అల్లు అర్జున్ ‘పుష్ప’ సినిమాతో పాన్ ఇండియా స్టార్ అయ్యాడు. ఈ క్రమంలో ‘ఐకాన్’ ప్రాజెక్ట్ విషయంలో నిర్మాత దిల్ రాజు కీలక విషయాలను వెల్లడించారు. అల్లు అర్జున్ ఇక ‘ఐకాన్’ సినిమాలో నటించబోదని తెలిపారు.
Key Points
అల్లు అర్జున్ పాన్ ఇండియా స్టార్డమ్తో 'ఐకాన్' ప్రాజెక్ట్కు వెనకడుగు పడింది.
నిర్మాత దిల్ రాజు 'ఐకాన్' ఇకపై అల్లు అర్జున్తో ఉండదని స్పష్టం చేశారు.
'ఐకాన్' స్క్రిప్ట్ మరో హీరోతో త్వరలో తెరకెక్కనుంది.
దిల్ రాజు త్వరలో అల్లు అర్జున్తో భారీ సినిమా నిర్మించనున్నారు.
‘ఐకాన్’ ప్రాజెక్ట్కు ఆటంకం
అల్లు అర్జున్ ఇప్పుడు పాన్ ఇండియా సూపర్స్టార్. పుష్ప, పుష్ప 2 సినిమాలతో రేంజ్ ఎక్కడికో వెళ్లిపోయింది. దీంతో కెరీర్ విషయంలో బన్నీ ఆచితూచి అడుగులేస్తున్నాడు. త్రివిక్రమ్తో కమిటైన ప్రాజెక్ట్ పక్కనబెట్టి దర్శకుడు అట్లీకి ఓకే చెప్పింది కూడా బహుశా అందుకేనేమో? బన్నీ పరిస్థితి చూసి చాలా ఏళ్ల క్రితం అనుకున్న ఓ ప్రాజెక్ట్ని పక్కనబెట్టేశారు. ఈ విషయమై నిర్మాత దిల్ రాజు స్వయంగా క్లారిటీ ఇచ్చారు.
‘పుష్ప’కి ముందు అల్లు అర్జున్ క్రేజ్.. తెలుగుతో పాటు మలయాళం వరకు మాత్రమే పరిమితం. అలా అప్పట్లో ‘ఐకాన్’ అనే ప్రాజెక్ట్ కమిట్ అయ్యాడు. దీనికి ‘వకీల్ సాబ్’ ఫేమ్ శ్రీరామ్ వేణు దర్శకుడు. దిల్ రాజు నిర్మాత. అఫీషియల్గా పోస్టర్ లాంచ్ కూడా చేశారు. కానీ పుష్ప చిత్రాలతో పాన్ ఇండియా స్టార్డమ్ వచ్చేసరికి.. ‘ఐకాన్’ విషయంలో దర్శకనిర్మాతలు వెనకడుగు వేశారు. తాజాగా ‘తమ్ముడు’ ప్రమోషన్లలో భాగంగా దిల్ రాజు దీని గురించి చెప్పారు.
దిల్ రాజు క్లారిటీ
ప్రకటించే సమయానికి ఇప్పటికీ బన్నీ రేంజ్ మారిపోయిందని, కాబట్టి త్వరలో మరో హీరో ‘ఐకాన్’ తీస్తామని దిల్ రాజు చెప్పుకొచ్చారు. అలానే ‘తమ్ముడు’ రిలీజ్ టెన్షన్స్ అన్నీ అయిపోయాక.. ‘ఐకాన్’ స్క్రిప్ట్ని శ్రీరామ్ వేణు బయటకు తీస్తాడేమో అని ఈయన అన్నారు. హ్యూమన్ యాక్షన్ స్టోరీ అదని, ఎప్పుడు చేసినా బాగుంటుందని దిల్ రాజు అన్నారు. మరి ఆ స్టోరీ ఎవరికి సూట్ అవుతుందో? ఎప్పుడు పట్టాలెక్కుతుందో చూడాలి?
అయితే వచ్చే ఏడాది బన్నీ.. తన నిర్మాణంలో ఓ సినిమా చేస్తారని దిల్ రాజు ప్రకటించారు. ఇది భారీ స్థాయిలో ఉంటుందని హింట్ ఇచ్చారు. కానీ దర్శకుడు ఎవరు ఏంటనేది మాత్రం రివీల్ చేయలేదు. కొన్నిరోజుల క్రితం బహుశా దీని గురించి అనుకుంటా కొన్నిరూమర్స్ వచ్చాయి. ప్రశాంత్ నీల్తో బన్నీ జట్టు కడతారని, దీనికి దిల్ రాజు నిర్మాత అన్నట్లు రూమర్స్ వచ్చాయి. మరికొన్నాళ్లు ఆగితే ఇది నిజమా కాదా అనేది తేలుతుంది.
భవిష్యత్తు ప్రాజెక్టులు
చివరగా, అల్లు అర్జున్ కెరీర్లో మలుపు తిరుగుతున్న సమయంలో ‘ఐకాన్’ ప్రాజెక్ట్కు సంబంధించి నిర్మాత దిల్ రాజు స్పష్టత ఇచ్చారు. త్వరలోనే మరో హీరోతో ఈ ప్రాజెక్ట్ పునఃప్రారంభం కానుంది.
