📌 Key Points
- ‘టాక్సిక్’ టీజర్లోని సెక్స్ సీన్స్పై అనురాగ్ కశ్యప్ సంచలన వ్యాఖ్యలు, సాంస్కృతిక కపటత్వం అంటూ ఫైర్!
- యష్ సరసన నయనతార, కియారా అద్వానీ, హుమా ఖురేషి.. భారీ తారాగణంతో ‘టాక్సిక్’ మూవీ!
- మార్చి 19న ప్రపంచవ్యాప్తంగా ‘టాక్సిక్’ విడుదల, రణ్వీర్ సింగ్ ‘ధురంధర్ 2’తో బాక్సాఫీస్ పోరు!
- వివాదంలో చిక్కుకున్న ‘టాక్సిక్’ టీజర్.. ట్రోల్స్ భరించలేక సోషల్ మీడియా అకౌంట్ డిలీట్ చేసిన నటి!
యష్ హీరోగా వస్తున్న ‘టాక్సిక్’ మూవీ టీజర్ విడుదలైన సంగతి తెలిసిందే. అయితే ఈ టీజర్లోని కొన్ని సీన్స్ వివాదాస్పదం కావడంతో బాలీవుడ్ డైరెక్టర్ అనురాగ్ కశ్యప్ తనదైన శైలిలో స్పందించారు. ఆ వివరాల్లోకి వెళ్దాం!
టీజర్లోని ఆ సీన్పై దుమారం!
యష్(Yash) నటించిన ‘టాక్సిక్'(Toxic) మూవీ టీజర్ ఇటీవల విడుదలై వివాదాస్పమైన విషయం తెలిసిందే. గీతూ మోహన్ దాస్ దర్శకత్వం వహించిన ఈ టీజర్లో యష్ శ్మశానవాటికలో యాక్షన్ చేసే ముందు, ఒక వ్యాన్లో నటితో చేసిన సెక్స్ సీన్లు తీవ్ర చర్చకు దారితీశాయి. కేవలం యూత్ కోసం ఇలాంటి సీన్లు పెట్టారంటూ సోషల్ మీడియాలో విమర్శలు రావడమే కాకుండా, మహిళా కమిషన్ కూడా దీనిపై అభ్యంతరం వ్యక్తం చేసింది. ఈ వివాదం ముదరడంతో.. ట్రోల్స్ భరించలేక టీజర్లో నటించిన విదేశీ నటి బీట్రిజ్ టౌఫెన్బాచ్ తన సోషల్ మీడియా అకౌంట్ను డిలీట్ చేయాల్సిన పరిస్థితి ఏర్పడింది. దీంతో ఈ విషయం కాస్త సద్దుమనిగింది.
అనురాగ్ కశ్యప్ సంచలన వ్యాఖ్యలు
ఇక అప్పటినుంచి మూవీ మేకర్స్ ఎలాంటి అప్డేట్ విడుదల చేయడం లేదు. కానీ సినీ ప్రియులు మాత్రం అప్డేట్స్ కోసం ఆసక్తిగా ఎదురుచూస్తున్నారు. ఇదిలా ఉంటే.. తాజాగా, ‘టాక్సిక్’ టీజర్ వివాదంపై బాలీవుడ్ డైరెక్టర్ అనురాగ్ కశ్యప్ (Anurag Kashyap)తనదైన శైలిలో స్పందించారు. 17వ బెంగళూరు అంతర్జాతీయ చలనచిత్ర ఉత్సవంలో పాల్గొన్న ఆయన, ఈ చిత్ర టీజర్లోని గ్రాఫిక్ సెక్స్ సీన్పై వ్యక్తమవుతున్న నిరసనలను ‘సాంస్కృతిక కపటత్వం’ అని అన్నారు. పురుష నటులు చొక్కా విప్పి కండలు ప్రదర్శించినా, అతిగా సెక్స్ సీన్స్లో కనిపించినా ఎవరూ ప్రశ్నించరని.. కానీ ఒక మహిళ తన లైంగికతను స్వేచ్ఛగా చాటుకుంటే మాత్రం సమాజం అంగీకరించలేకపోతోందని ఆయన ఆగ్రహం వ్యక్తం చేశారు.
‘టాక్సిక్’ మూవీలో భారీ తారాగణం!
అసలు ఈ సీన్స్ ఉంటే తప్పేంటి? అని ప్రశ్నించారు. అంతేకాకుండా ఇది ఎంతో ధైర్యవంతమైన ప్రయత్నమని మేకర్స్ను వెనకేసుకొచ్చారు. కాగా..పాన్-ఇండియా చిత్రంగా తెరకెక్కుతున్న ‘టాక్సిక్’లో నయనతార, కియారా అద్వానీ, హుమా ఖురేషి కీలక పాత్రలో నటిస్తున్నారు. యష్, గీతూ మోహన్ దాస్ సంయుక్తంగా రచించిన ఈ సినిమా మార్చి 19న ఈ చిత్రం ప్రపంచవ్యాప్తంగా విడుదల కానుంది. అదే రోజున రణ్వీర్ సింగ్ నటించిన భారీ చిత్రం ‘ధురంధర్ 2’ కూడా విడుదలవుతుండటంతో, బాక్సాఫీస్ వద్ద గట్టి పోటీ నెలకొననుంది.
ఇలాంటి ఆసక్తికరమైన సినిమా అప్డేట్స్ కోసం చూస్తూ ఉండండి! ‘టాక్సిక్’ మూవీ గురించి మరిన్ని విశేషాలతో మళ్ళీ కలుద్దాం. అప్పటివరకు వేచి ఉండండి!
