అల్లు అరవింద్ స్వయంగా వెల్లడించారు. ఈ విషయాలు ఇప్పుడు సోషల్ మీడియాలో వైరల్ అవుతున్నాయి.
బన్నీ గురించి అల్లు అరవింద్ ఏం చెప్పారంటే?
అల్లు అర్జున్ ఒకప్పుడు స్టయిలీష్ స్టార్గా రాణించేవారు. కానీ `పుష్ప`తో ఆయన ఐకాన్ స్టార్ అయ్యారు. ఇక ఇప్పుడు అట్లీతో చేయబోతున్న `ఏఏ 22`తో గ్లోబల్ స్టార్గా ఎదగబోతున్నారు. ఈ సినిమాతో అంతర్జాతీయ మార్కెట్పై కన్నేశారు. దీన్ని సైన్స్ ఫిక్షన్ గా తెరకెక్కిస్తున్నారు. ప్రస్తుతం సినిమాకి సంబంధించిన ప్రీ ప్రొడక్షన్ వర్క్ జరుగుతుంది. దీనికి సంబంధించిన మేజర్ వర్క్ సెట్లోనే ఉంటుంది. కొంత వరకు బయట షూటింగ్ చేస్తారు. అది త్వరలో ప్రారంభిస్తారని సమాచారం.
ఇదిలా ఉంటే అల్లు అర్జున్కి సంబంధించిన ఆసక్తికర విషయాలు ఇప్పుడు బయటకు వచ్చాయి. ఇంట్లో బన్నీ ఎలా ఉంటారు?, సినిమా రిలీజ్ అయితే ఎలా రియాక్ట్ అవుతారు. ఆయన సినిమాలో ఎమోషన్స్ సీన్స్ వస్తే ఏం చేస్తారనేది లీక్ అయ్యాయి. తండ్రి అల్లు అరవింద్ ఈ విషయాలను బయటపెట్టారు. ఈ క్రమంలో ఆసక్తికర విషయాలను పంచుకున్నారు. కొన్నాళ్ల క్రితం సమంత హోస్ట్ గా చేసిన `సామ్ జాబ్` షోలో బన్నీ, అల్లు అరవింద్ పాల్గొన్నారు. ఇందులో క్రేజీ విషయాలను షేర్ చేసుకున్నారు.
ఎమోషనల్ సీన్స్ వస్తే బన్నీ రియాక్షన్ ఎలా ఉంటుందో తెలుసా?
సినిమా చూస్తున్నప్పుడు ఎమోషనల్ సీన్లు వస్తే ఇంట్లో ఏడ్చేది ఎవరంటే అల్లు అర్జున్ అని తెలిపారు అల్లు అరవింద్. ఆయన ఊరికే ఏడ్చేస్తాడని వెల్లడించారు. ఆ విషయంలో చాలా సెన్సిటివ్ అని వెల్లడించారు. మరోవైపు ఇంట్లో బాగా సౌండ్ చేసేది, అరిచేది ఎవరనే ప్రశ్న సమంత అడగ్గా, అల్లు అర్జునే అని చెప్పాడు అరవింద్. ఎప్పుడూ ఏదో ఒకటి చెబుతూ బన్నీ వాయిస్ వినిపిస్తుందని చెప్పారు.
సినిమా రిలీజ్ సమయంలో బన్నీ టెన్షన్ గురించి షాకింగ్ నిజాలు!
ఇక ఈ సందర్భంగా ఇంట్లో ఎక్కువగా ఖర్చు చేసేది ఎవరనే ప్రశ్నకి రియాక్ట్ అవుతూ అల్లు అర్జునే అని చెప్పారు. ఈ విషయంలో మరో డౌట్ లేదని, బాగా ఖర్చు చేస్తాడని చెప్పారు. దీనికి బన్నీ రియాక్ట్ అవుతూ, తండ్రి సంపాదిస్తున్నప్పుడు కొడుకు ఖర్చు చేయాలి కదా అని నవ్వుతూ వెల్లడించడం విశేషం. ఇంట్లో ఫైనల్ గా చెప్పేది ఎవరనేది అడిగితే అల్లు అర్జున్ పేరే చెప్పారు అరవింద్. మొత్తంగా అరవింద్ ఇంట్లో బన్నీదే హవా అని చెప్పొచ్చు. ఈ సందర్భంగా మరో ఆసక్తికర విషయాన్ని పంచుకున్నారు. తన సినిమా రిలీజ్ అవుతుందంటే బన్నీ బాగా టెన్షన్ పడతాడట. ఆ రోజు ఎవరూ తన వద్దకు కూడా రారని చెప్పారు. బన్నీ కూడా ఈ విషయాన్ని ఒప్పుకోవడం విశేషం. చాలా రోజుల నాటి ఈ ఇంటర్వ్యూ క్లిప్ ఇప్పుడు వైరల్ అవుతుంది.
అల్లు అర్జున్ గురించి అల్లు అరవింద్ చెప్పిన ఈ విషయాలు ఇప్పుడు వైరల్ అవుతున్నాయి. బన్నీ ఫ్యాన్స్ వీటిని తెగ షేర్ చేస్తున్నారు. మరిన్ని ఆసక్తికరమైన అప్డేట్స్ కోసం చూస్తూ ఉండండి.
