📌 Key Points
- రణ్వీర్ సింగ్ హీరోగా ‘దురంధర్ 2’ మార్చి 19న రిలీజ్ కానుంది!
- కీలక పాత్ర కోసం అనిల్ కపూర్ను సంప్రదించిన దర్శకుడు ఆదిత్య ధర్.
- డేట్స్ సమస్యల వల్ల ‘దురంధర్ 2’ నుంచి తప్పుకున్న అనిల్ కపూర్.
- వృత్తి పట్ల నిబద్ధతే నటుడిని ఉన్నతస్థాయిలో నిలుపుతుందని అనిల్ కామెంట్.
బాలీవుడ్ యాక్షన్ థ్రిల్లర్ ‘దురంధర్ 2’ కోసం సినీ ప్రియులు ఎంతగానో ఎదురుచూస్తున్నారు. ఈ సినిమాలో నటించాల్సిన అనిల్ కపూర్ ఎందుకు నో చెప్పారో తెలుసా? ఇప్పుడు తెలుసుకుందాం!
దురంధర్ 2లో నటించని అనిల్
Dhurandhar 2: ప్రపంచవ్యాప్తంగా సినీ ప్రియులు అత్యంత ఆసక్తిగా ఎదురుచూస్తున్న యాక్షన్ థ్రిల్లర్ ‘ధురంధర్ 2(Dhurandhar: The Revange)’. బాలీవుడ్ స్టార్ రణ్వీర్ సింగ్ ప్రధాన పాత్రలో వస్తున్న ఈ సినిమాను దర్శకుడు ఆదిత్య ధర్ తెరకెక్కించిన విషయం తెలిసిందే. ఈ సినిమా భారీ అంచనాల మధ్య మార్చి 19న వెండితెరపై సందడి చేసేందుకు సిద్ధమవుతోంది. అయితే, ఈ క్రేజీ ప్రాజెక్టుకు సంబంధించి బాలీవుడ్ సీనియర్ నటుడు అనిల్ కపూర్ ఆసక్తికర కామెంట్స్ చేశాడు.
డేట్స్ సమస్యలే కారణమా?
దురంధర్ సినిమాలో ఒక కీలకమైన అతిథి పాత్రలో నటించే అవకాశం తన వద్దకు వచ్చిందని, కానీ కొన్ని కారణాల వల్ల దానిని వదులుకోవాల్సి వచ్చిందని ఆయన చెప్పుకొచ్చాడు. దర్శకుడు ఆదిత్య ధర్ ఈ పాత్ర కోసం అనిల్ కపూర్ను సంప్రదించినప్పుడు, ఆయన కూడా నటించడానికి ఎంతో ఉత్సాహం చూపారట. కానీ, అదే సమయానికి మరో దర్శకుడికి ఇచ్చిన డేట్స్ అడ్డు రావడంతో ‘ధురంధర్ 2’ నుంచి తప్పుకోవాల్సి వచ్చింది.
అనిల్ కపూర్ కామెంట్స్ వైరల్!
ఈ విషయంపై అనిల్ కపూర్ మాట్లాడుతూ.. “ఒకరికి ఇచ్చిన మాటను తప్పి, డేట్స్ను క్యాన్సిల్ చేసి మరో సినిమాను అంగీకరించడం సరైన పద్ధతి కాదు. అద్భుతమైన అవకాశం కోల్పోవడం బాధాకరమే అయినా, వృత్తి పట్ల నిబద్ధత అంతకంటే ముఖ్యం కదా” అని అనిల్ కపూర్ చెప్పుకొచ్చాడు. కేవలం ప్రతిభ మాత్రమే ఉంటే సరిపోదని, క్రమశిక్షణ, ఇచ్చిన మాట మీద నిలబడటమే ఒక నటుడిని ఉన్నత స్థాయిలో ఉంచుతాయని ఆయన అభిప్రాయం వ్యక్తం చేశారు. భవిష్యత్తులో ఆదిత్య ధర్ దర్శకత్వంలో పనిచేసే అవకాశం ఖచ్చితంగా వస్తుందని అన్నారు. దీంతో, అనిల్ కపూర్ చేసిన ఈ కామెంట్స్ ఇప్పుడు సోషల్ మీడియాలో వైరల్ అవుతున్నాయి.
అనిల్ కపూర్ చేసిన ఈ వ్యాఖ్యలు సోషల్ మీడియాలో తెగ వైరల్ అవుతున్నాయి. మరింత సమాచారం కోసం చూస్తూ ఉండండి.
