జియోహాట్‌స్టార్ ఓటీటీలో ఉన్న బెస్ట్ మలయాళం థ్రిల్లర్ మూవీస్ ఇవే.. అన్నీ తెలుగులోనూ స్ట్రీమింగ్

జియోహాట్‌స్టార్ ఓటీటీలో అనేక మలయాళ థ్రిల్లర్ సినిమాలు అందుబాటులో ఉన్నాయి. ఈ కథనంలో తెలుగులో స్ట్రీమింగ్ అయ్యే ఉత్తమమైన మలయాళ థ్రిల్లర్ల జాబితాను మీకు అందిస్తున్నాం.

ఉత్తమ మలయాళ థ్రిల్లర్లు జియోహాట్‌స్టార్ లో

ప్రముఖ ఓటీటీ ప్లాట్‌ఫామ్స్ లో ఒకటైన జియోహాట్‌స్టార్ లోనూ మలయాళం కంటెంట్ చాలానే ఉంది. అందులోనూ థ్రిల్లర్ సినిమాల గురించి ప్రత్యేకంగా చెప్పాల్సిన పని లేదు. ఈ మధ్యే వచ్చిన ఎల్2 ఎంపురాన్ నుంచి కరోనా పేపర్స్ వరకు ప్రేక్షకులను అలరించిన సినిమాలు ఎన్నో ఉన్నాయి. మరి వాటిలో బెస్ట్ సినిమాల జాబితా ఇక్కడ ఇస్తున్నాం. వాటిని చూడకపోతే వెంటనే ప్లాన్ చేసుకోండి.

ఎల్2: ఎంపురాన్ – ఐఎండీబీ 6.3

అత్యధిక వసూళ్లు సాధించిన మలయాళం మూవీ ఈ ఎల్2: ఎంపురాన్. ఈ మధ్యే జియోహాట్‌స్టార్ ఓటీటీలోకి స్ట్రీమింగ్ కు వచ్చింది. తెలుగులోనూ స్ట్రీమింగ్ అవుతోంది. ఈ యాక్షన్ థ్రిల్లర్ మూవీ గతంలో వచ్చిన లూసిఫర్ సినిమాకు సీక్వెల్. మంచి పొలిటికల్ థ్రిల్లర్ మూవీ ఎంజాయ్ చేయాలనుకుంటే ఈ సినిమాను చూడొచ్చు.

కరోనా పేపర్స్ – ఐఎండీబీ 6.4

ఐఎండీబీ రేటింగ్స్తో ఉత్తమ చిత్రాల ఎంపిక

కరోనా పేపర్స్ కూడా ఓ మంచి థ్రిల్లర్ మూవీయే. కొవిడ్ 19 మహమ్మారి విజృంభిస్తున్న సమయంలో ఓ భారీ మొత్తాన్ని దోపిడీ చేసిన ఓ గ్యాంగ్ ను పట్టుకునేందుకు ప్రయత్నించే పోలీస్ ఆఫీసర్ చుట్టూ ఈ సినిమా తిరుగుతుంది. ఐఎండీబీలో 6.4 రేటింగ్ ఉన్న ఈ సినిమా కూడా తెలుగులో స్ట్రీమింగ్ అవుతోంది.

హెవెన్ ఓ క్రైమ్ థ్రిల్లర్ సినిమా. తన కొడుకును హత్య చేసిన వాళ్లపై ప్రతీకారం తీర్చుకునేందుకు ప్రయత్నించే ఓ పోలీస్ ఆఫీసర్ కథ ఇది. సూరజ్ వెంజరమూడు లీడ్ రోల్లో నటించిన ఈ సినిమాలోని పోలీస్ ఇన్వెస్టిగేషన్ మంచి థ్రిల్ పంచుతుంది.

సూక్ష్మదర్శిని – ఐఎండీబీ 7.8

సూక్ష్మదర్శిని మూవీలో బేసిల్ జోసెఫ్, నజ్రియా నజీమ్ లీడ్ రోల్స్ లో నటించారు. ఓ ఇంట్లో జరిగే హత్య, దానిని పొరిగింట్లో ఉండే ఓ అమ్మాయి పట్టువదలకుండా ప్రయత్నించి బయటపెట్టే తీరు చుట్టూ ఈ సినిమా తిరుగుతుంది. ఐఎండీబీలో 7.8 రేటింగ్ సాధించిన ఈ థ్రిల్లర్ సినిమాను తెలుగులోనూ చూడొచ్చు.

తెలుగు ప్రేక్షకులకు మంచి వినోదం

కిష్కింధ కాండం – ఐఎండీబీ 8

కిష్కింధ కాండం ఓ సూపర్ హిట్ మలయాళ మిస్టరీ థ్రిల్లర్ మూవీ. ఆసిఫ్ అలీ లీడ్ రోల్లో నటించాడు. ఓ మిస్సింగ్ గన్ కోసం మొదలైన పోలీస్ ఇన్వెస్టిగేషన్ ఓ ఊహకందని విషయాన్ని వెలికి తీస్తుంది. ఈ సూపర్ థ్రిల్లర్ మూవీ కూడా తెలుగులో అందుబాటులో ఉంది.

కన్నూర్ స్క్వాడ్ – ఐఎండీబీ 7.6

మలయాళ మెగాస్టార్ మమ్ముట్టి నటించిన క్రైమ్ థ్రిల్లర్ మూవీ కన్నూర్ స్క్వాడ్. ఓ క్రిమినల్ గ్యాంగ్ ను పట్టుకోవడానికి ఓ పోలీస్ అధికారి, అతని టీమ్.. ఇండియా మొత్తం తిరుగుతూ చేసే జర్నీ మంచి థ్రిల్ల అందిస్తుంది. ఐఎండీబీలో 7.6 రేటింగ్ సంపాదించిన ఈ సినిమా తెలుగులో అందుబాటులో ఉంది.

జియోహాట్‌స్టార్‌లోని ఈ మలయాళ థ్రిల్లర్ సినిమాలు మీకు గ్యారంటీడ్ ఎంటర్‌టైన్‌మెంట్. వీటిని వెంటనే చూసి ఆనందించండి!