📌 Key Points
- వామపక్ష తీవ్రవాదం నిర్మూలనలో మోడీ ప్రభుత్వం విజయం సాధించిందని బండి సంజయ్ అన్నారు.
- జమ్మూ, కశ్మీర్లో ఉగ్రవాద వ్యవస్థను గణనీయంగా బలహీనపరిచామని ఆయన పేర్కొన్నారు.
- గుజరాత్లోని రాష్ట్రీయ రక్షా విశ్వవిద్యాలయంలో జరిగిన స్నాతకోత్సవంలో బండి సంజయ్ పాల్గొన్నారు.
- భద్రతలో శారీరక సామర్థ్యంతో పాటు సాంకేతిక పరిజ్ఞానం అవసరమని బండి సంజయ్ అభిప్రాయపడ్డారు.
కేంద్రంలోని మోడీ ప్రభుత్వం వామపక్ష తీవ్రవాదాన్ని నిర్మూలించడంలో విజయం సాధించిందని కేంద్ర మంత్రి బండి సంజయ్ కుమార్ అన్నారు. జమ్మూ కాశ్మీర్లో ఉగ్రవాద వ్యవస్థను బలహీనపరిచామని ఆయన తెలిపారు. గుజరాత్లో జరిగిన రాష్ట్రీయ రక్షా విశ్వవిద్యాలయ స్నాతకోత్సవంలో ఆయన ఈ వ్యాఖ్యలు చేశారు.
వామపక్ష తీవ్రవాదంపై బండి సంజయ్ వ్యాఖ్యలు
వామపక్ష తీవ్రవాదాన్ని మూలాలతో సహా నిర్మూలించాలనే లక్ష్యాన్ని కేంద్రంలోని మోడీ ప్రభుత్వం విజయవంతంగా పూర్తి చేసిందని కేంద్ర మంత్రి బండి సంజయ్ కుమార్ అన్నారు. దీంతో పాటు జమ్మూ, కశ్మీర్లో ఉగ్రవాద వ్యవస్థను గణనీయంగా బలహీనపరిచామన్నారు. సమగ్ర పాలన, అంతర్-ఏజెన్సీ సమన్వయం, లక్ష్యాధారిత అంతర్గత భద్రతా నిర్వహణ దిశగా జరిగిన విస్తృత మార్పుద్వారా ఈ ఫలితాలు వచ్చాయన్నారు. మంగళవారం గుజరాత్లోని గాంధీనగర్ రాష్ట్రీయ రక్షా విశ్వవిద్యాలయంలో నిర్వహించిన ఐదో స్నాతకోత్సవంలో రాష్ట్రపతి ద్రౌపది ముర్ము, గుజరాత్ గవర్నర్ ఆచార్య దేవవ్రత్, ముఖ్యమంత్రి భూపేంద్రభాయి రజనీకాంత్ పటేల్, జాతీయ భద్రతా సలహాదారు అజిత్ దోవల్తో కలిసి పాల్గొన్నారు. ఈ సందర్భంగా మాట్లాడుతూ.. గుజరాత్ ఈ పవిత్ర భూమిపై తాను రావడం నాకు అపారమైన ఆనందాన్ని కలిగిస్తోంది.
మహాత్మా గాంధీ, సర్దార్ వల్లభభాయ్ పటేల్, దయానంద సరస్వతి, ప్రధాని మోడీ వంటి మహానుభావులు పుట్టిన గుజరాత్కు రావడం చాలా సంతోషంగా ఉందన్నారు. రాష్ట్రీయ రక్షా విశ్వవిద్యాలయం ఐదో కన్వకేషన్ వేడుక సందర్భంగా డిగ్రీ పట్టా పొందిన విద్యార్థులకు అభినందనలు తెలిపారు. భారత సాయుధ దళాలు, కేంద్ర సాయుధ పోలీసు దళాలు, కేంద్ర, రాష్ట్ర పోలీసు సంస్థలు, గూఢచారి దర్యాప్తు సంస్థలు కలిసి భారత విస్తృత భద్రతా వ్యవస్థను నిర్మిస్తున్న ప్రతి ఒక్కరి సేవలను అభినందనీయన్నారు. వీరిలో ప్రతి ఒక్కరికీ ప్రత్యేక పాత్ర ఉన్నప్పటికీ, అందరూ ఒకే జాతీయ లక్ష్యం కోసం అనుసంధానమై ఉన్నారు. ప్రస్తుతం రక్షణ రంగంలో అనేక సవాళ్లు ఉన్నాయి. ఇప్పుడు కేవలం శారీరక సామర్థ్యం మాత్రమే సరిపోదని టెక్నాలజీని అర్థం చేసుకునే, మానవ మనస్తత్వాన్ని గ్రహించే, యువతతో సంభాషించే విధానాలను తెలిసి ఉండాలి. భద్రత, స్వేచ్ఛ ఒకదానిని మరొకటి బలపరచేలా ఉండాలే తప్ప బలహీనపరచకూడదు. సాంకేతికత న్యాయానికి సేవ చేయాలి. జాతీయ సేవకు ధైర్యం, వ్యక్తిత్వం రెండూ అవసరం. జాతీయ రక్షా విశ్వవిద్యాలయం పై అంశాలతో విద్యార్థులను సిద్ధం చేసింది. జాతీయ రక్షా విశ్వవిద్యాలయం కులపతి, అధ్యాపకులు, అధికారులు, సిబ్బందికి భారత అంతర్గత భద్రతా ప్రాధాన్యాలకు అనుగుణంగా ఈ సంస్థను నిర్మించినందుకు హృదయపూర్వక అభినందనలు తెలిపారు.
జమ్మూ కాశ్మీర్ ఉగ్రవాదంపై కేంద్ర మంత్రి ప్రకటన
రక్షణ రంగంలో సాంకేతికత ఆవశ్యకత: బండి సంజయ్
దేశ భద్రతకు సాంకేతిక పరిజ్ఞానం ఎంతో అవసరమని బండి సంజయ్ నొక్కి చెప్పారు. రక్షణ రంగంలో నూతన విధానాలు అవలంబించాలని ఆయన సూచించారు. ఇది దేశ భవిష్యత్తుకు ఎంతో ఉపయోగకరమని తెలిపారు.
