యాంకర్, నటి అనసూయ భరద్వాజ్ సోషల్ మీడియాలో తనపై జరుగుతున్న ట్రోలింగ్పై స్పందిస్తూ ఒక పోస్ట్ చేసింది. తన బోల్డ్ నేచర్, జీవనశైలి గురించి ఆమె వివరించింది.
Key Points
అనసూయ తన ఇన్స్టాగ్రామ్లో ట్రోలర్స్కు గట్టి సమాధానం ఇచ్చింది.
బోల్డ్గా ఉండటం అంటే అగౌరవంగా ఉండటం కాదని ఆమె స్పష్టం చేసింది.
తన జీవనశైలికి తన కుటుంబం మద్దతు ఇస్తుందని తెలిపింది.
స్వతంత్రంగా జీవించే హక్కు తనకు ఉందని అనసూయ పేర్కొంది.
అనసూయ సోషల్ మీడియా పోస్ట్
అనసూయ భరద్వాజ్ బుధవారం (జులై 30) తన ఇన్స్టాగ్రామ్ లో ఓ సుదీర్ఘమైన పోస్ట్ చేసింది. తాను ఎవరో కూడా తెలియని వాళ్లు సోషల్ మీడియా ఛానెల్స్ లో విమర్శిస్తూ వీడియోలు చేయడంపై ఆమె ఘాటుగా స్పందించింది. ఈ పోస్ట్ ద్వారా ట్రోలర్స్ కు ఆమె గట్టి సమాధానం ఇచ్చింది. బోల్డ్ గా ఉంటే తప్పేంటని ప్రశ్నించింది. తాను స్వతంత్రంగా జీవిస్తున్నానని, ఎవరినీ తనను ఫాలో కావాలని చెప్పడం లేదని కూడా స్పష్టం చేసింది.
హాట్ యాంకర్, నటి అనసూయ భరద్వాజ్ ఇన్స్టాగ్రామ్ లో ఓ సుదీర్ఘ పోస్ట్ చేసింది. ఈ మధ్యకాలంలో సోషల్ మీడియాలో తనపై జరుగుతున్న ట్రోలింగ్ గురించి అందులో ఘాటుగా స్పందించింది. “లవ్ ఆల్వేస్.. ఇతరులు నా గురించి వ్యాఖ్యానించినప్పుడు నేను తరచుగా మౌనంగా ఉంటాను. అయితే, నా జీవితాన్ని నేను జీవిస్తున్నందుకే విమర్శలు వచ్చినప్పుడు, నేను కోపగించుకోకుండా స్పష్టంగా మాట్లాడాలని అనిపిస్తుంది.
ట్రోలర్స్కు ఆమె సమాధానం
ఇటీవల, నన్ను లక్ష్యంగా చేసుకుని వీడియోలు క్రియేట్ చేస్తున్న కొన్ని సోషల్ మీడియా ఛానెల్లను నేను చూశాను. అందులో ఉన్నది మహిళలే. వారికి నేను ఎవరో తెలియదు, నేను వారికి తెలియదు. అయినా వారు వ్యక్తిగతంగా లక్ష్యంగా చేసుకొని మాట్లాడుతున్నారు. అవును, నేను ఒక భార్యను, ఒక తల్లిని. ఇద్దరు పిల్లల తల్లిని. నా వ్యక్తిగత స్టైల్ కు తగ్గట్టుగా దుస్తులు ధరించడాన్ని కూడా నేను ఇష్టపడతాను. గ్లామర్, స్టైల్, కాన్ఫిడెన్స్ ఎప్పుడూ నా గుర్తింపులో అంతర్భాగం.
కొందరు తల్లిగా ఉన్నప్పుడు ఇలాంటివి సరికాదని నమ్ముతారు. నేను ఒక ప్రశ్న అడగాలనుకుంటున్నాను.. తల్లి కావడం అంటే మీ నిజమైన వ్యక్తిత్వాన్ని వదులుకోవడమా? నా కుటుంబం, నా భర్త, పిల్లలు.. నేను ఎలా ఉన్నానో అలా నన్ను ప్రేమిస్తారు. వాళ్లు నన్ను జడ్జ్ చేయరు.. వారు నాకు సపోర్ట్ ఇస్తారు. అదే నాకు నిజంగా ముఖ్యమైనది. కొంతమందికి ఈ స్థాయి ఓపెన్నెస్ అలవాటు ఉండకపోవచ్చని నేను అనుకుంటున్నాను. అంత వరకూ ఓకే.
బోల్డ్నెస్ మరియు విలువలు
నా పిల్లలు ఆత్మవిశ్వాసం, దయ, గౌరవం ఉన్న, తన గురించి తాను సిగ్గుపడని ఒక మహిళను చూస్తూ పెరుగుతున్నారు. బోల్డ్ గా ఉండటం అంటే అగౌరవంగా ఉండటం కాదు. నేను ఇష్టపడే విధంగా దుస్తులు ధరించడం అంటే నేను నా విలువలను కోల్పోయినట్లు కాదు. నేను ఎవరినీ నన్ను ఫాలో కావాలని అడగడం లేదు. లేదా నేను జీవించే విధానమే సరైనదని చెప్పడం లేదు.
మీరు మీ జీవితాన్ని జీవించాలనుకున్నట్లే, నేను నా జీవితాన్ని జీవించే స్వేచ్ఛను కోరుకుంటున్నాను. ఇది చూస్తున్న అందరికీ ఒక్కటే చెప్పదలచుకున్నారు. మీ ఆలోచనలను చూసి నేను మిమ్మల్ని జడ్జ్ చేయను. ఇతరుల లైఫ్ స్టైల్స్ పట్ల మీరు అదే గౌరవం చూపుతారని ఆశిస్తున్నాను. మన మధ్య ఉండే విభేదాలను వ్యక్తిగత దాడులు చేయకుండా ప్రశాంతంగా అంగీకరించగలిగితే, మనమందరం కలిసి ప్రశాంతంగా జీవించగలం. నేను గర్వంగా, ప్రేమగా, క్షమాపణలు చెప్పకుండా జీవిస్తాను. ఎల్లప్పుడూ ఇతరుల పట్ల గౌరవాన్ని కొనసాగిస్తాను” అని అనసూయ చెప్పింది. ఈ పోస్టుకు చాలా మంది అభిమానులు మద్దతుగానే కామెంట్స్ చేస్తున్నారు.
చివరగా, అనసూయ తన జీవన విధానంపై తనకున్న ఆత్మవిశ్వాసాన్ని, తన కుటుంబం మద్దతును ప్రదర్శించింది. ట్రోలర్లకు సమాధానం ఇస్తూ, స్వతంత్రంగా జీవించే హక్కును ఆమె ప్రతిబింబించింది.
