📌 Key Points
- అల్లు అర్జున్ నెక్స్ట్ సినిమా మలయాళం దర్శకుడితో ఉంటుందా అనే చర్చలు ఊపందుకున్నాయి.
- బసిల్ జోసెఫ్ అల్లు శిరీష్ రిసెప్షన్ కు హాజరు కావడంతో ఈ వార్తలకు మరింత బలం చేకూరింది.
- బన్నీ, బసిల్ కలిసి దిగిన ఫోటోలు సోషల్ మీడియాలో వైరల్ అవుతున్నాయి.
- మలయాళంలో బన్నీకి ఉన్న ఫాలోయింగ్ దృష్ట్యా ఈ సినిమా భారీ హిట్ అవుతుందని అంచనాలు వేస్తున్నారు.
ఐకాన్ స్టార్ అల్లు అర్జున్ ఇప్పుడు పాన్ ఇండియా స్టార్. ఆయన సినిమాల కోసం దేశమంతా ఎదురుచూస్తుంది. ఇప్పుడు బన్నీ మలయాళం దర్శకుడితో సినిమా చేయడానికి సిద్ధమవుతున్నాడనే వార్త టాలీవుడ్ లో హాట్ టాపిక్ గా మారింది. దీని గురించి మరిన్ని వివరాలు చూద్దాం.
మలయాళం దర్శకుడితో బన్నీ సినిమా?
Allu Arjun: అల్లు అర్జున్ ఇప్పుడు అన్ని పాన్ ఇండియా సినిమాలే చేస్తున్నారు. ఎక్కువగా వేరే భాషా దర్శకులతో చేయడానికే మక్కువ చూపుతున్నారు. ప్రస్తుతం అల్లు అర్జున్ అట్లీ డైరెక్షన్ లో ఓ సినిమా చేస్తున్న సంగతి తెలిసిందే. ఆ తర్వాత లోకేష్ కనగరాజ్ దర్శకత్వంలో సినిమా ప్రకటించారు. అల్లు అర్జున్ నెక్స్ట్ సినిమాలు అన్ని కూడా వేరే పరిశ్రమ డైరెక్టర్స్ పేర్లే వినిపిస్తున్నాయి.
అందులో మలయాళం దర్శకుడు బసిల్ జోసెఫ్ పేరు కూడా వినిపించింది. బసిల్ జోసెఫ్ నటుడిగా, హీరోగా మలయాళంలో స్టార్ గా దూసుకుపోతున్నాడు.ఇక్కడ తెలుగులో కూడా ఆయన సినిమాలతో మంచి ఫేమ్ తెచ్చుకున్నాడు. నటుడిగానే కాక బసిల్ జోసెఫ్ దర్శకుడిగా కూడా సక్సెస్ లు కొట్టాడు. మిన్నల్ మురళి లాంటి భారీ హిట్ సినిమా బసిల్ జోసెఫ్ తెరకెక్కించాడు.
అల్లు శిరీష్ రిసెప్షన్లో బసిల్ జోసెఫ్ సందడి!
బసిల్ జోసెఫ్ దర్శకత్వంలో అల్లు అర్జున్ సినిమా ఉంటుందని గతంలో రూమర్స్ వచ్చాయి. తాజాగా జరిగిన అల్లు శిరీష్ ప్రీ వెడ్డింగ్ రిసెప్షన్ కి బసిల్ జోసెఫ్ హాజరయ్యాడు. అట్లీ కూడా హాజరయ్యాడు. బన్నీతో పనిచేసిన దర్శకులు పలువురు హాజరయ్యారు. బసిల్ జోసెఫ్ ని దగ్గరుండి తీసుకొచ్చే స్టేజ్ మీద ఫోటో దిగాడు అల్లుఅర్జున్.
బన్నీ, బసిల్ కాంబోలో సినిమా వస్తుందా?
అసలు ఇప్పటివరకు అల్లు అర్జున్ -బసిల్ జోసఫ్ కలిసి కనిపించలేదు. బసిల్ బన్నీ కి కథ చెప్పాడు అన్న రూమర్స్ తప్ప ఇద్దరికీ అంత పరిచయం కూడా లేదు. ఇప్పుడు ఏకంగా అల్లు శిరీష్ రిసెప్షన్ వేడుకలో బన్నీ – బసిల్ క్లోజ్ గా కనపడటంతో నిజంగానే వీరిద్దరి కాంబోలో సినిమా ఉంటుందని భావిస్తున్నారు. అసలే మలయాళంలో అల్లు అర్జున్ కి మంచి ఫ్యాన్ ఫాలోయింగ్ ఉంది. అలాంటిది మలయాళం దర్శకుడితో సినిమా చేస్తే అక్కడ కూడా పెద్ద హిట్ అవ్వడం ఖాయం అంటున్నారు ఫ్యాన్స్.
అల్లు అర్జున్, బసిల్ జోసెఫ్ కాంబినేషన్లో సినిమా వస్తే మాత్రం రికార్డులు బద్దలు కావడం ఖాయం. ఈ సినిమా గురించి మరిన్ని అప్డేట్స్ కోసం చూస్తూ ఉండండి.
