📌 Key Points
- ‘ది కేరళ స్టోరీ-2’పై అనురాగ్ కశ్యప్ సంచలన వ్యాఖ్యలు: ఇది సినిమా కాదు, డబ్బు సంపాదన కోసమే అన్నారు!
- దర్శకుడు కామాఖ్య నారాయణ్ స్ట్రాంగ్ కౌంటర్: అనురాగ్ మానసిక పరిస్థితి బాలేదు, ఆయనకు అందరితో సమస్యే అంటూ ఫైర్!
- ట్రైలర్లో బీఫ్ సీన్పై దుమారం: ఎవరైనా బలవంతంగా బీఫ్ తినిపిస్తారా అంటూ అనురాగ్ ఆగ్రహం వ్యక్తం!
- ఫిబ్రవరి 27న ‘ది కేరళ స్టోరీ-2’ విడుదలపై నీలినీడలు: వివాదాల నడుమ రిలీజ్ కష్టమే అంటున్నారు!
దేశవ్యాప్తంగా సంచలనం సృష్టిస్తున్న ‘ది కేరళ స్టోరీ-2’ సినిమాపై బాలీవుడ్ దర్శకుడు అనురాగ్ కశ్యప్ చేసిన వ్యాఖ్యలు దుమారం రేపుతున్నాయి. దీనికి దర్శకుడు కామాఖ్య నారాయణ్ అంతే స్థాయిలో కౌంటర్ ఇవ్వడంతో వివాదం మరింత ముదిరింది.
అనురాగ్ కశ్యప్ సంచలన ఆరోపణలు!
ప్రస్తుతం దేశవ్యాప్తంగా ఎక్కడ చూసినా ‘ది కేరళ స్టోరీ-2’ (The Kerala Story-2)గురించే చర్చ. సెన్సేషనల్ మూవీకి సీక్వెల్గా వస్తున్న ఈ సినిమా ట్రైలర్ రిలీజైన క్షణం నుంచే వివాదాల సుడిగుండంలో చిక్కుకుంది. ఫిబ్రవరి 27న సినిమా థియేటర్లలోకి రావడానికి సిద్ధమవుతున్న వేళ, బాలీవుడ్ కాంట్రవర్సీ కింగ్ అనురాగ్ కశ్యప్ వేసిన బాంబు ఇప్పుడు ఇండస్ట్రీని షేక్ చేస్తోంది. ఫిల్మ్ఫేర్ వేడుకలో అనురాగ్(Anurag Kashyap) చేసిన వ్యాఖ్యలు మంటలు పుట్టిస్తున్నాయి. ‘‘ఇది సినిమా కాదు.. కేవలం డబ్బులు పొందడానికే చేస్తున్న ప్రయోగం” అంటూ ఆయన విరుచుకుపడ్డారు. ట్రైలర్లో ఒక వర్గానికి బలవంతంగా బీఫ్ తినిపించే సీన్పై స్పందిస్తూ.. ‘‘ఎవరైనా బీఫ్ తినిపిస్తారా? కనీసం కిచిడీని కూడా అలా తినిపించరు’’ అంటూ మండిపడ్డారు. సున్నితమైన అంశాలను వక్రీకరించి లాభపడాలని చూస్తున్నారంటూ ఆయన చేసిన ఆరోపణలు ఇప్పుడు సోషల్ మీడియాలో రచ్చ లేపుతున్నాయి.
కామాఖ్య నారాయణ్ స్ట్రాంగ్ కౌంటర్!
ఈక్రమంలో.. తాజాగా, ‘కేరళ స్టోరీ-2’ దర్శకుడు కామాఖ్య నారాయణ్ ఏమాత్రం తగ్గకుండా స్ట్రాంగ్ కౌంటర్ ఇచ్చారు. ఒక వీడియో రిలీజ్ చేస్తూ అనురాగ్ కశ్యప్ పరువు తీసేలా మాట్లాడారు. ‘‘బహుశా ఆయన మానసిక స్థితి సరిగా లేనట్లుంది. ఆయనకు లోకంలో అన్నిటితోనూ సమస్యే. ఇండస్ట్రీతో గొడవ, నెట్ఫ్లిక్స్తో గొడవ, సమాజంతో గొడవ.. ఇలా ప్రతిదాన్నీ సమస్యగానే చూస్తారు’’ అని మండిపడ్డారు. గతంలో అనురాగ్ తీసిన సినిమాల్లో ఇంతకు మించిన సీన్లు ఉన్నాయని, నాగరికత లేని ఆ సినిమాలను చూసిన జనం ఆయన మాటలను ఇప్పుడు నమ్మే స్థితిలో లేరని కామాఖ్య అన్నారు. ఒకవైపు వాస్తవ సంఘటనల ఆధారంగా తీశామని మేకర్స్ చెబుతుంటే.. మరోవైపు ఇది కేవలం సమాజాన్ని విడదీయడానికే అని విమర్శకులు వాదిస్తున్నారు. ఈ మాటల యుద్ధం సినిమాకు కావాల్సినంత ఫ్రీ పబ్లిసిటీని తెచ్చిపెడుతోంది. కానీ అంతే రేంజ్లో నెగెటివిటీ కూడా వస్తుంది. వివాదాల్లో చిక్కుకున్న ఈ సినిమా ఫిబ్రవరి 27న విడుదల కావడం కష్టమే అనిపిస్తోంది.
ఫిబ్రవరి 27న రిలీజ్ అవుతుందా?
A post shared by Kamakhya Narayan Singh (@kamakhayanrsingh)
‘ది కేరళ స్టోరీ-2’ చుట్టూ వివాదాలు ముసురుకున్నాయి. అనురాగ్ కశ్యప్, కామాఖ్య నారాయణ్ మధ్య మాటల యుద్ధం తారాస్థాయికి చేరింది. మరిన్ని అప్డేట్స్ కోసం చూస్తూ ఉండండి.
